Shkolla 22 Tetori Berat

📢 Të dashur prindër,

Kanë mbetur edhe 10 ditë për regjistrimin e fëmijëve tuaj në klasën e parë dhe klasën e dhjetë për vitin shkollor 2026–2027.

💻 Ju ftojmë të kryeni aplikimin në kohë, në mënyrë të shpejtë dhe të lehtë, përmes shërbimit elektronik në e-Albania.

⏳ Mos e lini regjistrimin për ditët e fundit! Respektimi i afateve ndihmon në organizimin sa më të mirë të procesit dhe garanton një fillim të mbarë të vitit të ri shkollor.

🏫 Institucionet arsimore parauniversitare në varësi të ZVAP Berat ofrojnë një mjedis të sigurt, gjithëpërfshirës dhe cilësor, ku stafe të kualifikuara punojnë me profesionalizëm e përkushtim, duke mbështetur zhvillimin akademik dhe personal të çdo fëmije.

📚 Përmes programeve si "Pas Shkolle", aktiviteteve edukative, kulturore, sportive dhe projekteve të shumta zhvillimore, nxënësit do të kenë mundësi të mësojnë, të krijojnë dhe të zhvillojnë potencialin e tyre në një klimë pozitive dhe motivuese.

🤝 ZVAP Berat dhe të gjitha institucionet arsimore në varësi mbeten të angazhuara për t'ju ofruar mbështetjen e nevojshme gjatë gjithë procesit të regjistrimit.

🎒 Regjistrojeni fëmijën tuaj në kohë dhe bëhuni pjesë e një viti të ri shkollor të suksesshëm!

🔆Nëse po planifikoni për arsimimin e fëmijëve tuaj 🤗 për vitin shkollor 2026–2027, shkolla 9-vjeçare “22 Tetori” Berat ju mirëpret me:

🔆Një staf prej 43 mësues të kualifikuar, me përvojë të gjatë profesionale, të përkushtuar për të zhvilluar potencialin e çdo nxënësi. Me ekip psiko-social të gatshëm për mbështjetjen emocionale e sociale, OS, 2 mësues në dispozicion, koordinator cilësie dhe karriere për të mbështetur orientimin e nxënësve drejt zgjedhjes së tyre sipas talentit dhe degëve që preferojnë për të ardhmen.
🔆Infrastrukturë plotësisht të rinovuar, me ambiente moderne, të sigurta dhe komode që ofrojnë kushte optimale për mësimdhënie dhe mësimnxënie.
🔆Mjedise të pajisura me teknologji bashkëkohore, klasa funksionale dhe një atmosferë që nxit krijimtarinë, bashkëpunimin dhe suksesin.
🔆Një klimë pozitive shkollore, ku çdo fëmijë ndihet i respektuar, i mbështetur dhe i motivuar të arrijë më të mirën.
🔆Bashkëpunim të ngushtë me prindërit dhe komunitetin, duke besuar se suksesi i nxënësve ndërtohet mbi partneritetin dhe besimin reciprok.

🔆Ne nuk ndërtojmë vetëm dije – ne formojmë qytetarët e së nesërmes.

🔆Ju ftojmë të bëheni pjesë e familjes sonë dhe t’u dhuroni fëmijëve tuaj një arsim cilësor, në një mjedis bashkëkohor, të sigurt dhe frymëzues.

🔆Shkolla 9-vjeçare “22 Tetori”,Berat.
E ardhmja fillon këtu! 🌟

🗣NJOFTIM I RËNDËSISHËM

Të nderuar prindër,

Gjenerimi i dëftesave të nxënësve të shkollës “22 Tetori” për vitin shkollor 2025 - 2026 ka përfunduar.

Dëftesat janë të disponueshme në portalin E - Albania.

Hapat që duhet të ndiqni për të parë dhe shkarkuar dëftesën e fëmijës suaj, janë:

👉Identifikohuni në E - Albania ;
👉Klikoni mbi “Hapësira ime” ;
👉Klikoni mbi “Dokumentet e mia” ;
👉Shkarkoni dëftesën.

👋Ju urojmë pushime të mbara dhe suksese!

Drejtoria e shkollës

Njoftim!