Shkolla Poshnje

14/09/2026

📚Sot, dyert e shkollës sonë u hapën me buzëqeshje dhe plot emocione të bukura për një vit të ri plot dije, suksese dhe arritje!
Urojmë nga zemra të gjithë nxënësit e shkollës sonë për një vit shkollor sa më të mbarë dhe të suksesshëm!
Një urim i veçantë shkon për vogëlushët e klasës së parë, të cilët sot u ulën për herë të parë në bankat e shkollës.
Kjo është dita e parë e një rrugëtimi të ri e të bukur. Ju urojmë që çdo ditë në shkollë të sjellë për ju dije, miqësi, gëzim dhe shumë ëndrra që bëhen realitet!
Në këtë ditë të veçantë, patëm kënaqësinë të mirëprisnim në shkollën tonë dhe të ndanim urimet për një vit të mbarë me deputetin e zonës, z. Fadil Nasufi, Kryetaren e Bashkisë, znj. Juliana Memaj, dhe Drejtorin e ZVA-së, z. Isuf Bazaj.
I falënderojmë për praninë, urimet dhe vëmendjen e treguar ndaj nxënësve dhe shkollës sonë.
Një falënderim i veçantë shkon edhe për prindërit, për besimin, mbështetjen dhe bashkëpunimin e tyre.
Jemi të bindur se edhe këtë vit do të ndërtojmë së bashku një ure bashkëpunimi të ngushtë në edukimin e fëmijëve!
Suksese, nxënës të dashur! Qoftë ky një vit i mbushur me dije, buzëqeshje dhe shumë arritje!
Gëzuar fillimin e vitit të ri shkollor 2026–2027! 📚

Drejtoria e shkollës!

13/09/2026

MIRË SE VINI, NXËNËS TË DASHUR, NË VITIN E RI SHKOLLOR 2026–2027! 📚
Me gëzim, emocion dhe shumë besim për të ardhmen, Shkolla “Andrea Mbriçe”, Poshnje hap dyert për një tjetër vit shkollor, duke mirëpritur nxënësit tanë në një rrugëtim të ri drejt dijes, zhvillimit dhe suksesit.
Fillimi i një viti të ri shkollor sjell gjithmonë ëndrra të reja, synime të reja dhe mundësi të reja për të përparuar. Urojmë që çdo nxënës ta nisë këtë vit me dëshirën për të mësuar, me kurajën për të sfiduar veten dhe me besimin se çdo përpjekje e sotme është një hap drejt së ardhmes.
Mësuesve tanë u urojmë energji, frymëzim, durim dhe përkushtim në misionin e tyre të çmuar për edukimin dhe formimin e brezit të ri.
Prindërve u urojmë bashkëpunim, mirëkuptim dhe mbështetje të vazhdueshme, duke qenë gjithmonë pranë fëmijëve në çdo hap të rrugëtimit të tyre shkollor.
Ndërsa nxënësve tanë u urojmë një vit të mbushur me dije, rezultate të larta, miqësi të bukura, aktivitete, përvoja të reja dhe shumë arsye për të qenë krenarë për arritjet e tyre.
Le ta ndërtojmë së bashku një vit shkollor ku dija, puna, respekti, bashkëpunimi dhe dashuria për shkollën të jenë udhërrëfyesit tanë.
Qoftë viti shkollor 2026–2027 një vit i mbarë, i suksesshëm dhe plot arritje për të gjithë!
Suksese dhe mbarësi në çdo hap të këtij viti të ri shkollor!

Me respekt,
Drejtoria e shkollës!

23/08/2026

NJOFTIM PËR PRINDËRIT!

Të dashur prindër!
Ju njoftojmë se aplikimet për regjistrimin e fëmijëve në klasën e parë për vitin shkollor 2026–2027 do të jenë aktive nga nesër, datë 24 gusht 2026, deri më 7 shtator 2026.
Periudha e aplikimit: 24 gusht – 7 shtator 2026
Ju lutemi, gjatë kësaj periudhe të kryeni aplikimin për regjistrimin e fëmijës suaj. Nëse nuk e kryeni dot aplikimin online, stafi i shkollës sonë do t’ju vijë në ndihmë për realizimin e regjistrimit.
Gjithashtu, ju lutemi të sillni pranë shkollës dokumentacionin e mëposhtëm:
1-Certifikatën personale dhe familjare të fëmijës;
2-Librezën e vaksinave, të fotokopjuar;
3-Vërtetimin e vizitës tek okulisti;
4-Vërtetim vendbanimi.

📌 Për çdo paqartësi apo vështirësi gjatë procesit të regjistrimit, mund të drejtoheni pranë shkollës, ku do të merrni ndihmën dhe informacionin e nevojshëm.

