19/12/2024
1403/9/29
نن ورځ د اطمان عالي لېسې د 1403تعلیمي کال د کلنۍ ازموینې پايلې د يوې راټولېدنې
په ترڅ کې اعلان کړې.
غونډه چې د اووم ټولګي زده کوونکي روح الله لخوا د قرانکريم د مبارکو ایتونو په تلاوت سره پيل شوه.
د پرانستونکي وینا لپاره د اطمان عالي لېسې
آمر ذبيح الله شهاب تر دریځه راغی د ښه راغلاست
تر څنګ يې د 1403تعليمي کال لاسته راوړنې
د ګډونوالو سره شريکې کړې.
ورپسې د تڼيو ولسوالۍ د دعوت ارشاد مسول
مولوي صاحب محب الرحمن، د امر باالمعروف
نهي عن المنکر مدير مولوي صاحب متقي،
د للمۍ ذکور عالي لېسې آمر عیدالرحمن کليوال،د پوهنې آمریت اجرائيه مدير هیواد
افغان، د جهان اذرحش د تڼيو څانګې تعليمي
مرکز مسول احسان الله احلاص او د اطمان کلي د شورا مشر تلاوت ليوال تر دریځه راغلل
او ګډونوالو ته يې هر اړخيزې ويناوې وړاندې
کړې.
د اطمان لېسې د مختلفو ټولګيو زده کوونکو
ترتيب کړي مقالې، نظمونه، حماسي شعرونه او
ترانې واو راولې.
سرښوونکي نيکمت الله نيکزاد کلنی ګزارش
وړاندې کړ.
ياده غونډه کې د تڼيو پوهنې آمر محمد منګل
ترڅنګ د ښوونکو د مسلکي پراختيا علمي غړو، د نورالسلام دویم نمبر خصوصي ښوونځي مدير وحيدالله عابد، د مشعل خصوصي ښوونځي مدير سيد الرحمن همت
قوماندان صابرالله جهاديار او ګڼ شمير د امارتي او خصوصي ښوونځيو ښوونکو ، مشرانو او ځوانانو په يادو مراسمو کې ګډون
کړی و.
په راټولېدنه کې (16) تنه د دوولسم ټولګي
فارغان او (25)تنه د سورت ياسين حافظان
ټولنې ته د خدمت په موخه وړاندې شول.
په اخير کې د تڼيو پوهنې آمریت د مسولينو
لخوا د ستاینليک په ور کولو سره د اطمان لېسې د آمر ذبيح الله شهاب کړنې وستایلې.
غونډه د مولوي صاحب کبير لخوا د دوعا په
وايلو سره پای ته ورسیده.
د اطمان عالي لېسې اداره
