Shkolla 9-vjeçare "Xhelal Berberi"Delvine

📚 ORË E HAPUR MËSIMORE NË MATEMATIKË
Në klasën VI u zhvillua një orë e hapur mësimore me temë:
“Pozicioni dhe zhvendosja – Përforcojmë”, e udhëhequr nga mësuesja Besiana Jaho.
Ora u karakterizua nga përdorimi i metodave ndërvepruese, bashkëpunuese dhe gjithëpërfshirëse, duke nxitur pjesëmarrjen aktive të çdo nxënësi. Një vlerë e shtuar ishte përfshirja e teknologjisë në mësim, përmes aplikacionit Padlet, i cili rriti interesin dhe angazhimin e nxënësve.
Në këtë aktivitet morën pjesë edhe prindërit, të cilët u bënë pjesë e procesit mësimor, duke forcuar bashkëpunimin shkollë–familje.
Ora u ndoq dhe u vlerësua nga drejtoresha e shkollës, e cila përgëzoi organizimin, metodologjinë dhe përkushtimin në realizimin e saj.
👏 Një shembull i bukur i një mësimdhënieje bashkëkohore dhe gjithëpërfshirëse!

Një orë e bukur dhe plot emocion në klasën I! 📚

Sot, nën përkushtimin e mësueses Florenca Ruçi, u zhvillua një orë e hapur në lëndën e Abetares, me fokus në njohjen e shkronjës Nj.

Nxënësit treguan interes, bashkëpunim dhe entuziazëm gjatë gjithë aktivitetit, duke mësuar përmes lojës, leximit dhe ushtrimeve krijuese. Ishte kënaqësi të shihje si çdo fëmijë hidhte hapa të sigurt drejt botës së dijes!

Faleminderit mësuese Florenca për përkushtimin dhe dashurinë që përcillni çdo ditë tek nxënësit! 🌸

"Një kryqëzim nuk vendos vetëm drejtimin e rrugës ,por edhe sigurinë e jetēs ; prandaj ndalo , shiko dhe kalo me kujdes " 🚦
Veprimtari e zhvilluar nga nxënësit e klasës së pestë.🚦🚒🚦

👩‍🦱👩👩‍🦰👩‍🏫🧑‍🏫👨‍🏫
Duke festuar me mirënjohje Ditën e Mësuesit.
"Gëzuar ditën e 7 Marsit !
Urimet më të përzemërta me shëndet,mbarësi dhe suksese në çdo aspekt sidomos në misionin tuaj human dhe fisnik!
Mirënjohje dhe respekt për kontributin tuaj të vyer!"- uruan me këngë, kartolina e kërcim nxënësit!
🌹💐🌷🌹🪻🌺🌸🌼🌻

Në shkollën tonë po ndihen tashmë emocionet e festave të bukura të 7–8 Marsit. Nxënësit po përgatisin me shumë dashuri poezi, këngë, kartolina dhe piktura për të shprehur mirënjohjen dhe respektin për mësuesit dhe për të gjitha nënat.

Me zemër plot gëzim dhe përkushtim, po bëhemi gati të festojmë këto ditë të veçanta që na kujtojnë sa e rëndësishme është dashuria, falënderimi dhe vlerësimi për ata që na edukojnë dhe na rritin çdo ditë. 🌸

Një vizitë me shumë dashuri… ❤️
Sot nxënësit e klasës së tretë, në kuadër të temës mësimore “Buka”, vizituan një qendër sociale për moshat e treta, duke ndarë gatimet e përgatitua me duart dhe zemrat e tyre.
Mes buzëqeshjeve dhe emocioneve, fëmijët kuptuan se jo të gjithë kanë të njëjtat mundësi dhe se mirësia fillon nga gjërat më të thjeshta — nga vlerësimi i asaj që kemi dhe nga kujdesi për ata që kanë më shumë nevojë.
Një mësim i vogël në dukje, por i madh për zemrën dhe jetën. 🤍

