هلمند مرکزي میخانیک لیسه

07/03/2026

د تخنیکي او مسلکي زده کړو ادارې په هکله!

14/01/2026

د تخنیکي او مسلکي زده‌کړو ادارې په تیر کال کې له دولتي ادارو او مؤسساتو سره له لسو څخه ډېر هوکړه لیکونه لاسلیک کړي دي.
د دې هوکړه لیکونو اصلي موخه د تدریس او تعلیمي چارو ښه کول او په هیواد کې د تخنیکي او مسلکي زده‌کړو له فعالیتونو ملاتړ او کارپنځونه ده.
#فعالیت‌هاودست‌آوردها

27/11/2025

د لمریزي برېښنا یا سولر برق حرفوي زده کړو د زده کوونکو فراغت غونډه تره شوه
🏫 **هلمند مرکز میخانیکي لیسه**
📅 **۱۴۰۴/لینـدۍ/۵**
د هلمند مرکز میخانیکي لیسې د لمریزي برېښنا د حرفوي زده کړو د درې میاشتني کورس د لومړۍ دورې د فراغت شانداره غونډه په بریالیتوب سره ترسره شوه.
📖 غونډه د قرآن کریم په څو مبارکو آیتونو سره پیل شوه. ورپسې د لیسې آمر **انجنر عبدالمالک صمیم** پرانېستونکې وینا وکړه او د تخنیکي او مسلکي زده کړو پر ارزښت، د برېښنا د برخې پر اهمیت او د سولر انرژۍ پر اړتیا مفصلې خبرې وکړې.
🛠️ د تخنیکي او مسلکي زده کړو آمریت د دعوت او ارشاد محترم مدیر مولوي عبدالرحمن ابدالي او د سولر برق یو تن مسلکي ښوونکي انجنیر شیر احمد پښتون هم ویناوې وړاندې کړې. دوی په خپلو خبرو کې د حرفوي زده کړو د ارزښت تر څنګ، د لمریزي انرژۍ د راتلونکي اړتیاوو، د مسلک د پراختیا، او د هېواد د ځان‌بسیا کیدو لپاره د نوې ټکنالوژۍ پر اهمیت ټینګار وکړ.
🔧 د زده کړو په جریان کې زده‌کوونکو د عملي کار په ډول لاندې مهارتونه ترلاسه کړي دي:
• د کورني سولر سیسټم نصب، تنظیم او فعالول
• د دفتر لپاره د شبکې سره یوځای او جلا (Hybrid / Off-grid) سولر سیسټم نصبول
• د سولر انرژۍ په وسیله د اوبو پمپ چلول او د واټرپمپ لپاره د لازم DC/AC سیستم برابرول
• د سیستم د خونديتوب، میټرینګ، او تخنیکي ستونزو د تشخیص عملي تمرینونه
🎓 په رسمي برخه کې فارغینو ته **تصدیق‌نامې** او ممتاز زده‌کوونکو ته **ستاینلیکونه** په شانداره مراسمو کې ورکړل شول.
🤲 غونډه د اختتامیې دعاء په ویلو سره پای ته ورسېده.
🌟 **هلمند مرکز میخانیکي لیسه** د خپلو استادانو، زده‌کوونکو او هغو ټولو همکارو ادارو مننه کوي چې د دې پروګرام په بریالیتوب کې یې رغنده ونډه لرلې ده.

05/09/2025

27/08/2025

بېړه وکړئ د نوم لیکني لپاره لږه وخت پاته دی.

23/08/2025

د کاردموندني خبرتیا

02/08/2025

د هلمند ولايت د مرکز اړوند میخانیکی لیسې څخه د یو شمیر زده کوونکو د فراغت په مناسبت د یاد ښوونیز مرکز لخوا، فراغت غونډه ترسره شوه.
په دې مراسمو کې د هلمند سیمه ییزو چارواکو، قومي مشرانو او د فارغو شویو زده کوونکو د کورنیو غړو هم برخه اخیستې وه.

01/08/2025

🌟 د لومړۍ دورې د فراغت غونډه – د هلمند مرکز میخانیکي لیسه 🌟
📅 نېټه: ۱۴۰۳/۵/۱۰
📍 ځای: د هلمند مرکز میخانیکي لیسه

نن د هلمند ولایت په مرکز کې د میخانیکي لیسې د لومړۍ دورې د فارغینو د فراغت شانداره غونډه ترسره شوه. په دغه درنه او با وقاره غونډه کې د معارف ریاست، د برېښنا ریاست، د حوزوي لوی ریاست، د اداري حسابدارۍ انستیتوت، او ګڼو نورو ادارو مسؤلینو او استازو، د لیسې استادانو، زده‌کوونکو، مېلمنو او د فارغینو کورنیو ګډون کړی و.

غونډه د کلام الله مجید په څو مبارکو آیتونو سره پیل شوه، ورپسې د لیسې د فعالیتونو په اړه یوه لنډه او اغېزناکه معلوماتي ویډیو ګډونوالو ته وړاندې شوه.

د لیسې آمر عبدالمالک صمیم د غونډې په ترڅ کې پر تخنیکي او مسلکي زده‌کړو باندې هر اړخیزه وینا وکړه او د دغو زده‌کړو ارزښت یې د هېواد د اقتصادي پرمختګ او ځوان نسل د ځان‌بسیاینې لپاره مهم وباله. همدارنګه، د اداري حسابدارۍ انستیتوت آمر ښاغلي عصمت‌الله نصرت او نورو ویناوالو د اسلام له نظره د تخنیک او مسلک پر ارزښتونو خبرې وکړې او دا ډول زده‌کړې یې د هېواد د پرمختګ لپاره حیاتي وبللې.
همدارنګه د لیسي یوتن افتخاري استاد لخوا جوړ شوي د تار جوړولو، د ونو پیوند او چرګانو د چوچه کشۍ ماشینونه نندارې ته وړاندي شوه او د تالار کډونوالوته یې د کاروني په اړه معلومات ورکړل شوه.

د غونډې په وروستیو شېبو کې، د هغو همکارو ادارو مسؤلینو ته چې د میخانیکي لیسې د عملي زده‌کړو په پیاوړتیا کې یې مرسته کړې وه، ستاینلیکونه ورکړل شول او صمیمانه مننه ترې وشوه.

همدارنګه، د دولسم ټولګي فارغینو ته د فراغت اسناد په شاندارو مراسمو کې وویشل شول، چې له امله یې فضا د خوښۍ او ویاړ احساس درلود.

غونډه د اختتامیه دعاء په کولو سره پای ته ورسېده.

📸 د غونډې نور انځورونه او ویډیوګانې زموږ پر پاڼه کتلای شئ.
📌 هلمند مرکز میخانیکي لیسه په خپلو هڅو، تعهد او تخنیکي کیفیت سره د نوي نسل د روزنې په برخه کې پرمختګ ته ژمنه ده.