نرنګ پوهنې آمریت د نشراتو څانګه

29/10/2024

د پوهنې وزارت خبرتیا
د هېواد په ۹ ولایتونو کې د ښوونکو او ۵، ۶ اداري «۱۸۸۰» بستونو اعلان

په پام کې ده، چې د پوهنې وزارت له لوري د آزموینو ملي ادارې سره په همکارۍ، د هېواد په ۹ ولایتونو (لوګر، پروان، بامیان، دایکنډي، پکتیکا، بغلان، کندز، بدخشان او بادغیس) کې د ښوونکو، د عمومي او سواد زده کړو د پینځم او شپږم ۱۸۸۰ بستونو لپاره یوه رقابتي ډله ییزه آزموینه واخیستل شي.
د اعلان د پیل نېټه: ۴/۲۴ /۱۴۴۶هـ .
د اعلان د پای نېټه: ۵/۴ /۱۴۴۶هـ. .

د بستونو د استخدام شرایط:
د ولایتونو د مرکزونو په پوهنې ریاستونو کې:
ــ د اسلامي زده کړو په برخه کې لږ تر لږه ۱۴ پاس یا د هغې معادل سند درلودل؛
ــ د ولسوالیو د پوهنې آمریتونو بستونو لپاره لږ تر لږه د بکلوریا سند (۱۲ پاس)درلودل؛

د غوښتنې لپاره لارښوود:
د دې پروسې لپاره غوښتونکي کولی شي، د پوهنې ریاست او د ولسوالیو پوهنې آمریتونو ته مراجعه وکړي.
د غوښتنې فورمې له ډکولو وروسته، غوښتونکی باید د خپلو تحصیلي اسنادو او پېژندپاڼې یوه- یوه کاپي له یادې فورمه سره ضمیمه کړي او وروسته یې وسپاري.
د لا زیاتو معلوماتو لپاره لاندې لېنکونو ته مراجعه وکړئ:
www.jobs.af
www.moe.gov

د بستونو د ډانلوډ لینک ادرس:
https://docs.google.com/spreadsheets/d/1APpFxI8axzXwxQNkKpwUXODP_5gzI9HR/edit?usp=drive_link&ouid=108079836578558439205&rtpof=true&sd=true

Jobs.af Afganistan's first one-stop jobs portal for employers and jobseekers to connect within the site's comprehensive database. Jobs.af presents a complete range of recruitment.

