LogoTtisa

Çdo objekt ka vendin e tij! 🏠

Duke lidhur objektet me ambientin përkatës, fëmija forcon të kuptuarit e funksionit të tyre, pasuron fjalorin dhe zhvillon aftësinë për të kategorizuar informacionin.

Mësojmë përmes lojës dhe krijimtarisë! 🎨
Në terapinë në grup, fëmijët punuan me shkronjat duke përdorur ngjyrat për të krijuar pika sipas kodit të secilës shkronjë. Një aktivitet që nxit njohjen e shkronjave, përqendrimin, koordinimin sy–dorë dhe zhvillon aftësitë e motorikës fine.

A mund ta gjeni numrin që mungon? 🔢

Plotësimi i vargut numerik është shumë më tepër sesa një ushtrim me numra. Ky aktivitet ndihmon në zhvillimin e të menduarit logjik, përqendrimit, vëmendjes dhe aftësisë për të identifikuar modele e rregullsi – kompetenca të rëndësishme për suksesin në matematikë dhe në të nxënit.

💙 Një histori e bukur suksesi që na mbush me krenari!

Sot festojmë një arritje të madhe: përfundimin e terapisë logopedike. Pas çdo fjale të re, çdo tingulli të saktë dhe çdo buzëqeshjeje fshihet shumë punë dhe përkushtim.

Urime kampion i vogël! Vazhdo të besosh te vetja dhe të shkëlqesh gjithmonë! 🌟

🧸 Rritemi së bashku përmes lojës dhe komunikimit!

Ndërhyrja e hershme bën ndryshimin. Terapia në grup për vogëlushët ndihmon në zhvillimin e gjuhës, komunikimit dhe aftësive sociale. ✨

🍎🧩 Gjejmë formën që mungon dhe plotësojmë figurën! Aktivitet për zhvillimin e perceptimit vizual, përqendrimit dhe koordinimit sy–dorë

B apo D? Një sfidë e vogël me një ndikim të madh!

Përmes këtij programi, fëmijët ushtrojnë aftësinë për të diferencuar shkronjat B dhe D, duke zhvilluar perceptimin vizual, orientimin hapësinor dhe vëmendjen ndaj detajeve. Këto janë aftësi thelbësore për leximin dhe shkrimin e saktë, duke ndihmuar në reduktimin e ngatërrimit të shkronjave gjatë procesit të të nxënit. 🌟📚

Detyrat janë individuale, por puna bëhet në grup. Kjo u jep mundësinë fëmijëve të ushtrojnë aftësitë e tyre në një mjedis social, duke ruajtur fokusin, duke respektuar rregullat dhe duke mësuar nga prania e njëri-tjetrit. 🌈