03/04/2025
رومانیا سکالرشیپونه
لیسانس، ماسټري او دوکتورا
د رومانیا هیواد د Transilvania Academica Scholarship په نوم سکالرشیپونه چې د Transilvania University له لوري سپانسر کیږي، د لیسانس، ماستري او دوکتورا لپاره محصلین مني. دا سکالرشیپونه د نوملیکني په لومړی مرحله کې یواځې څو محدود اسنادونه غواړي او کاندید کولای شي نور اسناد د لومړۍ مرحلې تر بریالي ترسره کولو وروسته وړاندي کړي. دا ځل له افغانستان څخه هم ورته اپلای کېدلای شی.
د نوم لیکنې بڼه: انلاین
د زده کړو څانګې: بېلابېلې څانګې چې دې پوهنتون کې دي.
د نوم لیکنې پای: د اپریل ۲۵مه
د سکالرشیپ امتیازات:
د اوسیدلو پوره امکانات
د سمسترفیس، داخلې فیس، او د فراغت فیس
د میاشتي ۱۷۰ ډالره جېب خرڅ
عمومي شرایط:
باید د اروپایي هیوادونو اوسیدونکی نه وي
اړوند اسناد:
پاسپورټ
ډیپلوم او ټرانسکریپټ او یا شهادتنامه درلودل
Motivation Letter جوړول. په دې سند کې د نورو معلوماتو ترڅنګ تاسې باید درې پوښتني حتما ځواب کړئ. تاسی څوک یاست ( خپله سي وی کې درج کړي معلومات په لنډ ډول ولیکئ)؟ ولې دې سکالرشیپونو ته اپلای کوئ (هڅه وکړئ چې د سکالرشیپ لاسته راوړل د خپل هدف او تحصیل د ترلاسه کولو یوه وسیله وښایاست)؟ ولی مو دا سکالرشیپ او همدا پوهنتون انتخاب کړ؟ تاسو ولې باید انتخاب کړل شئ او راتلونکی پلان مو څه دی؟ دا او دې ورته نور د Motivation Letter اړوند برخې په پام کی ونیسئ ( البته ټول باید په یو مخ کې ځای پر ځای کړل شي)
د CV درلودل. په CV کې مو باید شهرت، تعلیم، د څیړني تجربه، لاسته راوړني او د ریفري استادانو په هکله معلومات موجود وي.
درې ریکمنډیشن لیټرونه له خپل استادانو څخه ترلاسه کول. دا سندونه او نور پورته سندونه به په PDF شکل اپلوډ کوئ. د ریفري استاد ایمیل مو باید رسمي ایمیل وي او له gmail څخه د امکان ترحده ډډه وکړئ.
د ټافل او یا ایلټس نمرې درلودل. که مو د ماسټري، لیسانس او یا هم لیسې دورې د تدریس ژبه انګلیسي وې بیا ورته اړتیا نشته ده.
پروسه:
که په پورته ذکر شویو شرایطو برابر یاست، نو د دې لینک https://tas.unitbv.ro له لارې د سکالرشیپونو په اړه پوره معلومات ولولئ او وروسته د انلاین اپلیکیشن فارم د ډکولو لپاره اقدام وکړئ.
کله چې مو اسنادونه ترتیب کړل، ددې لینک له لارې انلاین فورم ډک او اسناد ورته سبمیټ کړئ
https://tas.unitbv.ro/?page_id=4
وروسته تر ارزوني تاسو ته د جون میاشتې په لومړیو کې خبر درکول کیږي. که چیري انتخاب شوئ، تاسو به پوهنتون ته د تګ او د رومانیا هیواد د رسمي پروسې له لارې د اسنادو جمع کولو ته تیاری نیسئ. د رومانیا هیواد پوهنتونو ته د داخلې رسمي پروسه او ځیني پړاوونه لري چې په لاندي لینک کی یې لوستلی شئ.
په دې لینک کې د سمستر فیس او ځینی نور مصارف ذکر شوي چې هغه د سکالرشیپ درلودونکې محصل څخه نه غوښتل کیږي. https://www.unitbv.ro/en/prospective-students/admission/admission-information-for-non-eu-citizens.html
لومړی نوټ:
دا سکالرشیپونه په لومړی مرحله کې د لېسانس، ماسټري او دوکتورا لپاره یواځی درې اسنادونه ( CV, Motivation Letter, and Recommendation Letter ) غواړي. تاسو چې هرې برخي ته اپلای کوئ نو خپل اړوند اسناد د هماغه برخې مطابق جوړ کړئ. بل دا چې پاسپورټ، ټرانسکرېپټ، ټافل او نور اړوند اسناد د اوس لپاره نه غوښتل کیږي اما که انتخاب شوئ بیا به یې وړاندي کوئ.
دوهم نوټ:
د انلاین اپلیکیشن فارم د ډکولو پر مهال به د فارم په وروستی برخه کې له تاسو وغوښتل شي چې په ۱۰۰ کلمو کې د خپل ځان په اړه راته ووایاست چې ولې تاسو باید انتخاب کړل شئ او ځانګړتیا مو څه ده Please describe in max. 100 words what are the outstanding issues that recommend you for this scholarship.
بل دا چې د کوم پروګرام لپاره اپلای کوئ د پروګرام ژبه باید انګلیسی انتخاب کړئ ترڅو د رومانیایي، فرانسوي او نورو ژبو اړوند اسنادونه درڅخه ونه غوښتل شي.
درېیم نوټ:
د دې سکالرشیپونو د نوملیکني پروسه ډېره اسانه ده، کېدلای شي له مختلفو هیوادونو په زرګونه محصلان ورته نوم لیکنه وکړي. هڅه وکړئ پر خپل درې غوښتل شويو اسنادنو پوره کار وکړئ او وروسته یې سبمیټ کړئ.
نوت: که غواری دقیق ثبت نام مو وشې موږ ته مسیج وکری.
Bost Scholarship #سکالرشیپونه #بورس #سکالرشیپ
