25/08/2026
د عامه پوهاوي په موخه د کندهار ښاروالۍ د شپږمي ناحیې د آمر لیدنه
نن د کندهار ښاروالۍ د شپږمي ناحیې محترم آمر، مولوي عبیدالله احسان، د عامه پوهاوي په موخه آذان خصوصي لېسې ته راغلی.
ښاغلي احسان له ښوونکو او زدهکوونکو سره د لیدني پر مهال د ناحیې د اړوندو چارو په اړه معلومات شریک کړل او په همدې ناحیه کي یې د یو شمېر نویو کارونو د پیل زیری هم ورکړ.
نوموړي د خپلو خبرو پر مهال د ښاري چارو د لا ښه تنظیم او پرمختګ لپاره د ولس پر همکارۍ ټینګار وکړ او څرګنده یې کړه چي د ادارو او ولس ګډه همکاري کولای سي د سیمي د لا پرمختګ او مثبت بدلون زمینه برابره کړي.
آذان خصوصي لېسه د ښاغلي مولوي عبیدالله احسان له راتګ او له زدهکوونکو سره د عامه پوهاوي د دې مهمی ناستي له امله مننه کوي او د ښاري پرمختګونو په برخه کی د هر ډول مثبتي همکارۍ ژمنه کوي.
