د سید جمال الدین افغان لیسې نوي رسمي فیسبوک پاڼه

د سید جمال الدین افغان عالي لیسې د دوهمې ورځی د ازمویني د صحنۍ یو څو تصویرونه.

د سید جمال الدین افغان عالي لیسې د اداري خبرتیا!
د لیسې اداره ټولو هغه زده کوونکو ته چي تر درو پوري په مضمونو کي پاته او مشروطان سوي، خبر ورکوي چي د راتلونکي سه شنبي په ورځ د مشروطي امتحانونه د ذکر سوي تقسیم اوقات مطابق شروع او اخیستل کیږۍ.
د سهار او ماپښین دورو لپاره د امتحان د شروع وخت د سهار نهه بجی ټاکل سوي.
ګران زده کوونکي دي خبر وي.

په درنښت
دلیسې آمر
مولوي شفیع الله (شفاعت)

د سید جمال الدین افغان عالي لیسې د اداري خبرتیا!
ټول هغه زده کوونکي چي د نمرو اوسط یی ۸۵ یا تر دي لوړ وي، او غواړي چي ارتقایي ازموینه ورکړي، کولای سي چي د پوهني ریاست ته ورسي او د هغوي څخه د امتحان امر تر لاسه کړي.

په درنښت
د لیسې آمر
مولوي شفیع الله (شفاعت)

سيد جمال الدين افغان عالي لیسې د ۱۴۰۰ او ۱۴۰۱ هـ ش تعليمي کال فارغ شاګردان ټولنې ته د خدمت لپاره وړاندې کړل
د ګرانو شاګردانو د فراغت په وياړ په جوړه سوې غونډه کې د کندهار د معارف محترم رئيس نقشبندي صاحب، د رياست تدريسي معاون محترم مفتي صاحب، اداري معاون محترم جمال ناصر صاحب، د بشري منابع مدير محترم نړيوال صاحب، د اساسي او ثانوي زده کړو مدير محترم حاجي اشنا صاحب، د انسجام او هماهنګۍ محترم آمر مولوي ولي محمد صاحب، د شپږمې حوزې د علماؤ د مجلس مشر محترم مولوي بخت محمد زعفراني صاحب، د ښاري ښوونځيو محترمو آمرينو او د شاګردانو والدينو او خپلوانو ګډون کړی و
غونډه د قرآنکريم د مبارکو اياتونو په تلاوت را پیل سوه او وروسته د محترمو عالمانو په شمول د غونډې ځينو برخوالو خپلې ارزښتناکې ويناوي او سپارښتنې شاګردانو او برخوالو ته واورولې
غونډه شاګردانو ته د اطلاعنامو او تصديقونو په ورکولو او د محترم مفتي صاحب په اصلاحي بیان او اختتاميه دعاء پای ته ورسېدل.

د سيد جمال الدين افغان عالي لیسې اداره له ټولو ګډونوالو او راغلو مېلمنو مننه کوي چې د ادارې بلنه يې ومنل او په غونډه کې يې راسره برخه واخیستل.

شاګردانو او کورنيو ته يې بيا ځلي مبارکي وايو او د لا زياتو زده کړو او خدمت هيله ترې کوو
تعليمي ادارې د يوه هيواد د روح او ساه غوندې ارزښت لري او زموږ د ادارې ټول پرسونل به خپلې هڅې روانې وساتي تر څو د تعليم ډېوه بله او روښانه وساتي
ډېره مننه.

په درنښت
دلیسې آمر
مولوي شفیع الله (شفاعت)

د سید جمال الدین افغان شپي لیسې خبرتیا!
د سید جمال الدین افغان شپي لیسې اداره ټولو زده کوونکو ته په ډیر درنښت خبر ورکوي، چي د شپي لیسې درسونه په مکمل ډول شروع دي.
ټول زده کوونکي دي خپل پر ټاکلي وختونو لیسې ته د درس لپاره حاضر سۍ، د نه حاضریدلو په صورت کي غیر حاضر شمیرل کیږي، بیا حق د شکایت نلري.

په درنښت
د لیسي آمر
مولوي شفیع الله (شفاعت)

داختر مبارکی پیغام !
دنیکمرغه لوی اختر د رارسیدو په مناسبت زه هم تاسی ټولودوستانو ته د زړه له کومی مبارکی وایم الله تعالی دی ستاسو قربانی اوعبادتونه په خپل دربار کی قبول او منظور کړی
الله تعالی دی وکړی چی دا اختر د بدبختیو پای او د خوشبختیو شروع وگرځی.

نــــــــوټ.
يوازې حیوانات مه قرباني کوئ!
د لوي اختر په رارسېدو سره حسد، کینه، او بد ګوماني هم قرباني کړئ!
زړونه پاک کړئ، تر څو قربانۍ مو قبولې سي!