Shkolla 9-vjeçare “Andrea Mbriçe” ju uron një fillim të mbarë të vitit të ri shkollor! 📚

Drejtoria e shkollës!

20/08/2026

Me keqardhje mësuam për ndarjen nga jeta të mësuese Esmeralda Samza,e cila ka qenë pjesë e shkollës sonë dhe ka dhënë me përkushtim dhe profesionalizëm kontributin e saj në edukimin e shumë brezave të nxënësve.
Në këto momente të dhimbshme,shprehim ngushëllimet tona më të sinqerta për familjen,të afërmit,miqtë dhe nxënësit e saj!
U prehtë në paqe mësuese Esmeralda! 🕊️

Drejtoria e shkollës!

29/06/2026

Suksese nxënësve të klasës IX në provimin e gjuhës angleze!
Ju urojmë qetësi, përqendrim dhe besim në vetvete.
Falënderojmë mësues për punën, përkushtimin dhe mbështetjen e vazhdueshme gjatë përgatitjes së nxënësve. 👏
Suksese dhe dalshi faqebardhë!

Drejtoria e shkollës!

24/06/2026

24/06/2026

Suksese nesër nxënësve të klasës IX në provimin e Matematikës!
Ky është një tjetër hap i rëndësishëm drejt realizimit të ëndrrave dhe synimeve tuaja. Ju urojmë qetësi, përqendrim dhe rezultate sa më të larta.
Një falënderim shkon për mësuesen , për përkushtimin dhe mbështetjen e vazhdueshme që u ka dhënë nxënësve gjatë gjithë këtij rrugëtimi. 👏
Dalshi faqebardhë!

Drejtoria e shkollës.

18/06/2026

🧑‍🎓Të dashur nxënës të klasës IX!
Ka ardhur momenti të shihni me krenari rrugën që keni përshkuar,një rrugë plot përpjekje,sfida, arritje dhe kujtime të bukura .Me përfundimin e këtij cikli,mbyllni një kapitull të rëndësishëm dhe hapni dyert e një etape të re,me më shumë pjekuri,besim dhe ëndrra për të ardhmen.
Ju urojmë shumë suksese dhe dalshi faqebardhë në provimin e Gjuhës Shqipe!
Një falënderim të veçantë për mësuesen ,e cila me përkushtim dhe dashuri ju ka udhëhequr në rrugën e dijes e të fjalës shqipe. 👏

Drejtoria e shkollës!

08/06/2026

Kur bashkëpunimi sjell ngjyra,bukuri dhe gjurmë të bukura në shkollën tonë! 🎨🌿

Në përmbyllje të këtij viti shkollor,të tre Departamentet e shkollës,nga klasa e I-IX u bashkuan për t'i dhënë një pamje më të bukur dhe më të ngrohtë mjediseve tona.
Me përkushtim dhe punë të përbashkët,e lyen gardhin e shkollës dhe gomat dekorative që zbukurojnë oborrin,duke sjellë më shumë ngjyra dhe gjallëri në ambientet ku fëmijët mësojnë e rriten çdo ditë.
Falënderojmë nxënësit që,së bashku me mësuesit e tyre,kontribuan me bojën,punën,energjinë dhe kreativitetin e tyre për ta bërë shkollën tonë më të bukur dhe më mikpritëse.Ky aktivitet tregoi se kur punojmë së bashku,me përkushtim dhe dashuri për shkollën,mund të krijojmë gjëra të bukura që mbeten gjatë.
Një shkollë më e bukur ndërtohet nga duart,mendjet dhe dëshira e mirë për të punuar së bashku!

Drejtoria e shkollës!

04/06/2026

📖Thonë se një rrugëtim i madh,fillon me një hap te vogël dhe sot zemrat e këtyre vogëlushëve të klasës së parë me mësuese u shfaqën plot gëzim dhe krenari. Ata mbyllën një kapitull të veçantë të fëmijërisë së tyre,duke përfunduar ABETAREN📖,librin që i njohu me botën magjike të shkronjave dhe fjalëve.📚

✍️📚Çdo shkronjë e mësuar,çdo fjalë e lexuar dhe çdo sukses i vogël ka qenë një hap drejt ëndrrave të tyre.
🌸🌼Sot festuan festën e tyre me të bukur duke treguar përkushtimin,mundin nëpërmjet vjershave, këngëve dhe buzëqeshjeve të tyre.
Nepërmjet këtyre momenteve të kapura nga aparati për të ruajtur grimcat më të bukura,urojmë që rruga e dijes t’u sjellë gjithmonë dritë,lumturi dhe suksese!

🌟 Të dashur nxënës,mbajeni gjithmonë gjallë dashurinë për librin,sepse aty fillon çdo ëndërr e bukur.
Urime Festa e Abetares! 📚🌸

Drejtoria e shkollës!