Benawa, Computer Science Faculty

خبرتیا!
د بېنوا لوړو زده کړو مؤسسې کمپیوټر ساینس پوهنځی ټولو محصلینو او کارمندانو ته خبر ورکول کیږی چی سبا چهار شنبه د ثور ٨ مه عمومی رخصتی ده.
په درنښت
د کمپیوټر ساینس پوهنځی ریاست

د کمپیوټر ساینس پوهنځی دمحصلینو نوښتونه
===========================================
تعلیم السلام مدرسې لپاره پرلیکه د زده کړي سیسټم (LMS)
بېنوا د لوړو زده کړو مؤسسې د کمپيوټر ساینس پوهنځی د څلورمي دورې B ګروپ محصلینو اخري کال پروژه:
دپروژې پېژندنه:
یاد سیسټم د تعلیم السلام مدرسې لپاره جوړ سوي دي چي پر مټ ئي د یادی مدرسې ټول هغه زده کوونکي چي له دوی سره ثبت دي له هره ځایه له فزیکي حضور بغیر په درسونو کي برخه واخلي، یاد سیسټم په خاص ډول د خویندو لپاره دا اسانتیا رامنځته کوي چي په خپل کور کي ټول درسونه تعقیب کړي، یاد سیسټم کي لاندي برخي موجود دي:
• د استادانو برخه
• د شاګردانو برخه
• د کتابتون برخه
د کتابتون څخه په انلاین ډول شاګردان کولای سي چي ګټه واخلي او همدارنګه خپل هر ډول ستونزه یا پوښتني کولای سي چي د استاد سره په آنلاین ډول په همدې سیسټم کي شریکي کړي.

دبېنوا لوړو زده کړو مؤسسی د کمپیوټر ساینس پوهنځی دمحصلینو نوښتونه!
===========================================
۱: آنلاین د ویني بانک ( Online Blood Bank)
بېنوا د لوړو زده کړو مؤسسې د کمپيوټر ساینس پوهنځی د څلورمي دورې A ګروپ محصلینو اخري کال پروژه:
دپروژې پېژندنه:
ددې پروژې موخه د هیواد په کچه په انلاين ډول د وينی بانک رامنځته کول دی چه په موبايل کي د جوړشوی App انسټالولو وروسته د وينی غوښتونکی (Receiver) د مربوطه وينی ګروپ غوښتنه کوی، د وينی ورکوونکی (Donor) د هماغه مربوطه ګروپ ورکړی ته اماده کيږی او اړوند روغتون کی وينه مسئول غړو ته سپاری، ددې اپليکيشن د ترلاسه کولو لپاره (Google Play Store) ته مراجعه وکړئ او د پلټڼي په ځاي کښي (Save Life) ولیکئ، تاسي ته به نوموړی اپلیکېشن ښکاره سي.

تاسی کولایسی چي یاد افلیکېشن د لاندي لینک ادرس څخه هم پیداکړي.
https://play.google.com/store/apps/details?id=com.jahanmal.save_life

دکندهار سایبر ټیلیکام سره د ګډو همکاریو تفاهم!
دکندهار سایبر ټیلیکام او بېنوا د لوړو زده کړو مؤسسې د کمپيوټر ساینس پوهنځی ترمنځ په تخنیکي او مسلکي برخو کي د ګډو همکاریو تفاهم په ۲۶/۹/۱۳۹۹ نېټه لاسلیک سو، چي موخه يي د کاري ظرفیتونو لوړول، د مسلکي اشخاصو لیږد رالیږ او یو دبل سره همکاري کول دي، په ياد مراسم کښي د بېنوا لوړو زده کړو مؤسسې د عمومي کمپيوټر ساینس ډیپارټمنټ آمر او د سایبر ټیلیکام مختلیفو مسؤلینو ګډون درلود.
بېنوا د نوښتونو کور

( د کمپیوټر ساینس پوهنځي ماموریت اعلامیه )

لېرلید:
د کمپیوټرساینس په برخه کي دداسي مسلکي اشخاصو روزل، چي په ملي کچه د ستونزو د حلولو وړتیا ولری.

