13/09/2026
📌 NJOFTIM PËR PRINDËRIT
Programi “Pas Shkolle” – Shkolla 9-vjeçare “Ismail Klosi”
Të nderuar prindër,
Në zbatim të nenit 47/1 të ligjit nr. 69/2012, “Për sistemin arsimor parauniversitar në Republikën e Shqipërisë”, i ndryshuar, si dhe të Vendimit nr. 627, datë 30.07.2026, të Këshillit të Ministrave, në shkollën 9-vjeçare “Ismail Klosi” do të zhvillohet Programi “Pas Shkolle”.
🌟 Çfarë është Programi “Pas Shkolle”?
Programi zhvillohet jashtë orarit të zakonshëm mësimor dhe synon t’u krijojë nxënësve më shumë mundësi për:
📚 përforcimin e njohurive dhe të nxënit;
🤝 zhvillimin e aftësive sociale dhe bashkëpunimit;
🎨 zhvillimin e aftësive artistike, kulturore dhe krijuese;
🏃 zhvillimin e aftësive fizike dhe sportive.
Programi u ofrohet nxënësve të regjistruar në institucionet arsimore parauniversitare publike.
📚 Për nxënësit e klasave I–V, në shkollën “Ismail Klosi” programi përfshin:
📝 “Bëjmë Detyrat e Shtëpisë” – BDSH
• 5 orë në javë;
• 1 orë në ditë, nga 60 minuta;
• zhvillohet 5 ditë në javë.
🎨 “Klubet e Arteve dhe Zejeve” – KAZ
• 2 orë në javë;(për të dy ciklet)
• zhvillohen 2 herë në javë, nga 60 minuta.
Në varësi të interesit të nxënësve dhe krijimit të grupeve, klubet mund të përfshijnë veprimtari si:
🎵 Muzikë • 💃 Kërcim • 🎭 Teatër • 🖌️ Art pamor • 🧵 Zeje
👥 Organizimi i grupeve
Grupet organizohen me minimumi 20 dhe maksimumi 30 nxënës, sipas përcaktimeve të Programit “Pas Shkolle”.
📌 E RËNDËSISHME PËR PRINDËRIT
• Regjistrimi dhe pjesëmarrja e nxënësit në Programin “Pas Shkolle” bëhet mbi bazën e aplikimit të prindit në sistemin SMIP.
• Pjesëmarrja në program nuk shoqërohet me vlerësim me notë.
• Nxënësit e regjistruar duhet ta frekuentojnë programin në mënyrë të rregullt.
• Frekuentimi dhe veprimtaritë e zhvilluara evidentohen në sistemin SMIP.
• Gjatë vitit shkollor, në kuadër të programit, do të organizohen edhe aktivitete me pjesëmarrjen e nxënësve.
🌟 Programi “Pas Shkolle” është një mundësi më shumë për fëmijët tanë, që koha pas përfundimit të mësimit të shndërrohet në një hapësirë ku ata mësojnë, krijojnë, bashkëpunojnë, argëtohen dhe zhvillojnë aftësitë dhe talentet e tyre.
🤝 Bashkëpunimi shkollë–familje është një element i rëndësishëm për suksesin dhe mirëqenien e fëmijëve.
Ju ftojmë të aplikoni nëpërmjet SMIP, nëse dëshironi që fëmija juaj të përfshihet në Programin “Pas Shkolle”.
Ju falënderojmë për bashkëpunimin dhe mbështetjen!
Drejtoria e shkollës 9-vjeçare “Ismail Klosi ”