01/10/2024

د پوهنې وزارت د علمي شورا د تخصصې بستونو د ګمارنې اعلان

علمي شورا د پوهنې وزارت په تشکیلاتي جوړښت کې پخوا موجوده وه، اما په وروستیو کې یاده شورا د پوهنې وزرات د تشکیل څخه حذف شوې وه. د پوهنې وزارت رهبري په پام کې لري چې علمي شورا د اړتیاوو له مخې بیاځلې د پوهنې وزات په چوکاټ کې رامنځته کړي، چې له همدې امله د پوهنې وزارت د ۱۴۰۳ کال په تشکیلاتي جوړښت کې د علمي شورا ریاست د ریاست الوزراء د عاليی مقام له لوري منظور شو.
د پوهنې وزارت د علمي شورا په بستونو کې د ګمارلو په موخه علماء کرامو، مسلکي او باتجربه متخصصو کارمندانو ته اړتیا لري تر څو د یوې شفافې او آزادي سیالۍ له لارې وګمارل شي. له دې امله په هیواد کې د معارف د علمی شورا علاقه مندو ټولو کاندیدانو څخه په درنښت هېله کیږي چې د علمي شورا د بستونو د دندو د عمومي لایحې، شرایطو او معیارونو په پام کې نیولو سره خپل غوښتنلېکونه، تحصیلي سندونه او د تحصیلي دورې (ماسترۍ) تحصیلي نمرو یا ترانسکریپت یوه کاپي په آزموینه کې د ګډون په موخه د پوهنې وزارت د علمي شورا د ګمارنې ټاکل شوې کمېټې ته وسپاري.
د علمي شورا بستونه ټول تخصصيی او دریم بستونه دي چې په لاندې ډول ذکر کیږي:
د بست عنوان
د بست تعداد
د بست عنوان
د بست تعداد
د تقنیني سندنو د شرعي تخریج ارشد متخصص (دریم بست)
4
د ښوونې او روزنې د تاریخ او جغرافیې (اجتماعي علومو) د زده کړو ارشد متخصص (دریم بست)
1
د ښوونې او روزنې د اسلامي زده کړو ارشد متخصص (دریم بست)
1
د ښوونې او روزنې د اقتصاد ارشد متخصص (دریم بست)
1
د تقنین ارشد متخصص
(دریم بست)
2
د عمومي زده کړو ارشد متخصص
(دریم بست)
1
د ښوونې او روزنې د مدیریت ارشد متخصص (دریم بست)
1
د لویانو/ بزرګسالانو د زده کړو ارشد متخصص (دریم بست)
1
د ښوونیز نصاب د پراختیا ارشد متخصص (دریم بست)
1
د ښوونې او روزنې د تاریخ او فلسفې ارشد متخصص (دریم بست)
1
د پلان او پالیسۍ ارشد متخصص
(دریم بست)
1
د ښوونې او روزنې د روانشناسۍ ارشد متخصص (دریم بست)
1
د ساینس د زده کړو ارشد متخصص
(دریم بست)
1
د ښوونې او روزنې د څېړنو/تحقیقاتو ارشد متخصص (دریم بست)
1
له ِغوښتنلیک سره د لاندې اسنادو تسلیمول لازمې دي:
✓ غوښتنلېک/ عریضه ( د وتس اپ شمیره حتما ولیکئ)
✓ د هویت تذکرې کاپي
✓ د تحصیلې دورې سندونو کاپي (لسانس، ماسټری، دوکتورا)
✓ د تحصیلې دورې نمرات( ترانسکریپټ)
✓ خلص سوانح، حد اقل ۵ کلنه کاري تجربه او علماء کرامو لپاره حد اقل 3 کلنه تدریسی تجربه (د کارې تجربې سند د اړونده ه ادارې لخوا تایید شوی وي)
✓ د خارجې ژبې (عربي یا انګریزي) ژبې سند (که څوک ې لري)
✓ د کمپیوټر زده کړې ( (MS-Office سند (که څوک یې لري)، د اړونده تخصصې بست سره سم د سافټ ویرو په پروګرامونو ( (STATA, SPSS پوهېدل. (په استثنا د‌ علماء کرامو)
د علمي شورا د تخصصې بستونو د دندو د ګمارنې عمومي لایحه، شرایط، معیارونه او وړتیاوي په لاندې ډول دي:
د پوهنې وزارت د علمي شورا د غړو د استخدام لپاره د دندو د لایحې او مسلکي شرایطو مسوده

عمومي موخه: د پوهنې وزارت د تقنیني سندونو، پالیسیو او پلانونو طرحه، تدوین، تدقیق او بررسي، د علمي، مسلکي او حقوقي مشورو ورکول او د مثبتو ملي او نړیوالو ښوونیزو او روزنیزو تجربو انتقالول تر څو یې د تړاو، مؤثریت، مثمریت، عدالت او انډولتیا، پایښت او د پلي کیدو د وړتیا څخه د اسلام د سپېڅلي دین ، حنفي فقهې، د رهبرۍ د حکمونو او فرمانونو او د افغانستان د اسلامي امارت د کابینې د مصوبو پر بنسټ ډاډ ترلاسه شي.
دندې او مسؤولیتونه:
1. د اسلام د سپيڅلي دين د هویت او ملي ارزښتونو د پیاوړتیا په موخه د پوهنې وزارت د ښوونیزو او روزنیزو اهدافو، پالیسیو او تګلارو ټاکل.
2. د پوهنې وزارت د برنامو د ښوونیز نصاب د چوکاټ تصویبول.
3. د تقنیني سندونو د طرحو تدوین او تدقیق او د پوهنې وزارت لخوا د ورسپارل شوو حقوقي موضوعاتو کتنه او څیړنه.
4. د ټولنې سالمو اړتیاوو ته د ځواب ویلو او رسیدو په موخه د پوهنې وزارت د تقنیني سندونو او پالیسیو په پرله پسې توګه بیاکتنه او ارزونه.
5. د ښوونې او روزنې اړونده څېړنو، ارزونو، علمي مقالو، لیکنو او ژباړو په هکله د نظر څرګندول.
6. د هېواد د نافذه قوانینو سره سم د پوهنې وزارت د پالیسیو د اصلاح او پراختیا په موخه د پوهنې له ادارو او برنامو سره دلازمې همغږۍ او همکارۍ رامنځته کول.
7. د پوهنې وزارت اړونده ادارو او برنامو ته د علمي، مسلکي او حقوقي مشورو ورکول.
8. د ښوونې او روزنې په هکله د ملي او نړیوالو معتبرو علمي څیړنو د وروستیو موندنو دوامداره مطالعه او د هغې پر بنسټ د ښوونې او روزنې د سمون، ودې او پرمختګ لپاره د نظریاتو او وړاندیزونو شریکول.
9. د پوهنې وزارت د تقنیني سندونو، تعلیمی نصاب، پالیسیو، پلانونو، تشکیل او بودیجې د طرحې او پراختیا په موخه په غونډو کې د اړتیا سره سم ګډون کول.
10. د پوهني د کیفیت د ښه والي لپاره مناسب او لازم وړاندیزونه او نظرونه ترتیبول او ارائه کول.
11. د ټولو هغو دندو ترسره کول چې د پوهنې وزارت د رهبرۍ لخوا سپارل کیږي.

