Kitabism - کتابیزم

د کتاب نړیواله ورځ
د اپرېل ۲۳مه د ۱۹۹۵ زېږدیز کال راهیسې د ملګرو ملتونو د فرهنګي، علمي او روزنیز سازمان یونیسکو/UNESCO له خوا د کتاب او چاپ حق/Copyright د نړیوالې ورځې په توګه نومول شوې ده.
د دې نومونې موخه د کتاب لوستنې ترویج او د هغو کسانو ملاتړ دی چې د کتاب خپرولو په برخه کې فعالیت کوي.
خو ولې د اپرېل ۲۳مه؟
د کتاب د نړیوالې ورځې په توګه د دې ورځې د ټاکلو مفکوره ۱۹۲۲ زېږدیز کال او اسپانیې هېواد ته ور ګرځي چې یوه اسپانیايي لیکوال په همدې ورځ په لومړي ځل د مشهور لیکوال میګل ډي سروانټس/Miguel de Cervantes په مړینه د هغه د درناوي لپاره وړاندې کړه.
په پایله کې دې ته په پام چې د سروانټس معاصر بل لوی لیکوال ویلیم شکسپیر/William Shakespeare هم په همدې نېټه مړ شوی؛ دا ورځ په نړیوال تقویم کې د کتاب د نړیوالې ورځې په توګه ونومول شوه.
د نړۍ په ګڼو هېوادونو کې په دې ورځ خپرندویه ټولنې، کتاب چاپوونکي، کتاب پلورونکي او د کتاب مینه وال په ګډه کار کوي چې خلک کتاب لوستلو ته وهڅوي څو ټولنې ته سم فکرونه و روزل شي.
«ستاسو د ژوند کیفیت دوه شیان ټاکي، هغه کتابونه چې لولئ یې او هغه انسانان چې ناسته ولاړه ورسره کوئ.»
'میلان کوندرا'

فرض کړئ، افکار د اوبو د څاڅکو په څېر دي؛ ستاسې یو فکر یا یو څاڅکی اوبه هیڅ درد نه دوا کوي خو که خپل فکر بیا بیا تکرار کړئ، کولای شئ ووایاست دا یو جک اوبه دي چې یو څه اغېز به ولري.
وروسته همداسې ډېرېږي، د بېلګې په توګه یو حوض ورڅخه جوړېږي، په دې توګه که بیا هم د هغو افکارو او باورونو تکرار ته دوام ورکړئ نو جهیل ورڅخه جوړېږي، وروسته په سمندر بدلېږي چې کولای شئ اغېزناکتوب ته یې هیله مند و اوسئ.
اوس پوښتنه دا ده چې تاسې څه ډول سمندر رامنځته کړی دی؟
هغه سمندر چې ککړ او زهرجن دی او لامبو په کې ناممکنه ده او که هغه سمندر چې اوبه یې د اسمان په څېر رڼې دي او انسان لامبو وهلو او خوند اخیستلو ته رابولي؟!

📘 ځواک ستا په دننه کې دی/The Power is Within You
✍️ /Louise Hay

زموږ اروا به زموږ له مړینې وروسته و نه درېږي، همداسې به خپل سفر ته دوام ورکړي، نو په دې اساس مرګ وجود نه لري.
د کایناتو پای انسان دی او د انسان پای زده کړه. نو بیا ولې د یوې حشرې په څېر د وېرې او محدودیتونو شا ته پټ شو؟
ولې له پوهېدو او پوښتنې کولو پرته یوازې تکرار کوو؟

📘 د معمار شاګرد/The Architect's Apprentice
✍️ /Elif Shafak

هڅه وکړه دغه سړی ښه وپېژنې؛
مخکې له دې چې زړه ورباندې وبایلې، هغه لا ډېر وپېژنه، که سر له اوسه ورباندې مین شوی یې نو هغه به هیڅکله هم و نه پېژنې.

📘 زړه وره نوې نړۍ/ Brave New World
✍️ / Aldous Huxley

زه فکر کوم هغه څه چې خلک له یوه او بله ناراضه کوي، دا دی چې غالباً موږ انسانان له خپل مقابل لوري تمه لرو څو د نړۍ ټولو پېښو ته زموږ د لید له زاویې وګوري.
په داسې حال کې چې د هر انسان دننه یوه بېله نړۍ ودانه ده.
د دغو توپیرونو په منلو به اړیکو خورا مناسبه بڼه لرلای...

📘 فلزي ډول/The Tin Drum
✍️ /Günter Grass

یوازې له هغو کسانو سره بحث وکړئ چې پوهېږئ هومره عقل او شخصیت لري چې بې معنا خبرې نه کوي؛ هغوی چې دلیل لټوي، حقیقت ته درناوی لري او هومره منصف وي چې که مقابل لوری یې پر حق وي نو خپله غلطي ومني.
په پایله کې په ډېر ندرت سره په هرو سلو تنو کې یو د دې ارزښت لري چې بحث ورسره وشي.

📘 کتاب: اغېزناکه اړیکه/Effective Communication
✍️ لیکوال: /Arthur Schopenhauer

که غواړې د مینې په سفر کې شریک شې نو مینه کول زده کړه. مینه زده کېدونکې پدیده ده. په دې زده کړه کې باید د نړۍ تر ټولو اسانه کار وکړې.
په نړۍ کې تر ټولو اسانه کار دا دی چې ته په خپله و اوسې او تر ټولو سخت کار دا دی څو داسې څوک و اوسې چې نور دې غواړي، نو خپل ځان پیدا کړه او هغسې و اوسه چې څنګه یې.

📘 کتاب: Living Loving & Learning
✍️ لیکوال: #لیوبوسکالیا/Leo F Buscaglia