Xhamia Rade
20/07/2026
Sa prej këtyre fjalëve i themi çdo ditë pa e ditur plotësisht kuptimin e tyre? Le t'i mësojmë në gjuhën tonë, që t'i shqiptojmë me dije dhe me zemër. 🤲
Shpërndaje edhe ti, sepse edhe të tjerët mund të përfitojnë. Allahu e bëftë sadaka rrjedhëse për çdo njeri që e lexon dhe e mëson. Amin.
07/07/2026
Elhamdulilah kemi filluar kursin veror 2026 tek xhamia.Kush ka dëshire mund ti sjelle femijet.Allahu na udhëzonte.
03/07/2026
"Thuaj: 'O robërit e Mi, që e keni ngarkuar veten me gjynahe, mos e humbni shpresën në mëshirën e Allahut. Vërtet, Allahu i fal të gjitha gjynahet. Ai është Falësi i Madh, Mëshiruesi.' Sureja Ez-Zumer
Ky është një nga ajetet më shpresëdhënëse në Kuran.
FALËNDERIM
Me emrin e Allahut, Mëshiruesit, Mëshirëbërësit.
Falënderimi i takon Allahut! Me ndihmën e Tij dhe me kontributin e bamiresve, u arrit të mblidhej shuma e nevojshme dhe u vendosën kondicionerët në xhami.
Shprehim mirënjohjen tonë të sinqertë për të gjithë vëllezërit dhe motrat që kontribuuan me pasurinë e tyre. Allahu jua pranoftë sadakanë, jua shtoftë bereqetin në pasuri e familje dhe jua shpërbleftë shumëfish për çdo të mirë që keni bërë.
Falënderojmë edhe të gjithë ata që, edhe pse nuk patën mundësi të kontribuonin financiarisht, na mbështetën me lutjet e tyre.
Lusim Allahun ta bëjë këtë vepër sadaka rrjedhëse për të gjithë ata që kontribuan dhe ta mbushë gjithmonë xhaminë tonë me adhurues, dije dhe bereqet.
Allahu ju ruajtë ju dhe familjet tuaja, dhe jua shpërbleftë të gjithëve me Xhenetin Firdeus. Amin.
01/07/2026
Profeti Muhamed (paqja dhe bekimet e Zotit qofshin me te) ka thene:
"Ju do ta shihni Zotin tuaj ashtu siç e shihni këtë hënë të plotë; nuk do të keni vështirësi për ta parë Atë."
30/06/2026
Profeti Muhamed ﷺ ka thënë:
"Njeriu do të jetë nën hijen e sadakasë së tij në Ditën e Kiametit, derisa të gjykohet mes njerëzve."
29/06/2026
Profeti ﷺ ka thënë:
"Sadakaja e shuan gjynahun ashtu si uji e shuan zjarrin."
29/06/2026
NJOFTIM
Të dashur vëllezër dhe motra,
Së pari, urojmë që të jeni mirë me shëndet dhe nën mbrojtjen e Allahut.
Xhamia jonë ka nevojë për disa shërbime dhe mirëmbajtje. Nevoja më urgjente gjatë kësaj vere është blerja e dy kondicionerëve. Xhemati ka arritur të mbledhë një pjesë të shumës, por ende nevojitet kontribut.
Kush ka mundësi dhe dëshirë të bëjë bamirësi për hir të Allahut, është i mirëpritur të kontribuojë, qoftë edhe me një shumë të vogël. Çdo kontribut është i vlefshëm dhe i dobishëm.
Allahu jua shpërbleftë bujarinë, ju ruajttë ju dhe familjet tuaja, dhe e pranoftë sadakanë tuaj. Amin.
Xhamia Rade ❤️ Kuran