د علمي شورا د تخصصې بستونو (ارشد متخصصینو) د ګمارنې لپاره مسلکي شرایط او دارزونې طریقه
شمېره
شرایط او وړتیاوې
د ارزونې طریقه
1
د ماسټرۍ سند یا د عالمیه دورې سند درلودل، لوړې تحصیلي درجې ته ترجیح ورکول کیږي؛
د لوړو زده کړو وزارت لخوا د تحصیلي سند تأییدول؛
2
د اړونده بست او تخصصي ساحې سره د تحصیلي رشتې تړاو؛
د پوهنې وزارت د ټاکل شوې کمیټې لخوا تأییدول؛
3
د ۵ کلنې مرتبطې کاري تجربې درلودل؛
د اړونده ادارې لخوا د کاري تجربې تأیید؛
4
د هېواد په رسمي ژبو (پښتو او دري) تسلط لرل؛
د افهام او تفهیم مهارت درلودل او په یادو ژبو کې د لیکنې په اصولو او قواعدو تسلط لرل؛
5
عربي او یا انګریزي ژبو سره بلدتیا (د علمي سندونو او متنونو د پوهیدو وړتیا لرل)؛
د نړیوالو ژبو څخه د هېواد رسمي ژبو ته د یو علمي متن ژباړه یا لنډیز؛
6
د افهام او تفهیم، تجزیې، شننې، د ستونزې د حل، نوښت او په ټیم کې د کارکولو د مهارتونو لرل؛
د ښوونې او روزنې د یو علمي متن په تړاو په لیکلي بڼه د نظر څرګندول (د مثبتو ټکو، منفي ټکو، د سمون له پاره وړاندیز، بشپړوالی او پایلې) ؛
7
د انټرنیټ، بریښنالیک او آفیس پروګرام د کارولو په ځانګړې توګه Word، Excel او PowerPoint وړتیاوو لرل (په استثنا د‌ علماء کرامو)؛
په نظري او عملي ډول د یادو شوو مهارتونو ارزونه؛
8
د ریاضي او احصائیې د اساساتو څخه د ګټې اخېستلو د مهارت لرل (په استثنا د‌ علماء کرامو)؛
د سافټویرونو په کارولو سره د ارقامو/خامو معلوماتو تجزیه او شننه
9
لږترلږه د (%75) ماسټرۍ دورې د کادري نمرو لرل، ممتاز او یا هم جیدجداً؛
د پوهنې وزارت د ټاکل شوې کمیټې لخوا د تأیید شوي تحصیلی سند بررسی کول؛

د علمي شورا د ګمارنې کمېټي د دفتر ادرس: د پوهنې وزارت مرکزې تعمیر، څلورم منزل، الف دهلیز د علمې شورا د ګمارنې کمېټې دفتر، ده افغانان، کابل- افغانستان
د غوښتلېکونو او اسنادو تسلیمولو وخت او نېټه: د ۱۴۴۶ ه ق کال د ربیع الاول میاشتې د23 نېټې نه د ربیع الثانی 3 نېټې د ماز یګر تر ۴ بجو پوري.

