ولسي تحريک ــ هلمند

وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
د تسلیت او ډاډګیرنې پیغام
پوهاند باوري صاحب د افغانستان يو نامتو لرغونپېژندونکی، ليکوال او څېړونکی و له دې سره سره د کابل پوهنتون د استادۍ مقدسه دنده یې هم تر سره کړې نوموړی په لسګونو علمي څېړنيز اثار او په سلګونو علمي څېړنيزې مقالې د لرغون پېژندنې په برخه کې ليکلې وې، چې دافغانستان په لرغون پېژندنه، تاريخ او فرهنګ کې مهم ځای لري، چې دده له نامه پرته د افغانستان لرغون پېژندنه نيمګړې ده.
د پوهاند محمد رسول باوري مړينه د افغانستان لپاره لويه ضايعه ده، د ولسي تحریک رهبري او غړي یې د ارواښاد باوري کورنۍ او خواخوږو ته د تسليت مراتب وړاندې کوي او په دې ستر غم کې يې ځان شريک بولي، ستر څښتن دې جنت الفردوس نصیب کړي او موږ ټولو ته دى الله ج د زړه صبر راکړى .

وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
د تسلیت او ډاډګیرنې پیغام
په ډیره خواشینۍ سره مو خبر تر لاس کړ چې د ولسي تحریک د کابل ولایت میرویس نیکه د جرګې غړی الحاج میراجان د ورپېښي ناروغۍ له کبله له فاني نړۍ څخه و کوچېدی.
ښاغلی میراجان صاحب یو قومي او د مبارزې د ډګر نه ستړی کېدونکی مبارز وو د تحریک د ملګرو لپاره یوه ضایعه ده.
کورنۍ، ملګرو او خواخوږو ته یې د زړه صبر غواړم متوفی ته جنت فردوس د لوي رب له درباره غواړم.

ولسي تحریک اعلامیه!
د (1397) کال د جدې په لومړۍ نېټه د ملي وحدت ولسي تحریک د یوې پرتمینې غونډې په ترځ کښې د (1398) کال د ولسمشریزو ټولټاکنو څخه بایکاټ اعلان کړ او پر افغان ملت یې هم ږغ وکړ چې په راتلونکو ټولټاکنو کښې برخه مه اخلئ ځکه چې دا ټولټاکنې به حتماً ملت ته یو شمېر ناورینونه راوړي.
د (2014) کال ولسمشرۍ ټولټاکنو ته په کتو ولسي تحریک په دې اند وو چې راتلونکي ټاکنې به حتماًهیواد یو ستر سیاسي بحران اوګډوډۍ ته بوزي.
ولسمشریزو ټولټاکنو ته دځینو احتمالي نوماندانو د سابقې تر مطالعې ورسته ولسي تحریک دا وړاندوینه وکړل چې په راتلونکو ټولټاکنو کښې به پراخ تقلب وشي، او د (2014) د ټاکنوپه شان به څو نفره ځپل ځانونه دهیواد جمهور رئیسان اعلان کړي او داسې نور...
ولسي تحریک افغان نجیب ملت او دولت ته وړاندیز وکړ چې راشئ د بحران زیږونکو ټولټاکنو په عوض دهیواد ټول مطرح سیاسي ګوندونه اوشخصیتونه د سولې بهیر ملاتړ وکړو تر څو لمړی په هیواد کښې سوله قایمه شي وروسته به د سولې د توافقنامې مطابق د هیواد چارې پر مخ وړو، ځکه چې سوله د افغان جنګ ځپلې ملت لمړی درجه ملي اولیت دی.
په ډیر افسوس سره باید ووایو چې ځان غو ښتونکو ډلو او افرادو دسولې پروسې ته شا کړل او دولسمشرۍ د ټاکنو پروسه یې پر مخ بوتلل.
دې ځان غوښتونکو ډلو او افرادو د بشریت د تاریخ تر ټولو شرمیدلي ټاکنې وکړې، د تقریباً څلویښت میلونو نفوس د ډلې څخه د پراخ تقلب په شمول یو نیم میلون رائې په صندوقونو کښې واچول شوې.
دا یو نیم میلیون رائې د بسوګۍ دواده په شان په شپږو میاشتو کښې حساب شوې، د مظلوم افغان د ملت د خزانې څخه تقریباً سل میلونه ډالره پر مصرف شول او د شپیته میلونو ډالرو په شاوخوا کښې د نړیوالې ټولنې مرسته پر مصرف شول، د مظلومو افغانانو وینې پر توی شوې او داسی نور...
خو نتجه یې زمونږ دتاریخ تر ټولو شرمیدلې واقعه شول چې د ارګ په محوطه کښې دننه د (200) مترو په فاصله کښی غنی او عبدالله ځانونه د هیواد جمهور رئیسان اعلان کړل چې داسې کرغیړنه پیښه نه دافغانستان په تاریخ او نه هم د نړۍ په تاریخ کښې رامنځته شوې ده.
تر څو میاشتو ناندرو ورسته د امریکا او اروپا د فشارونو په سبب پرون بیا د حکومت توافقنامه د عبدالله او غنی د خوا امضا شول .
ولسي تحریک پدې باور دی چې سیاسي بې ثباتۍ او د اداری فساد وبا دافغا ن ولس د دسترخوان څخه ډوډۍ اخستې ده، دکورنا وبا، جنګ او ناامني یې ژوند ته ستر ګواښونه متوجه کړي ددې پورته ذکرشوو ملي مشکلاتو د حل په خاطر ولسی تحریک د هیواد دتاریخ پدې حساسو لحظو کښې پر غنی او عبدالله ږغ کوي چې الله (ج) فرمایلي: ،، سوله خیر دی،، نو تاسو هم ددې اللهي امر د پر ځای کیدو په خاطر بیله کوم ځنډ او بهانې دا لاندې اقدامات وکړئ.
1:- په خپل ټول توان او طاقت د سولې د پروسې ملاتړ وکړئ.
2:- د سولې د توافقنامې مطابق ژرترژره د طالبانوپاته بند یان دبنده ازاد او بین الافغاني مذاکراتوته لاره خلاصه کړي.
3:- ولسي تحریک د طالبان پر اسلامي تحریک هم ږغ کوي چې د سولې د توافقنامې مطابق ددولت بندیان ډیر ژر دبنده ازاد کړي.
ولسي تحریک پدې باور دی چې که غني او عبدالله دتیرو شرمیدلو ټاکنو پر ځای د سولې د پروسې ملاتړ ته ادامه ورکړیوای او دسولې په لاره کښې یې خنډونه نه رامنځته کولای نن به افغان نجیب ملت په سوله کښې ژوند کولای اوغنی او عبدالله به هم دتیرو ټاکنو د شرم څخه په امان وای.
په درنښت
دولسی تحریک د مشرتابه لخوا.

په ډېري خواشینۍ سره مي خبر ترلاسه کړ چې دکندهار ولایت جهادي قوماندان او د ولسمشر سلاکار استاد عبدالحلیم د ورپیښي ناروغۍ له امله په حق رسېدلی دئ
انالله واناالیه راجعون.
مرحوم ته جنت فردوس او محترمي کورنۍ ته یې دالله ج څخه صبر جمیل غواړم