په درنښت
مولوي شفیع الله (شفاعت)

د سید جمال الدین افغان عالي لیسې د اداري خبرتیا!
د لیسې اداره ټول د سهار او ماپښین دورو د اوم څخه تر یوولسم ټولګیو پوري، زده کوونکو ته په ډیر درنښت خبر ورکوي چي، ددوي اطلاعنامي جوړي او اماده دي.

ګران زده کوونکي کولای سي چي د خپلو اطلاعنامو د تر لاسه په موخه، سبا د چهارشنبي په ورځ لیسې ته په لاندي وختونو کي تشریف راوړی.

۱ - سهار دوره ( د ۹ بجو څخه بیا تر ۱۲ بجو)
۲ - ماپښین دوره ( د ۴ بجو څخه بیا تر ۵ بجو )

په درنښت
د سید جمال الدین افغان لیسې اداره

د سید جمال الدین افغان عالي لېسې د ادارې د غمشریکئ او ډاډ ګیرني پیغام!

*وبشر الصابرين الذين اذا اصابتهم مصيبه قالو انا لله وانا اليه راجعون*.

په ډیري خواشیني سره مو خبر تر لاسه کړي چي، تیره ورځ په کندهار عینومینه کي زموږ د لیسې د اتم ټولګئ دوه تنه تنکي زده کوونکي عرفان الله او رحیم الله په یوه ترافیکي پېښه کي په شهادت رسیدلي دي.

د سیدجمال الدین افغان عالي لیسې اداري او تدریسي پرسونل د شهیدانو د کورنیو سره په همدي غم کي ځان شریک بولي او د شهید سوو زده کوونکو روح ته دعا کوي.
د شهیدانو لپاره د لوی څښتن ج له درباره څخه جنت الفردوس او کورنئ ته یې جمیل صبر غواړو.

نوټ: عکسونه یی د کوچنیوالي او د همدي زده کوونکو له کارت صوانح څخه اخیستل سویدي.

په درنښت
د لیسې آمر
سمیع الله همت

د سید جمال الدین افغان عالي لیسې د اداري خبرتیا!
د لیسې اداره ټولو محترمو ښوونکو او ګرانو زده کوونکو ته په درنښت خبر ورکوي چي سبا د یکشنبي ورځ چي د جوزا د میاشتي لومړي نیټه کیږي، د کلنیو ازموینو لومړي ورځ ده.
هیله ده چي ټول خپل پر ټاکلي وخت لیسې ته حاضر سو.
په درنښت
دلیســـــــــــی آمـــــــر سمیع الله (همت)

د سید جمال الدین افغان لیسې خبرتیا!
د لیسې ټولو ګرانو زده کوونکو ته په درنښت خبر ورکول کیږی چي د پوهني ریاست څخه د امتحانونو اړوند راغلې مکتوب مهمي برخي په لاندي ډول دي.

۱- کلنۍ ازمویني د ۴ ټولګي څخه بیا تر دولسم ټولګيو پوري د جوزا د میاشتي پر لومړۍ نېټه شروع کېږي.

۲- د اووم څخه تر دوولسم ټولګي پوري یو زده کوونکي په ( ۵۱ ) ورځي غیرحاضرۍ باندي محروم کېږي.

۳- که چیري د یوه شاګرد ټولي غیرحاضرۍ تر ( ۹۰ ) ورځو پوري رسېدلي وي، نو تصدیق جوړولی سي، مګر که تر ( ۹۰ ) ورځي ئې غیرحاضرۍ زیاتي وي، بیا تصدیق نسي جوړولاي او بل کال دي بېرته زوړ صنف ووایي.

د سید جمال الدین افغان لیسې اداره ټولو زده کوونکو ته په درنښت خبر ورکوي چي د اختر رخصتي پاي ته رسیدلي!
ټول اداري کارمندان، استادان او شاګردان دي لیسې ته د تدریس او درس لپاره حاضر سي، د نه حاضریدو په صورت کي غیر حاضر شمیرل کیږي بیا حق د شکایت نلري.

په درنښت
د لیسې اداره

د لیسې د امریت له طرفه د اختر د مبارکي پیغام!
د سید جمال الدین افغان عالي لیسې آمریت ټولو هیوادوالو او خپلو درنو استادانو او ګرانو شاګردانو ته د نیکمرغه کوچني اختر مبارکي وایی!
خداي ج دي وکي چي ټول کړي فرضي او نفلي عبادتونه مو د الله ج په دربار کي قبول او د اختر ورځی په خیر او خوشحالي در باندی تیري سي.
الله ج دي دا اختر په هیواد کي د سوکالي، نیکمرغي او ښیرازي اختر کړي.
اختر مو بختور، او هره ورځ مو اختر سه.

په درنښت
دلیسې آمر
سمیع الله همت