15/09/2024

خبرتیا
د ټولییزې او ازادې سیالۍ له لارې د پوهنې وزارت د ښوونکو او اداري( پنځم او شپږم) بستونه اعلان ته سپارل
د پوهنې وزرات له اساسي موخو او له مهمو دندو څخه یوه داده، چې ټولو افغان ماشومانو ته د لوړ کیفیت لرونکي تعلیمي او ښوونیزو خدمتونه وړاندې کړي، په ټول هېواد کې د ښوونځیو درسونه فعاله وساتي او په لېرې پرتو او وروسته پاتې سیمو کې زده‌کوونکو ته د زده کړو او تعلیم زمینه برابره کړي، په همدې موخه، په ښوونځیو کې د ښوونکو او اداري کادرونو شتون ،د ټاکل شویو شرایطو او معیارونو سره سم، د دې ماموریت په تحقق کې یوه کلیدي برخه جوړوي. د دې اصل په پام کې نیولو سره، پوهنې وزرات تصمیم لري، چې د ازموینو ملي ادارې سره په همکارۍ، دازادې سیالۍ له لارې خپل 8165 (ښوونکو او پنځم او شپږم اداري ) بستونه د عمومي زده کړو ښونځیو او د سواد زده کړو مرکزونو لپاره اعلان ته وسپاري.

د بستونو شمېر(8165)

ولایتونه:
لومړۍ مرحله: کندهار، هرات، زابل، فراه، میدان وردګ، ارزګان، هلمند، خوست، پکتیا، غزني، ننګرهار، غور، لغمان، نیمروز، نورستان، پنجشیر، بلخ، سمنګان، فاریاب، جوزجان، کاپیسا، سرپل، کابل ولایت او کابل ښار.
د اعلان پیل نېټه: ۲۵/۶/۱۴۰۳ مطابق ۱۲/۳/۱۴۴۶
د اعلان پای نېټه: ۴/۷/۱۴۰۳ مطابق ۲۲/۳/۱۴۴۶

دویمه مرحله:
لوګر، پروان، بامیان، دایکنډي، پکتیکا، بغلان، کندز، بدخشان او بادغیس.
نوټ: د دویمې مرحلې د اعلان نېټه ورسته مشخص کیږي



د ګمارنې شرایط:
1. لږ تر لږه له(۱۴) ټولګي څخه د فراغت معتبر سند یا د دې معادل سند په اسلامي تعلیماتو کې، چې د یو داخلي یا بهرني تعلیمي او تحصیلي بنسټ څخه یې تر لاسه کړی وي.(په کابل ښار او د ولایتونو د مرکزونو د بستونو لپاره).
2. لږ تر لږه له(۱۲) ټولګي څخه د فراغت معتبر سند یا د دې معادل سند په اسلامي تعلیماتو کې، چې د یو داخلي یا بهرني تعلیمي بنسټ څخه یې تر لاسه کړی وي.(د پوهنې وزرات د ولسواليو په بستونو لپاره).
3. د کاندید تحصیلي رشته باید د ا علان شوي بست له شرایطو سره مطابقت ولري.
4. د ښه سیرت او نېک شهرت لرل.

د غوښتنلیک سپارلو او په ازموینه کې د ګډون لارښود:
قدرمن کاندیدان کولای شي دبستونو د اعلان دورې په جریان کې د ولسوالیو د پوهنې آمریتونو، د ولایتونو د معارف ریاستونو او د کابل ښار د معارف تعلیمي حوزو اړوندو سایټونو ته مراجعه وکړي او د غوښتنلیک فورم تر لاسه کولو وروسته خپل تحصیلي اسناد او د تابعیت تذکره اړوندې څانګې ته وسپاري.
قدرمن کاندیدان کولای شي د خالي بستونو لست، معیارونه، د ښوونکو د بستونو اړوند معلومات، د اعلان سایټونه او د غوښتنلیک فورم له دې ویب‌سایټونو www.moe.gov.af او www.jobs.af څخه ترلاسه کړي.

