Shkolla 9 Vjecare '7 Marsi' Cerrik

🎓 Shkolla “7 Marsi” ju uron shumë suksese nxënësve të klasave të nënta në provimet kombëtare!
Me besim në dijet tuaja, me qetësi dhe përkushtim, jemi të bindur se do të arrini rezultatet që meritoni. Këto provime janë një hap i rëndësishëm drejt ëndrrave dhe synimeve tuaja.
🗓️ Datat e provimeve:
📖 19 Qershor – Gjuhë Shqipe
➗ 25 Qershor – Matematikë
🌍 30 Qershor – Gjuhë e Huaj
Besoni te vetja, jepni më të mirën dhe shkëlqeni!
Suksese të gjithëve! Ne jemi krenarë për ju! ❤️🏆

🇦🇱✈️ Momente nga nisja e ekipit shqiptar të JBMO drejt Rumanisë
Sot u nis drejt Rumanisë ekipi shqiptar që do të përfaqësojë vendin në Junior Balkan Mathematical Olympiad, një nga kompeticionet më prestigjioze të matematikës për nxënësit e rinj në rajon.
Me krenari të madhe, pjesë e këtij ekipi është edhe nxënësi ynë Loris Qose, i cili falë talentit, punës së palodhur dhe rezultateve të shkëlqyera ka fituar të drejtën të përfaqësojë Shqipërinë në këtë garë ndërkombëtare.
Ky është një moment i veçantë krenarie për shkollën tonë, për mësuesit, familjen dhe të gjithë ata që kanë ndjekur me gëzim rrugëtimin e tij drejt suksesit. Arritja e Lorisit është dëshmi se përkushtimi, vullneti dhe dashuria për dijen shpërblehen gjithmonë.
I urojmë Lorisit dhe gjithë ekipit shqiptar suksese në këtë sfidë të rëndësishme, përvoja të bukura dhe rezultate sa më të larta. Jemi të bindur se do të na përfaqësojnë me dinjitet dhe do të na bëjnë krenarë.
Rrugë të mbarë dhe suksese, Loris! Shqipëria është me ju! 🇦🇱🏅

🏅 Vlerësim për ekselencën në mësime 🏅

Sot, drejtori i shkollës dhe mësuesja e matematikës, Flutura Hoxholli, ndanë certifikata vlerësimi për nxënësit e dalluar Loris Qose dhe Jasemina Vreto, të cilët kanë përfunduar vitin shkollor me mesatare 10 absolute dhe rezultate të shkëlqyera në mësime.

Ky vlerësim është një dëshmi e punës së palodhur, përkushtimit dhe seriozitetit që këta nxënës kanë treguar gjatë gjithë vitit shkollor.

Shkolla jonë i përgëzon përzemërsisht dhe u uron suksese të mëtejshme në rrugëtimin e tyre akademik. 🎓

Urime Loris Qose dhe Jasemina Vreto për këtë arritje të shkëlqyer! 🏆

Disa momente të shkëputura nga veprimtaria artistike “Magjia e Skenës” 🎭
Emocione, talent, buzëqeshje dhe duartrokitje që do të mbeten gjatë në kujtesën tonë. 🎶📖
👏 Urime të gjithë nxënësve për performancat e tyre të mrekullueshme!
🎬 “Magjia e Skenës” – aty ku talenti merr jetë!

MAGJIA E SKENËS – Një festë e artit dhe talentit në Shkollën “7 Marsi”, Cërrik
Në një atmosferë të mbushur me emocion, krenari dhe duartrokitje të ngrohta, u zhvillua me sukses veprimtaria artistike “Magjia e Skenës”, një aktivitet i veçantë në vlerësim të punës dhe përkushtimit të Grupit Artistik të shkollës sonë.
Nxënësit tanë sollën në skenë një ndërthurje të bukur të artit, përmes recitimeve plot ndjenjë, interpretimeve muzikore, duke dëshmuar talentin, kreativitetin dhe pasionin që i karakterizon.
Ky aktivitet ishte më shumë se një shfaqje artistike , ishte një dëshmi e fuqisë edukative të artit në formimin e personalitetit të nxënësve, në rritjen e vetëbesimit dhe në forcimin e bashkëpunimit.
Një moment kulmor i veprimtarisë ishte ndarja e certifikatave të mirënjohjes për nxënësit pjesëmarrës, si një vlerësim për angazhimin, përkushtimin dhe kontributin e tyre në jetën artistike të shkollës.
Një vlerësim i veçantë shkon për Drejtuesin e aktiviteteve artistike të shkollës, Dritan Tare, i cili këtë vit shënon 25 vite përkushtimi të pandërprerë në shërbim të artit dhe edukimit të brezave në Shkollën “ 7 Marsi “ Cërrik.
Me profesionalizëm, pasion dhe përkushtim të palëkundur, ai ka ndërtuar ndër vite një traditë artistike në shkollën tonë, duke frymëzuar qindra nxënës të zbulojnë dhe të zhvillojnë talentin e tyre.
Falënderojmë të gjithë nxënësit, mësuesit, prindërit për praninë dhe mbështetjen e tyre.
Shkolla jonë vazhdon të mbetet një hapësirë ku talenti rritet, arti jeton dhe emocionet ndahen me të gjithë.
“Magjia e Skenës” – aty ku talenti merr jetë!

STENDA E KUJTESËS DHE KRENARISË
– Një udhëtim në historinë artistike të Shkollës “7 Marsi”, Cërrik
Si pjesë e veçantë e veprimtarisë artistike “Magjia e Skenës”, të pranishmit patën mundësinë të vizitonin stendën ekspozuese kushtuar historikut dhe veprimtarisë së Grupit Artistik të Shkollës “7 Marsi”, Cërrik.
Përmes fotografive, posterave, certifikatave, materialeve promovuese, stenda solli një pasqyrë të pasur të rrugëtimit artistik të shkollës sonë, duke evidentuar aktivitetet e shumta dhe sukseset që kanë shoqëruar breza të tërë nxënësish.
Vizitorët, prindërit, nxënësit patën mundësinë të riktheheshin në momente të veçanta të jetës artistike të institucionit tonë, duke përjetuar emocione, kujtime dhe krenari për traditën e ndërtuar me përkushtim gjatë viteve.
Kjo ekspozitë ishte një dëshmi e gjallë se arti në shkollën tonë nuk është vetëm një aktivitet, por një vlerë e qëndrueshme edukative dhe kulturore, që ka ndihmuar në formimin e shumë brezave nxënësish.
Një vlerësim i veçantë i dedikohet të gjithë nxënësve që kanë qenë pjesë e Grupit Artistik ndër vite, si dhe drejtuesit të aktiviteteve artistike, Dritan Tare, për punën, pasionin dhe kontributin e vazhdueshëm në pasurimin e jetës artistike të shkollës.
Stenda e kujtesës artistike na kujtoi se çdo aktivitet, çdo duartrokitje dhe çdo sukses i arritur mbetet pjesë e historisë sonë të përbashkët dhe frymëzim për brezat që do të vijnë.
Shkolla “7 Marsi”, Cërrik – aty ku tradita artistike ruhet, vlerësohet dhe përcillet brez pasbrezi.