Vision:
Providing educational services to the new generation in the field of Computer Science having the abilities of solving national Problems.

رسالت:
د کمپیوټر ساینس او څیړنو په برخو کي و نوي نسل ته داسي علمي خدمات وړاندي کوي، چي د ټولني د پر مختګ سبب وګرځي.
Mission:
Providing educational services to the new generation in the field of Computer Science and Research to serve the betterment of Afghan’s Society.

دبېنوا لوړو زده کړو مؤسسې د ممتازو پروژو پېژندنه
4: برقي (الیکترونیکي) رایه ورکونکي سیسټم (E-Voting System)
بېنوا د لوړو زده کړو مؤسسې د کمپيوټر ساینس پوهنځی د دوهمي دورې D ګروپ محصلینو اخري کال پروژه:
دپروژې پېژندنه:
یاد سیسټم په داسی یو کمپیوټری تکنالوجی کی جوړ سوی چي په اوسنی عصر کي ئي ټول پرمختللي انټرنیټي اپلیکېشنونه استعمالوي.
د برقی (الیکترونیکی) رایی سیستم دری مهمی برخی لری چی عبارت دی له:
۱- د کاندینانو د ثبت برخه(Candidate Registration)
۲ - په ټاکنیزو محلونو کی د کارمندانو ثبت(Registration of Sub-admins ”Users”)
۳ - رایو ورکوونکو ثبت (Registration of Voters)
ددی تر څنګ هر ثبت سوی یا غیر ثبت سوی کسانو د رایو اخیرنی نتایج (Voting Result) کتلی سی.
یاد سیستم په جوړښت کی د لاندی کمپیوټري تکنالوجی څخه ګټه اخیستل سوی ده:
Technology used:
HTML, CSS, JavaScript, Bootstrap, React, Nodejs, Express, MongoDB (Database), Git (Version Control), npm, VsCode
ګروپ غړي:
باقی بالله عثمانی، صالح محمد صمدی، عبدالوارث پوپل، لطیفه نجفی لارښود استاد: حبیب الهی رحمانی
بېنوا د نوښتونو کور

بېنوا لوړو زده کړو مؤسسې د کمپيوټر ساینس پوهنځي محصلینو د اولي او دوهمي دورې فراغت غونډه.
د عقرب ۲۷-۱۳۹۹ سه شنبې په ورځ د کمپيوټر ساینس پوهنځي محصلینو لپاره فراغت غونډه دائره سول چي د کمپيوټر ساینس پوهنځي څخه (۷۷) تنه فارغان و ټولني ته وړاندي سول.
غونډه د قران عظیم الشان په څو مبارکو آیاتونو په تلاوت سره راپیل سوه، د ملی سرود د غږیدو وروسته د بېنوا لوړو زده کړو مؤسسې رئیس خپله وینا حاضرینو ته واورول او فارغانو اودهغو کورنيو ته ئي مبارکي ورکړه، او د استادانو څخه ئي مننه وکړه، وروسته د یادې مؤسسې مؤسس ښاغلی حاجی محمد نادر خپله وینا وکړه، او ورپسي د کندهار پوهني رئيس ښاغلی محب احمد روښان حاضیرینو ته خپله وینا واورول.
وروسته د محصل نړیوال ورځ لمانځني په مناسبت اماده سوی کیک د محصلینو لخوا پریکړل سو، ورپسې د انجینري او کمپيوټر ساینس پوهنځي عمومي اول نمره ګان د ستاینلیک په ورکولو سره وستایل سوه.
فارغ التحصیلانو د افغانستان ملی بیرغ په تسلیمېدو سره دا ژمنه وکړه چي د ګران هیواد افغانستان لپاره دخدمت جوګه وګرځي
او د غونډي په پای کي ټولو فارغانو ته ددرنو میلمنو او استادانو په لاس تصدیق پاڼي وویښل سوې او غونډه پای ته ورسیده.