07/09/2024

د نرنګ پوهنې آمریت اړونده يو بل خصوصي ښوونځي ( ضياء القرآن )‌ کې د برياليو زده کوونکو د نتايجو د اعلانېدو په وياړ جوړه شوې غونډه ترسره شوه.
ضياء القرآن خصوصي ښوونځی چې‌ په ښوونيز ډګر کې د سيمې په کچه يو پېژندل شوی ادرس دی، د سلګونو زده کوونکو ترڅنګ د ۱۱۰ تنه يتيم زده کوونکو روزنه هم په غاړه لري چې مالي تمويل يې د افغان ريليف خيريه بنسټ له خوا برابرېږي.
غونډه کې د نرنګ ښوونکو مسلکي پراختيا علمي غړو تر څنګ د بېلابېلو ادارو مسوولينو ګډون کړی وو چې د ضیاء القرآن خصوصي ښوونځي غوره ښوونيزې چوپړتیاوې او همدا شان د‌ هېواد د بچیانو روښانه راتلونکي لپاره د بې سارې هلو ځلو ستاینه وشوه.

نرنګ پوهنې آمریت نشراتو څانګه

06/09/2024

د نرنګ پوهنې آمریت اړونده بېلابېلو ګرم سېرو ښوونځيو کې د نوي ښوونيز کال د پېلېدو په پار د زنګ وهلو مراسم ترسره شول.‌
د سنبلې ۱۵ چې په ګرمو سیمو کې د ښوونيز کال لومړۍ ورځ ګڼل کېږي د پوهنيز بهير مسوولينو لخوا د زنګ وهلو په مراسمو سره لمانځل کېږي کوم چې ښوونځيو ته د زده کوونکو د ورګرځېدو او زده کړو د بيا پيلېدو زېری له ځان سره لري.
د نرنګ پوهنې آمریت يو ځل بیا په خپلو هيوادوالو غږ کوي چې د نوي ښوونيز کال د پېلېدو په پار خپل ګلالي ماشومان نږدې ښوونيزو مرکزونو ته ورولئ ترڅو د پوهې په ګاڼه سنبال شي.

30/08/2024

د نرنګ پوهنې آمریت اړونده نورالقرا خصوصي ښوونځي کې د زده کوونکو د فراغت په وياړ جوړه شوې غونډه ترسره شوه.
ياده غونډه کې د نرنګ پوهنې آمریت آمر مولوي حنظله حنفي او ښوونکو مسلکي پراختيا علمي غړو تر څنګ د بېلابېلو ادارو مسوولينو ګډون کړی وو چې پوهنې آمر پخپلو خبرو کې د نورالقرا خصوصي ښوونځي غوره ښوونيزې چوپړتیاوې وستایلې او هيله يې څرګنده کړه چې د‌ هېواد د بچیانو روښانه راتلونکي لپاره خپلې هلې ځلې لا ګړندۍ کړي. نوموړي همداشان په ولسونو غږ وکړ چې د ګرم سيرو ښوونځيو د پيليدونکي ښوونيز کال په مناسبت د خپلو ماشومانو په وړاندې خپل مسووليت ادا کړي او نږدې ښوونځيو ته ئې واستوي ترڅو ګلالي ماشومان مو د پوهې په ګاڼه وپسولل شي.

نرنګ پوهنې آمریت نشراتو څانګه

29/08/2024

# خبر

کابل پوهنتون ته د ۱۴۰۳هـ ش کال لپاره د ماسټرۍ او دوکتورا تازه ۱۷ برنامې منظور شوي دي چې نزدې راتلونکې کې به محصلين ورته جذب شي.

17/08/2024

سبا یکشنبه ټول هېواد کې عمومي رخصتي ده!

د کار او ټولنیزو چارو وزارت د یوې خبرپاڼې په خپرولو سره ویلي، چې سبا (یکشنبه،د زمري ۲۸مه) له انګرېزي استعمار څخه د خپلواکۍ بېرته اخیستلو ۱۰۵ مې کلیزې په مناسبت ټول هېواد کې عمومي رخصتي ده.

