THIMI TANI

Prezantim i suksesshëm i projektit lëndor “Shkrimtarët e Brezit të Humbur”
Sot, nxënësit e klasave të teta prezantuan me sukses projektin lëndor me temë “Shkrimtarët e Brezit të Humbur”, duke sjellë para bashkëmoshatarëve dhe mësueses një udhëtim interesant në letërsinë botërore të shekullit XX.
Gjatë prezantimeve, nxënësit paraqitën jetën, krijimtarinë dhe kontributin e autorëve më të njohur të këtij brezi, duke analizuar veprat e tyre dhe mesazhet që ato përcjellin.
Puna kërkimore, aftësitë komunikuese dhe bashkëpunimi në grup u pasqyruan qartë në çdo prezantim.
Ky projekt shërbeu jo vetëm për thellimin e njohurive letrare, por edhe për zhvillimin e mendimit kritik, kreativitetit dhe aftësive prezantuese të nxënësve.
Përgëzojmë të gjithë nxënësit për angazhimin dhe seriozitetin e treguar, si dhe mësuesen për udhëheqjen dhe mbështetjen në realizimin e këtij projekti të suksesshëm.

Vizitë mësimore në Muzeun Etnografik të Beratit.
Në kuadër të aktiviteteve edukative dhe njohjes së trashëgimisë kulturore të vendit tonë, nxënësit e Arsimit Fillor zhvilluan një vizitë në Muzeun Etnografik të Beratit. Gjatë kësaj vizite, ata patën mundësinë të njihen nga afër me mënyrën e jetesës së familjeve shqiptare ndër shekuj, duke vëzhguar ambientet tradicionale, orenditë e vjetra, punimet artizanale dhe objektet karakteristike të kulturës sonë.
Me shumë kureshtje dhe interes, nxënësit dëgjuan shpjegimet e guidave dhe mësuesve, duke mësuar më shumë për traditat, zakonet dhe vlerat e trashëgimisë sonë kulturore.
Vizita u shndërrua në një përvojë të veçantë mësimore, ku historia dhe kultura morën jetë përmes objekteve autentike të ekspozuara në muze.
Aktivitete të tilla ndihmojnë në pasurimin e njohurive të nxënësve, zhvillimin e ndjenjës së përkatësisë dhe respektit për historinë, kulturën dhe traditat e vendit tonë.

5 Qershori njihet si Dita Botërore e Mjedisit, themeluar nga Asambleja e Përgjithshme e OKB-së në vitin 1972 për të rritur ndërgjegjësimin global dhe për të nxitur veprime konkrete politike e individuale në mbrojtje të natyrës.Kjo ditë shërben si një thirrje për veprim në disa drejta kryesore:Përgjegjësi e përbashkët: Ndërgjegjësim për menaxhimin e mbeturinave, ndalimin e shpyllëzimit dhe reduktimin e ndotjes.Ruajtja e ekosistemit: Veprime aktive për pastrimin e mjedisit, mbjelljen e pemëve dhe mbrojtjen e faunës e florës.

Festa e Abetares

​Shkolla jonë u mbush plot me dritë, buzëqeshje dhe emocione të papërsëritshme!
Nxënësit tanë të vegjël të klasës së parë festuan me sukses Festën e Abetares, duke shënuar përfundimin e një rrugëtimi të rëndësishëm: mësimin e 36 shkronjave të arta të gjuhës shqipe.
​Skena priti protagonistët tanë të vegjël të cilët shkëlqyen si asnjëherë më parë.
​Nën drejtimin dhe përkushtimin e mësueses së tyre, fëmijët dhuruan një shfaqje të mrekullueshme.
Me plot vetëbesim përpara mikrofonit, ata recituan vargje kushtuar shkronjave, kënduan dhe interpretuan me aq shumë dashuri, duke rrëmbyer duartrokitjet e ngrohta të të gjithë të pranishmëve.
​📸 ​Gëzimi më i madh lexohej në sytë e prindërve dhe familjarëve, të cilët mbushën sallën për të ndjekur çdo moment të kësaj feste.
​❤️ Një falënderim i përzemërt shkon për mësuese Ermelindën që me durim udhëhoqi fëmijët në këtë hap të parë, dhe për prindërit që janë gjithmonë mbështetja më e madhe e shkollës sonë.
​Urimet më të ngrohta për vogëlushët tanë!
Paçi gjithmonë rrugën e dijes të ndriçuar dhe qoftë ky vetëm fillimi i shumë sukseseve në jetë! 📚✨
​

