26/04/2026
ایا تر اوسه مو د ILOVE VIRUS په اړه څه اوریدلي؟
په ٢٠٠٠م کال د مۍ مياشتې په څلورمه نيټه د ILOVEYOU په نوم ويروس چې له لس ميليونو څخه زياتې وينډوز کمپيوټري پرې اخته شوې، د يو بريښناليک په شکل کى وو، يعنى سرليک يې ILOVEYOU وو. تا به ويل چې يو چا راته د مينې پيغام راليږلى خو چې کليک به دې ورباندې وکړو نو ستا کمپيوټر به ددې ويروس ښکار شو.
ددى ويروس جوړوونکى يو ٢٤ کلن هلک Onel de Guzman نوميدو چى د فليپين اوسيدونکى وو او د کمپيوټر ساينس محصل وو.
نوموړي دا کار هغه وخت ترسره کړ چې کله یې په فاينل پراجيکټ کې غوښتل داسې پروګرام جوړ کړي چى هر قسم پاسورډ پرې خلاص کړي، ځکه هلک ډير غريب وو او د انټرنيټ پيسې يې نه شوې پوره کولى، خو د استادانو لخوا رد کړاى شو او ورته يى وويل چى موږ غله نه روزو او دا يو غير قانوني کار دى.
نو ورورسته يى دا ويروس جوړ کړ او په پنځو ساعتونو کى دا ويروس په يورپ، آسيا او امريکا کى خپور شو او ډير لوی شرکتونه لکه مايکروسافټ، فورډ او همدارنګه حکومتي ادارې لکه پنتاګون او د بريتانيا پارلمان او داسې نور ډير ځايونه ورنه اغيزمن شول. او ددې ويروس له امله په ټوله نړۍ کى شاوخوا ١٥ مليارده ډالرو پورې زيان واوښت.
نوټ : جالبه لا دا ده چې دې هلک ته کومه سزا هم ورنکړل شوه، ځکه چې په فليپين کې ددې malware ويروس په جوړولو باندې اوس هم کومه سزا نه ده ټاکل شوى.
محمد بن موسی اورګون ښوونیز مرکز
د نړۍ د مهمو او ګټورو مالوماتو لپاره زموږ پاڼه درسره لایک او فالو کړئ.
Infomation
,
Information
,