#ملي‌تلویزیون

17/08/2024

په کونړ کې يواځينی خصوصي پوهنتون - تنویر- د متفرقه کانکور ازموينې خبرتيا!

تنویر د لوړو زده کړو مؤسسې اداره غواړي د هغه محصلینو څخه متفرقه کانکور ازموینه واخلي چې په عمومي کانکور ازموینه کې بې نتیجې، غایب او یا د کوم عذر په اساس د کانکور ازموینې څخه پاتې شوي وي؛ کولای شي د ثبت نام په موخه تنویر د لوړو زده کړو مؤسسې ته مراجعه وکړي.

.

پوهنځي:
حقوق او سیاسي علوم
اقتصاد

میاشتني فیس کې ۶۰٪ فیصده تخفیف.

د موندنې درک: کونړ اسداباد ښار، افغانستان بانک په لور غځیدلی سرک.

06/08/2024

د پوهنې وزارت په ښوونځیو کې د نویو ښوونکو د استخدام په موخه ۴۰ زره نوي بستونه اعلان ته ورکوي!

د ازموینو ملي ادارې او پوهنې وزارت ترمنځ د یاد وزارت لپاره د ښوونکو استخدام په موخه، هوکړه لیک لاسلیک شو.
یاد هوکړه لیک چې له مخې به یې د پوهنې وزارت اړوندو ښوونځیو لپاره له ۴۰ زرو ډېر نوي ښوونکي استخدام شي، د ازموینوینو ملي ادارې مشر الحاج شیخ عبدالباقي حقاني او د پوهنې وزارت مالي او اداري مرستیال الحاج صبغت الله وصیل له لورې لاسلیک شو.
د هوکړې د لاسلیک پر مهال د ازموینو ملي ادارې مشر الحاج شیخ عبدالباقي حقاني د هوکړه لیک موخه د هېواد ښوونې او روزنې پیاوتیا ته د ا.ا ځانګړې پاملرنه یاده کړه او ویې ویل د وړ او مسلکي ښوونکو په ګمارنې سره به د معارف ډګر پیاوړی شي او ځوانانو ته به کیفیت لرونکې تعلیمي زمینې برابرې شي.
ازموینو ملي ادارې مشر وویل: د علم نعمت له ټولو نعمتونو پورته دی او د همدې اصل په پیاوړتیا سره هېواد کولی شي په ځان بسیا او سیال وګرځي.
نوموړي وویل: اوس مهال هېواد کې د ښوونځي، نصاب، استاد او زده کړو معیاري کېدلو ته جدي اړتیا ده او ازموینو ملي اداره په دغه برخه کې د پوهنې وزارت سره پوره همکاري کوي، څو د رڼو ازموینو له لارې مسلکي او مستعد ښوونکي یاد وزارت ته وروپېژني.
نوموړي همدارنګه هیله وښوده چې دغه تفاهنامه به د هېواد د تعلیمي، تحصیلي او په ټوله کې د پوهنیز ډګر لپاره ګتوره ثابته شي.
د پوهنې وزارت مالي او اداري مرستیال الحاج صبغت الله وصیل د هېواد تعلیمي برخه کې شته ستونزو ته په اشارې وویل: د دې لپاره چې په تعلیمي برخه کې د مسلکي ښوونکو کمبود له منځه لاړ شي، لازمه یې وګڼله چې د ازموینو ملي ادارې له لورې د ښوونکو استخدام په شفافه توګه ترسره شي او وړ اشخاص مربوطه ښوونځیو ته وروپېژندل شي.
نوموړي وویل د اسلامي امارت له راتګ وروسته دا دویم ځل دی چې د پوهنې وزارت په چوکاټ کې د ښوونکو بستونه په ډله ییزه توګه اعلان ته سپاري او د استخدام پروسه یې د ازموینو ملي ادارې له لورې پر مخ وړي.
د پوهنې وزارت مرستیال وویل: په ټول هېواد کې به له ۴۰ زرو زیات بستونه اعلان ته سپاري، خو اوس مهال به د کابل لپاره ۲ زره او د کندهار ولایت لپاره ۵ زره بستونه اعلان ته وسپاري.

پوهنې وزارت