13/09/2026
Ka ditë që mbajnë brenda tyre një emocion të veçantë…
Dhe dita e parë e shkollës është një prej tyre. 📚⏰
Nesër, shkolla merr sërish jetë. Dyert hapen, klasat mbushen me zëra e buzëqeshje dhe ne kemi kënaqësinë të themi përsëri: Mirë se vini, nxënës të dashur! ❤️
Për vogëlushët e klasës së parë, nesër nis një rrugëtim krejt i ri. Hapat e parë, banka e parë, mësuesja, shokët, shkronjat e para, kujtime që do t’i shoqërojnë gjatë.
Paçi një fillim të bukur dhe një rrugëtim plot dritë, vogëlushë! 📚🤍
Për të gjithë nxënësit tanë, urojmë që ky vit t’ju sjellë dije, miqësi dhe shumë arsye për të qenë krenarë për veten.
Një urim i veçantë për mësuesit dhe gjithë stafin tonë të palodhur e të përkushtuar, që çdo shtator rikthehet me të njëjtën përgjegjësi, kujdes dhe dëshirë për t’u dhënë fëmijëve më të mirën.
Dhe një falënderim i përzemërt për prindërit, që na besojnë çdo ditë atë që kanë më të çmuar: edukimin dhe formimin e fëmijëve të tyre. Besimi juaj është për ne vlerësim por edhe përgjegjësi!
Nesër fillojmë përsëri.
Me emocione të reja, me pritshmëri të reja dhe me shumë për të ndarë së bashku.
Qoftë një vit i mbushur me arritje dhe suksese që të na bëjnë krenarë! 📚🤍
