Shkolla e Mesme e Bashkuar "Tinka Kurti" Lekbibaj Faqja Zyrtare

Gëzuar Pavarësinë Kosovë!

𝐏𝐫𝐨𝐠𝐫𝐚𝐦𝐞𝐭 𝐨𝐫𝐢𝐞𝐧𝐭𝐮𝐞𝐬𝐞 🎯𝐊𝐮𝐚𝐥𝐢𝐟𝐢𝐤𝐢𝐦𝐢 𝐢 𝐦𝐞̈𝐬𝐮𝐞𝐬𝐯𝐞 2026📚💡📖👩‍🏫
Janë publikuar nga Agjencia e Sigurimit të Cilësisë së Arsimit Parauniversitar programet orientuese për provimin e kualifikimit të mësuesve për vitin shkollor 2025–2026, të cilat shërbejnë si baza zyrtare e përgatitjes për të gjithë kandidatët që do t’i nënshtrohen procesit të kualifikimit.
👇𝐙𝐡𝐯𝐢𝐥𝐥𝐢𝐦𝐢 𝐏𝐫𝐨𝐟𝐞𝐬𝐢𝐨𝐧𝐚𝐥
https://www.ascap.edu.al/zhvillimi-profesional/

Suksese!

Projekt:
🌿🍲 Ushqime Tradicionale & Pasuri e natyres dhe tradites-Biologji & Aftësi Teknologjike (Klasa 6–7)
Në lëndët e Biologjisë dhe Aftësim Teknologjik, nxënësit e klasave 6–7 trajtojnë temën e ushqimit tradicional në lidhje me shëndetin, mjedisin dhe trashëgiminë kulturore. Në Biologji, nxënësit mësojnë për vlerat ushqyese të ushqimeve tradicionale, rëndësinë e produkteve natyrore dhe rolin e ushqimit të shëndetshëm në jetën e njeriut.
Në Aftësim Teknologjik, nxënësit zhvillojnë aftësi praktike duke realizuar punime, postera dhe modele që paraqesin ushqime tradicionale dhe mënyrën e përgatitjes së tyre, duke përdorur materiale të thjeshta dhe të riciklueshme.
Përmes këtyre aktiviteteve, nxënësit ndërgjegjësohen për ruajtjen e mjedisit, vlerësimin e traditave dhe rëndësinë e qëndrimit në vendlindje. Ushqimi tradicional, natyra dhe kultura janë pasuri që nuk duhen braktisur.
Kjo temë shërben si thirrje për vendasit dhe turistët që të vlerësojnë jetën rurale, të mbështesin prodhimet vendase dhe të kontribuojnë në zhvillimin e zonave tona, duke mos i braktisur ato, por duke i ruajtur dhe promovuar për brezat e ardhshëm.

Sot, pranë shkollës sonë, u zhvillua një bashkëbisedim i frytshëm me ish-nxënësin Besard Ndoja, organizuar nga koordinatorja për karrierën, znj. Albina. Në aktivitet morën pjesë mësues të shkollës si dhe nxënës të klasave X, XI dhe XII.

Besard Ndoja ka përfunduar studimet e larta në Fakultetin Ekonomik të Shkodrës. Ushtron detyrën e administratorit të Njësisë Administrative Lekbibaj.

Të rinj të tillë, që punojnë me përkushtim për zhvillimin e vendit të tyre, përbëjnë një shembull frymëzimi për nxënësit tanë dhe për gjithë komunitetin.