15/09/2026
Të dashur nxënës, mësues dhe prindër,
Sot hapim së bashku një kapitull të ri në jetën e shkollës sonë.
Ju uroj nga zemra mirëseardhjen në shkollën “22 Tetori” nxënësve të klasës së parë të cilët ulen për herë të parë në bankat e shkollës.Suksese në rrugën e bukur të dijes!
Të dashur nxënës të të gjitha klasave të arsimit bazë të shkollës sonë. Sot fillojmë mësimin në një shkollë me rikonstruksion total, me ambientet më bashkëkohore ,me një mision të përbashkët:të mësuarit për të ndërtuar kompetencat që do t’u bëjnë të aftë për jetën.
Sot po shkruhet faqja e parë e librit për këtë vit shkollor, një vit që do të jetë i mbushur me mundësi të reja për të mësuar, zhvilluar e realizuar ëndrrat tuaja.
Mjafton këmbëngulja, dëshira për të qënë të parët,shpirtin e garës dhe rezultatet e larta do t’ju ndjekin vet.
Ne të gjithë së bashku duam që ky vit të ketë nxënësin në qendër ku çdo fëmijë të ndihet i sigurt, i respektuar ,i dëgjuar dhe i mbështetur. Por shkolla jonë nuk do të jetë vetëm një mjedis ku do të zhvillohen orët mësimore. Ne duam që ajo të jetë një hapsirë ku nxënësi mëson ,krijon, bashkëpunon, zbulon talentin dhe përgatitet për jetën.
Një nga prioritetet tona kryesore këtë vit do të jetë përdorimi sa më i mirë i kabineteve të shkollës,implementimi sa më i mirë i kurrikulës së re në klasat I, VI, përmirësimi i vazhdueshëm i mjedisit shkollor duke krijuar kushte më të favorshme për nxënësit dhe mësuesit.
Gjuhet e huaja në shkollën tonë janë
Anglisht dhe Italisht -gjuhë e huaj e parë dhe Frengjisht gjuhë e huaj e dytë si një mundësi e mirë për nxënësit, duke i bërë ata më të aftë për komunikimin global dhe perspektiven për jetën.
Programi “Pas shkolle “ është mundësi që koha pas përfundimit të mësimit të shëndërohet në një kohë të dobishme dhe frytëdhënëse në të mësuarin e orëve përforcuese,zejeve ,aktiviteteve SHQK në të cilën mundësohet të zhvillojnë aftësitë e tyre, të bashkëpunojnë, krijojnë dhe të socializohen në një mjedis të sigurt dhe edukues.
Ne duam që nxënësit tanë të kenë arsye për të ardhur në shkollë, jo vetëm për mësimin, pa diskutim, por edhe për talentin, pasionin dhe idetë brilante që kthehen në veprimtari konkrete.
Ekipet sportive do të zënë një vend shumë të rëndësishëm këtë vit. Ne do t’i mbështesim ekipet e shkollës duke nxitur pjesëmarrjen e nxënësve në aktivitete dhe gara sportive. Sporti na mëson disiplinën, respektin për kundërshtarin, këmbënguljen, shpirtin e garës dhe të ekipit dhe një mënyrë të shëndetshme jetese. Ne duam që çdo nxënës të ketë mundësinë të zbulojë dhe të zhvillojë talentin e tij.
Të dashur kolegë,
Puna jonë nuk matet vetëm me atë që shkruhet në një regjistër elektronik apo me rezultatet në fund të vitit. Ajo matet edhe me fëmijën që ndihet i sigurt, me nxënësin që zbulon talentin e tij, me atë që fiton besimin te vetja dhe me atë që largohet nga shkolla jonë i mirëpërgatitur për jetën.
Prandaj, edhe këtë vit, le të punojmë së bashku që çdo nxënës të marrë atë që meriton: mbështetje, besim dhe arsim cilësor. Këto janë vlerat që përkthehen në rezultate të larta për shkollën tonë dhe mbi të gjitha për nxënësit tanë.
Të dashur prindër,
Bashkëpunimi juaj është çelësi i suksesit të fëmijëve tuaj. Shkolla dhe familja duhet të ecin në të njëjtin drejtim, me të njëjtin qëllim: të krijojmë kushtet që çdo fëmijë të rritet, të mësojë, të zhvillojë talentet dhe të besojë te vetja.
Qoftë një vit i mbarë për çdo nxënës dhe mësues të shkollës sonë!
Suksese së bashku!
Drejtoreshë Albana Hoxha
