21/07/2026
په دې وروستیو کې د بارانو او سیلابونو را وتلو له امله په نورستان ولایت او یو شمېر نورو ولایتونو کې خلکو ته ځاني او مالي زیانونه اوښتي دي.
نورستان بیا د پروني باران او سیلابي اوبو له امله ډېر زیان لېدلی، لسګونه هیوادوال شهیدان شوي او همدومره لا درکه دي، هلته خلکو ته د ځاني تلفاتو ترڅنګ مالي زیانونه هم په لوړه کچه رسیدلي.
د مشعل اداره د هیواد او نړۍ په مرستندویه بنسټونو او تجارانو غږ کوي چې د نورستان خلکو سره په دې سخت وخت کې اوږه په اوږه ودریږي او مرستې په بیړنۍ توګه یاد ولایت ته ور ورسوي.
د مشعل اداره په نورستان ولایت کې په اوښتو تلفاتو خواشیني ده، شهاداتونه د جنت الفردوس او ټپیانو د عاجلې روغتیا دعا کوي.