Sot, në shkollën “Xhelal Berberi”, Qeveria e Nxënësve organizoi një veprimtari të rëndësishme me temë “Ushqyerja e shëndetshme”. Aktiviteti u zhvillua në një atmosferë bashkëpunuese dhe kreative, ku nxënësit u përfshinë në ese, piktura dhe konkurs njohurish.
Juria vlerësoi punimet më të mira me certifikata:
🏆 Fituese e esesë: Fjorela Leka, klasa IX
🎨 Fituese e vizatimit: Artemis Qendro, klasa VI
Veprimtaria synoi të ndërgjegjësojë nxënësit për rëndësinë e një stili jetese të shëndetshëm dhe përkujdesjes ndaj trupit.
• Çfarë do të thotë të jesh njeri i shëndetshëm?
• Çfarë nënkupton fjala “shëndet”?
• Sa i rëndësishëm është uji për shëndetin e njeriut?
• Si duhet të kujdesemi për një trup të shëndetshëm?
• Si ndikon veprimtaria fizike dhe sportive në shëndetin e njeriut?
• A është e rëndësishme “ndihma e parë” në rast se shoku ynë dëmtohet gjatë lojës?
Në përfundim, aktiviteti ishte edukues dhe motivues, duke forcuar ndërgjegjësimin e nxënësve për rëndësinë e ushqyerjes së shëndetshme dhe jetesës aktive. 🌿💧🏃‍♀️

🚓🚦 Siguria në rrugë, siguri për jetën! 🚦🚓
Sot u zhvillua me shumë sukses një veprimtari ndërlëndore nga Komisioni i Sigurisë dhe Shëndetit në Shkollë, nën drejtimin e mësueses Besiana Jaho, kujdestare e klasës VI dhe mësuese e TIK-ut, në bashkëpunim me nxënësit e klasës VI, përfaqësueset e Policisë Sarandë 👮‍♀️👮‍♂️ si dhe mësuesen Ortenca Mehmeti.
🎯 Tema ndërgjegjësuese: “Siguria në rrugë dhe siguria e jetës” u trajtua përmes një sërë aktivitetesh të larmishme dhe edukative.
🔹 Veprimtaria u hap me fjalën informuese të policeve, të cilat sollën shembuj konkretë nga situata reale në rrugë 🚔
🔹 Vijoi me shpjegimin e rregullave të Kodit Rrugor përmes ilustrimeve të qarta 🚦⛔
🔹 Mësuesja Ortenca, sekretare e Komisionit të Shëndetit, ndau këshilla të vlefshme për sigurinë, të shoqëruara me një video të animuar mjaft tërheqëse 🎬✨
🔹 Më pas, nxënësit u përfshinë me shumë entuziazëm në quiz-in interaktiv në PowerPoint të përgatitur nga mësuesja e TIK-ut, Besiana 🖥️📊
🔹 Aktiviteti vijoi me prezantimin e posterave krijues të nxënësve 🎨🧠
🔹 Në përmbyllje, çdo nxënës realizoi një foto simbolike me jelekun e policit 🦺📷
👏 Përgëzime të përzemërta nxënësve për pjesëmarrjen aktive dhe bashkëpunëtorëve për kontributin e vyer!
Së bashku , për rrugë më të sigurta dhe një jetë më të mbrojtur! 🚸💙

Sot ishte një ditë krenarie për shkollën tonë. Në Parlamentin e Nxënësve, zëri ynë u përfaqësua me dinjitet, kulturë dhe maturi nga dy të rinj të shkëlqyer: Elisa Sulejmani nxënëse aktuale e shkollës sonë dhe një ish-nxënës, Dalind Cenokaçi , sot pjesë e arsimit të mesëm, por gjithmonë pjesë e familjes sonë arsimore.
Me fjalën, qëndrimin dhe përkushtimin e tyre, ata treguan se vlerat që kultivohen në bankat e kësaj shkolle rriten bashkë me ta dhe i shoqërojnë në çdo hap të jetës. Përfaqësimi i tyre ishte shembull qytetarie, përgjegjësie dhe besimi në fuqinë e zërit të të rinjve.
Na bënë krenarë jo vetëm për arritjen, por për mënyrën se si e mbartën emrin e shkollës sonë. Urojmë që rruga e tyre të vazhdojë e ndritur, me suksese të reja dhe me të njëjtin pasion për të qenë zë i ndryshimit!🌟🌟🙋🏻‍♂️👩🏼‍🏫📚📑

📖 21 Shkurti – Dita Ndërkombëtare e Gjuhës Amtare 🇦🇱

Gjuha amtare është fryma e kombit dhe kujtesa e shpirtit.
Në çdo fjalë shqip rreh historia, kultura dhe dashuria për atdheun.

Sot, nxënësit tanë e nderuan gjuhën shqipe me zë, me mendim dhe me krijimtari, duke dëshmuar se ajo jeton aty ku flitet me zemër dhe shkruhet me krenari.

Ta ruajmë si thesar. Ta përcjellim si dritë. ✨