Omeed Private High School

ستاسي رب جل جلاله پریکړه کړېده، چي تاسي د الله تعالیٰ عزوجل څخه ماسیوا د بل چا عبادت مه کوئ، د مور او پلار سره ښه چلند او ژوند کوئ؛ که له دوئ (مور او پلار) څخه یو یا دواړه ستاسي سره زاړه سي، نو هغوئ ته د اُف (د کلمې په اندازه) هم څه مه وایاست (هیڅ ډول سپکاوی یې هم مه کوئ)، بلکي په ادب او درناوي ور سره خبري کوئ!
سُوْرَةُ الاِسْرَاء/الایة ۲۳

د امید خصوصي عالي لېسې اداره، ښوونکي او ټول کارکوونکي تاسو ته د نیکمرغه لوی اختر مبارکي وړاندې کوي.
هره ورځ مو اختر سه، اختر مو بختور سه.

زده کوونکو ته د ACCA برنامې په هکله سمینار ورکړل سو

په امید خصوصي عالي لېسه کي د دې لېسې د یوولسم او دوولسم ټولګیو زده کوونکو ته د ښاغلي پوهنمل شمس الله شمس لخوا د ACCA برنامې په هکله د پوهاوي یو ورځنی سمینار ورکړل سو.

پدغه سمینار کي د ACCA او په ټوله کي د محاسبي د ارزښت، کاري ساحه، په ټولنه کي د یاد پروګرام د اړتیا او د یاد پروګرام نړیوال اعتبار په هکله زده کوونکو ته معلومات ورکړل سوه.

د ښاغلي شمس په وینا دا پروګرام د محاسبې، مالي مدیریت او حسابدارۍ په برخه کي له مهمو مسلکي برنامو څخه شمېرل کيږي، چي د نړۍ په بېلابېلو هيوادو کي اړتیا ور ته موجوده ده. همداراز ئې د ACCA د زده ‌کړي موخي، د کاري فُرصتو، معاشاتو، د افغانانو له پاره د دې رشتې د ارزښت او د بریالیتوب لارو په اړه معلومات شریک کړل. همدارنګه ښاغلي شمس ګډونوالو ته د ACCA د ثبت، شرایطو او د زده ‌کړي د پیل د طریقې په اړه لازم معلومات ورکړل.

د سمینار په وروستیو کي زده کوونکو د یادې برنامې په اړه خپلي سته پوښتني له ښاغلي شمس څخه مطرح کړې چي هغه هم ورته بشپړ ځوابونه ورکړل.

امید خصوصي عالي لېسه تل هڅه کوي چي خپلو زده کوونکو ته د هر اړخیزي زده کړي زمینه برابره کړي او هغوی په اړینو زده کړو سمبال ټولني ته وړاندي کړي.

امید د افغانستان راتلونکی روزي

ACCA (Association of Chartered Certified Accountants)

د دوهم سمسټر د دوه میاشتنۍ عمومي ارزوني دوهمه ازموینه (G*T) واخیستل سوه

په امید خصوصي عالي لېسه کښي د زده کوونکو څخه د تیرو دوه میاشتو زده کړو د ارزوني د عمومي ارزوني دوه مياشتنۍ ازموينه یا (G*T) واخيستل سوه.

د یادوني وړ ده چي د تعلیمي کال په لړ کي څلور ځلي دغه ازموینه اخیستل کیږي او تر هري ارزوني وروسته د دغه ازمویني نتایج د زده کوونکو د کورنیو سره شریک کیږي.

G*T: (General Assessment Test)

امید د افغانستان راتلونکی روزي