Omeed Educational Center - اميد ښوونیز مرکز

ماشوم باید سبق ووایي، نه کار وکړي.
د ماشومانو کارکول نه‌ يوازې دا چې بېوزلي، بېکاري، بېسوادي، او د نفوس زیاتوالي په څېر نورې ټولنیزې ستونزې ژوندي ساتي، بلکې د ماشومانو ماشومتوب، فطري وړتیاوې، عزت او انساني وقار له منځه وړي.
دا کړنه د هغوی د فزیکي ودې او ذهني استعدادونو مخنیوی کوي او د روښانه راتلونکي دروازې پرې بندوي.
راځئ چې خپلو ماشومانو ته د کار جامې پر ځای د زده‌کړې جامې پر تن کړو، ځکه دا د هغوی د لوبو، زده‌کړې او ودې عُمر دی، نه د درندو مسؤلیتونو او ګټې.

د بنسټیزې ﺯده‌کړې موخه؛ د لاسي صنايعو له لارې د ماشومانو بدني، فکري او اخلاقي پرمختګ دى.

د لاسي صنايعو نړيواله ورځ دې مبارکه وي.

چاپیریال هغه ځای دی چې موږ ټول سره یوځای کیږو؛ هغه ځای چې زموږ ګډه ګټه پکښې ده. دا هغه یوازینی ځای دی چې موږ ټول پکښې شریک یو. نو راځئ چې د هغه سمه ساتنه وکړو!!!

ستاسي رب جل جلاله پریکړه کړېده، چي تاسي د الله تعالیٰ عزوجل څخه ماسیوا د بل چا عبادت مه کوئ، د مور او پلار سره ښه چلند او ژوند کوئ؛ که له دوئ (مور او پلار) څخه یو یا دواړه ستاسي سره زاړه سي، نو هغوئ ته د اُف (د کلمې په اندازه) هم څه مه وایاست (هیڅ ډول سپکاوی یې هم مه کوئ)، بلکي په ادب او درناوي ور سره خبري کوئ!
سُوْرَةُ الاِسْرَاء/الایة ۲۳

د امید خصوصي عالي لېسې اداره، ښوونکي او ټول کارکوونکي تاسو ته د نیکمرغه لوی اختر مبارکي وړاندې کوي.
هره ورځ مو اختر سه، اختر مو بختور سه.