🏆 Nxënësit tanë shkëlqyen në Konkursin e Gjuhës Angleze!
Me shumë kënaqësi ndajmë suksesin e nxënësve të klasës së VIII-të, të cilët u shpallën fitues të Çmimit të Parë në Konkursin e Gjuhës Angleze të organizuar nga QKF Berat, duke u vlerësuar si folësit më të mirë të aktivitetit.
Ky rezultat është fryt i përkushtimit, punës së vazhdueshme dhe pasionit të tyre për të mësuar gjuhën angleze. Përgëzojmë nxënësit për këtë arritje të shkëlqyer dhe i urojmë suksese të mëtejshme në rrugëtimin e tyre arsimor.
Urime fituesve tanë!

4 qershor- ​Dita Ndërkombëtare e Fëmijëve Viktima

Dita Ndërkombëtare e Fëmijëve të Pafajshëm - Viktima të Agresionit, është një nga ditët ndërkombëtare të Organizatës së Kombeve të Bashkuara që shënohet çdo vit më 4 qershor.
Kjo ditë u krijua më 19 gusht 1982 .
Kjo ditë ka për qëllim tërheqjen e vëmendjes së komunitetit ndërkombëtar për vuajtjet e fëmijëve që janë bërë viktima të abuzimit fizik, mendor dhe emocional, theksimin e rëndësisë së mbrojtjes së të drejtave të fëmijëve në të gjitha situatat, veçanërisht gjatë konflikteve të armatosura.
Megjithëse dita u krijua në kontekstin e konfliktit të Lindjes së Mesme, rëndësia e saj është universale. Ajo shërben si një kujtesë se fëmijët në mbarë botën në Siri, Ukrainë, Sudan, Jemen dhe rajone të tjera vazhdojnë të vuajnë nga luftërat, terrorizmi dhe forma të tjera të dhunës.
Ngjarjet kushtuar kësaj dite përfshijnë programe edukative dhe aktivitete shkollore që synojnë ndërgjegjësimin për të drejtat e fëmijëve, diskutime, tryeza të rrumbullakëta dhe konferenca të organizuara nga organizata të të drejtave të njeriut, si dhe publikime dhe fushata në media.
Sipas të dhënave të OKB-së, 11.649 fëmijë u vranë ose u plagosën, 8.655 fëmijë u përdorën dhe 4.356 u rrëmbyen me shifrat më të larta të verifikuara në Kongo, Somali dhe Nigeri. Pothuajse 30% e viktimave ishin vajza.
Përfundimi dhe parandalimi i shkeljeve të rënda ndaj fëmijëve është thelbësor për mandatin për fëmijët dhe konfliktet e armatosura. Mënyra më efektive për të mbrojtur fëmijët nga armiqësitë është eliminimi i faktorëve shtytës dhe tërheqës që çojnë në përfshirjen e tyre në konfliktin e armatosur.

Nxënësit e klasave të teta zhvilluan me sukses projektet në lëndët Histori dhe Gjeografi, duke treguar interes, kreativitet dhe aftësi kërkimore. Përmes punës në grup dhe prezantimeve të tyre, ata hulumtuan ngjarje historike, si dhe veçori gjeografike të vendit dhe botës.
Këto projekte kontribuan në pasurimin e njohurive, zhvillimin e mendimit kritik dhe forcimin e aftësive bashkëpunuese të nxënësve, duke e bërë procesin e të nxënit më tërheqës dhe praktik.