Shkolla 9-vjecare "1Maji" Berat

Institucion arsimor nga klasa e parë deri në klasën e nëntë!

22/06/2026

Lënda: Matematikë
Tema e projektit:"Zbatime të gjeometrisë në hapësirë në jetën e përditshme dhe në arkitekturë"
Ky projekt është një udhëtim magjik ku gjeometria shndërrohet nga teori në realitet. Nga format e thjeshta që ndërtojnë mobiljet tona, tek kupolat madhështore që ngrihen mbi qytete, gjeometria është gjuha e fshehtë e harmonisë. Ajo na mëson se çdo kënd, çdo rreth e çdo kub nuk është thjesht figurë, por një urë mes mendimit abstrakt dhe bukurisë sëprekshme. Në arkitekturë, gjeometria është muzika e gurëve dhe dritës, ndërsa në jetën e përditshme ajo është arti i ekuilibrit që na rrethon pa u vënë re.Ky projekt është një ftesë për të parë botën me sy matematikorë, ku çdo ndërtesë, çdo hapësirë dhe çdo objekt i zakonshëm bëhet dëshmi e fuqisë së gjeometrisë.
👩🏻‍🏫 Etleva Bilçari

22/06/2026

Lënda: Matematikë
Tema e projektit:“Zbatime të gjeometrisë në hapësirë në jetën e përditshme dhe në arkitekturë”,
Është kjo tema e projektit mbi të cilën nxënësit e klasës së nëntë realizuan punime interesante dhe krijuese, duke treguar se matematika është e pranishme kudo rreth nesh. Përmes modeleve dhe projekteve të tyre, ata lidhën njohuritë teorike me situata reale, duke zhvilluar imagjinatën dhe aftësitë praktike.
👩🏻‍🏫Etleva Bilçari
👏📐🏛️

Photos from Shkolla 9-vjecare "1Maji" Berat's post

18/06/2026

Të dashur nxënës të klasave të nënta,
Nesër ju pret një ditë e rëndësishme në rrugëtimin tuaj arsimor:

✍️ Provimi Kombëtar i Arsimit Bazë në lëndën e Gjuhës Shqipe.

📚 Pas shumë përpjekjesh, mësimesh dhe pune gjatë gjithë këtyre viteve, tani është momenti të tregoni atë që keni mësuar dhe të jepni më të mirën tuaj.

📝 Rregullat që duhet të keni parasysh:
• Paraqituni në shkollë në orarin e përcaktuar.
• Merrni me vete dokumentin e identifikimit.
• Keni me vete vetëm mjetet e lejuara për provim.
• Mos mbani telefon celular apo pajisje të tjera elektronike.
• Lexoni me kujdes çdo kërkesë përpara se të filloni përgjigjet.
• Menaxhoni me kujdes kohën gjatë zhvillimit të testit.
• Respektoni udhëzimet e administratorëve dhe rregullat e provimit.
• Ruani qetësinë, përqendrimin dhe vetëbesimin gjatë gjithë provimit.

🌟 Ju urojmë suksese, mendje të kthjellët dhe rezultate sa më të mira!

Le të jetë kjo ditë një përvojë e bukur dhe një hap i sigurt drejt ëndrrave tuaja. 📚✨

Suksese të gjithëve!

Drejtoria e Shkollës 9-vjeçare "1 Maji"

Photos from Zyra Vendore Arsimore BERAT's post

12/06/2026

🎓“Një rrugëtim që mbyllet, një ëndërr që nis...” 🎓

Dje zemrat tona u mbushën me emocion, krenari dhe mall. Mes buzëqeshjeve, duartrokitjeve dhe kujtimeve të bukura, festuam diplomimin e nxënësve të klasave të pesta dhe të nënta.
Çdo hap i hedhur në korridoret e shkollës, çdo mësim i marrë, çdo sfidë e kapërcyer dhe çdo miqësi e krijuar do të mbetet pjesë e kujtimeve më të bukura të jetës së tyre shkollore.
Në këtë festë të madhe për nxënësit dhe mbarë komunitetin nuk u festua vetëm fundi i vitit shkollor 2025–2026,por u festuan arritjet, ëndrrat, përpjekjet e sukseset e nxënësve tanë.
Fluturoni lart, të dashur nxënës! Mbani me vete vlerat, kujtimet dhe dashurinë e shkollës suaj.
Dyert e “1 Majit” do të mbeten gjithmonë të hapura për ju. 🏫
Urime dhe suksese në çdo rrugë të.jetës suaj!
✨✨✨✨✨