د کندهار عالي دارالمعلمین ریاست

په حديث شريف کي راغلي دي :

عَنْ أَنَسِ بْنِ مَالِكٍ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : طَلَبُ الْعِلْمِ فَرِيضَةٌ عَلَى كُلِّ مُسْلِمٍ ( رواه ابن ماجة ص : ۲۰ )

ژباړه : له حضرت انس – رضی الله عنه – څخه روايت دی، چي رسول الله – صلی الله عليه وسلم – فرمائلي دي: د علم طلب پر هر مسلمان فرض دی !

له دې حديث څخه معلومېږي، چي پر هر مسلمان که نارينه وي او که ښځينه، غريب وي که شتمن، کليوال وي او که ښاري، پر ټولو د علم طلب فرض دی .

علم تا بیایي پر پورته جهل تا بیایي پر کښته
یا عیسی لره وردرومه یا قارون ته ځان وسپاره

نن د سنبلې میاشتي ۳۰ نېټه ده، لا هم د محصلینو او زده کوونکو درک نسته.

ټوله مسلمه امت ته د لوی اختر د نیکي ورځي تبریکي وایمه، د ژوند هره لحظه مو اختریزه سه او په افغانانو پوري دي يې الله پاک بختور کي

خـــــــــبرتیا!
لکه څرنګه چي تاسي خبر یاست، چي د روان کال د وږي ( سنبلې ) میاشتي پر ( ۱۶ ) نېټه باندي نوی تدریسي کال شروع کېدونکی دی، نو په همدې خاطر ټولو هغه د ( ۱۲ ) ټولګیو څخه فارغ زده کوونکو او د نیمه لوړو زده کړو مینه والو ته خبر ورکول کیږی، چي د کندهار عالي دارالمعلمین ریاست اړوند په دغه برخو کښي ( پښتو، دري، ساینس، علوم دیني، انګلیسي او اجتماعیات ) نوم لیکنه د وږي ( سنبلې ) میاشتي تر ( ۱۰ ) نېټې پوري دوام لري. تر څو له همدې لاري لوړو زده کړو ته په اساني سره لار پیدا کړي.
نـــــوټ: د مرکزي دارالمعلمین تر څنګ یاد ریاست په ( ارغنداب، میوند، سپین بولدک، دامان، پنجوايي او ډنډ ) ولسوالیو کي هم حمایوي مراکز لري او محصلین جذبوي.
چانس له لاسه مه ورکوئ، تر څو له وخته مو سالمه استفاده کړې وي.

تاسو او ستاسو پتمني کورني ته کوچینی اختر مبارک وي!

په ډیري خواشینۍ سره خبر کړل سوم، چي په ولسي جرګه کي دمیدان وردګو ولایت دخلګو استازی محترم شیرولي وردګ په یوه ناوړه پېښه کي په شهادت رسیدلی دی.
انالله واناالیه راجعون!
دالله جل جلاله له سپېڅلي دربار څخه شهید ته جنت فردوس او درنې کورنۍ ته یې صبرجمیل غواړم او ددوی د کورنۍ سره په دې سترغم کي ځان شریک ګڼم.

د کندهار عالي دارالمعلمین د ترمیم څو ښکلي تصویرونه، چي په نژدې څو ورځو کي به رسماً یاد ریاست ته تسلیم سي.

د کندهار عالي دارالمعلمین ریاست تدریسي تعمیر چي د تېر کال د جوزا میاشتي په څلورمه نېټه باندي د دوښمن د حملې ښکار ګرځېدلی و، د کندهار عالي دارالمعلمین ریاست او معارف ریاست په ګډه همکاري سره د Save the Children موسسې په مالي مرسته د دوهم ځل له پاره له سره ترمیم سو، چي په راتلونکو څو ورځو کي به رسماً تسلیم او تدریس ته اماده سي.

د کندهار عالي دارالمعلمین ریاست تدریسي تعمیر چي د تېر کال د جوزا میاشتي په څلورمه نېټه باندي د دوښمن د حملې ښکار ګرځېدلی و، د کندهار عالي دارالمعلمین ریاست او معارف ریاست په ګډه همکاري سره د Save the Children موسسې په مالي مرسته د دوهم ځل له پاره له سره ترمیم سو، چي په راتلونکو څو ورځو کي به رسماً تسلیم او تدریس ته اماده سي.

د کندهار عالي دارالمعلمین ریاست اړوند تدریسي ودانۍ د تېر کال ( ۱۳۹۴ ) د غبرګولي میاشتي پر ( ۴ ) نېټه ماښام د هیواد او سولي د دوښمنانو له خوا د کندهار عالي دارالمعلمین ریاست پر محافظتي پوستې باندي د برید په موخه دوه تنه د یاد ریاست تدریسي ودانۍ ته پورته سوله، چي د (۱۶) ساعته پر له پسې جګړې په نتیجه کي ټول ډيپارټمنټونه او درسي ټولګیاني او ورسره نور درسي لوازم په کلي توګه له منځه ولاړل. دا چي د د یاد ریاست رئيس په پرله پسې توګه د کندهار ولایت مقام، د ښوونکو روزني لوی ریاست او پوهني وزارت ته په لسهاوو وړاندیزونه لیږلي وه خو تر اوسه يې کومه نتیجه ور نه کړه. خو د یاد ریاست رئيس ښاغلی زلمی توریال یو له هڅاندو او ویښو ریسانو څخه دی او همېشه يې خپل توان او قدرت د اولس او ټولني د ځوان قشر په سالمه روزنه کي تېر کړی دی، نو دی هم د خپلو پرله پسې کوښښونو په نتیجه کي په دې باندي وتوانېدی چي د یاد تعمیر ټولي ترمیماتي چاري د همږغۍ له مخي په کندهار کي Save the Childrenموسسې ته وسپارلې، چي تدارکاتي چاري يې د یادي موسسې له خوا ترسره سوي دي. د یاد تعمیر ترمیماتي چاري د روان کال د حمل میاشتي پر ( ۱۰ ) نېټه باندي پیل سوې. ځکه نو د یاد ریاست د رئيس کوښښونه د ستایني وړ دي.

کندهار عالي دارالمعلمین ریاست غواړي چي د خپلو محصلینو د ذهني ودي او د معارف د ښوونکو سره د همکاري په موخه د لومړي ځل له پاره یوه میاشتنۍ چاپي خپرونه راپیل کي، نو د نوم د ایښودلو په اړه يې ستاسو درنو نظرونو ته اړتیا لرو.