Alhaq Private High School

آلحق خصوصي عالي لېسه د خپلو قدرمنو زده‌کوونکو د ښوونيز پرمختګ په موخه، د درې مياشتني ژمني رخصت پر مهال د ژمنيو کورسونو (تقويتي برنامې) د پيل اعلان کوي. که تاسې غواړئ چې ستاسې د اولادونو وخت بې‌ځايه ضايع نه‌شي، نو له دې فرصت څخه استفاده وکړئ.

یاده برنامه د *قوس ۲۵مه نېټه* پيلېږي.

هېله ده چې د ګډون لپاره له ادارې سره ژر تماس ونيسئ.

دالحق خصوصي عالي ليسي زده کوونکو ته د اطلاعنامو د ورکړي پرمهال انظوريز کليپونه.

نن ورځ، پنجشنبه د ۱۴۰۴/۹/۲۰ نېټه
په يوې شاندارې او درنې غوڼډه کې، د الحق خصوصي عالي ليسې – انګړ کي🎓 د دولسم ټولګي د پنځمې دورې د فراغت تر څنګ، نورو وړ زده‌کوونکو ته د ستاینلیکونو او تصدیق‌نامو د وېش پروګرام ترسره شو.
📖 پروګرام پیل د قران عظیم‌الشان د څو مبارکو آیتونو په تلاوت سره وشو، چې د نهم ټولګي زده‌کوونکي قاري یوسف دا روحاني فضا رامنځته کړه. 🎤وروسته د لېسې محترم مدير اسلام‌ يار سهاک فارغانو او نورو زده کوونکو ته ګټورې لازمي لارښوونې وړاندې کړې. همدا راز، د 🎤ليسې مالي مدير قریب‌الرحمن او تدريسي مدیر 🎤حیات‌الله موند هم زده‌کوونکو ته ارزښتناکې ويناوې وکړې.
د غوڼډي په جريان کې زده‌کوونکو خواږه اوازونو سره ترانې، تمثیلي ټوټې او ويناوې وړاندې کړې، چې د ګډون‌والو له تاوده هرکلي سره مخ شوې.
د ادارې لخوا لاندې زده‌کوونکو ته ستاینلیکونه او جایزې ورکړل شوې:
🏅- د کال غوره زده‌کوونکي ته ځانګړی ستاينليک
🏆- د کال عمومي اول‌نمره ته ستاینلیک
🎓- شپږم ټولګي فارغو نجونو ته تصدیق‌نامې
-👮‍♂️هغو زده‌کوونکو ته ستاينليکونه چې د نظم، دسپلين او کنټرول په برخه کې یې له ادارې سره مرسته کړې وه
- 🏆هغو زده‌کوونکو ته ايوارډونه چې خپل ټولګیو کې یې لومړی، دوهم او درېيم مقامونه ترلاسه کړي وو

🎓د پروګرام په پای کې، د دولسم ټولګي د پنځمې دورې فارغانو ته ستاينليکونه ورکړل شول.
پا پاى کى د ليسى محترم مدير اسلام يار سهاک د تدريسى مدير حيات الله موند هڅي د ستاينليک په ورکړى سره وستايلى

📚 د "Show Case Quiz" د ازموینې شانداره پایله! 🎉
د الحق خصوصي عالي لېسه – میزان ۲۱مه، ۱۴۰۴ هـ ش
نن د دوشنبې په ورځ، د الحق خصوصي عالي لېسې په انګړ کې د "Show Case Quiz" ازموینې پایلې د یو شانداره او منظم پروګرام په ترڅ کې اعلان شوې.
غونډه د نهم ټولګي د زده‌کوونکي، قاری محمد، له خوا د قرآن کریم د څو مبارکو آیتونو په تلاوت سره پیل شوه. وروسته د لیسې قدرمن مدیر، ښاغلي اسلام‌یار سهاک، او مالي مدیر، ښاغلي قریب‌الرحمن،زاهد, زده‌کوونکو ته خپل ارزښتناک پیغامونه وړاندې کړل، چې د زده‌کړې، هڅې او ځان جوړونې پر اهمیت یې ټینګار وکړ.
په دوام کې، د لیسې تکړه او زحمت‌کښ زده‌کوونکو د خوږو آوازونو په ژبه د نعتونو او ترانو ښکلي سرودونه وړاندې کړل چې د ګډونوالو زړونه یې لا زیاته خوښ کړه.
د غونډې وروستۍ برخه د تدريسي مدیر، ښاغلي حیات‌الله موند، له خوا د انګلیسي ژبې د زده‌کړې پر ارزښت تمرکز درلود. نوموړي د علم، ژبې، او نړېوال پرمختګ ترمنځ اړیکه روښانه کړه او زده‌کوونکي یې هڅول چې انګلیسي ژبه په پوره لیوالتیا زده کړي.
*📊 د ازموینې پایلې داسې اعلان شوې:*

🔹 د ۴م تر ۶م ټولګیو هغه زده کوونکى چى تر نورو زده کوونکى يى لوړى نمرى خپلى کړى
🥇 *لومړی مقام:* خالده د احمد لور – شپږم "ب" ټولګی زده کوونکې
🥈 *دوهم مقام:* شبانه د اشرف لور – څلورم ټولګی زده کوونکې
🥉 *درېیم مقام:* لیمه د شېر احمد خان لور – شپږم "ب" ټولګی زده کوونکې
🏅 *څلورم مقام:* فاطمه د اسلام‌یار لور – څلورم ټولګی زده کوونکې
🔹 *د ۷م تر ۱۱م ټولګیو هغه زده کوونکى چى تر نورو زده کوونکوى يى زياتى نمرى ترلاسه کړى
🥇 *لومړی مقام:* عرفان‌الله د لطف‌الله زوی – لسم ټولګی
🥈 *دوهم مقام:* فرخ د احمد شاه زوی – یوولسم ټولګی
🥉 *درېیم مقام:* ګلاب د اشرف زوی – اووم ټولګی
🏆 بریالیو زده‌کوونکو ته د ادارې له‌خوا د ستاینلیکونو او ډالیو ترڅنګ، د لومړي مقام ګټونکو ته ځانګړي اېوارډونه هم ورکړل شول.
غونډه د قاری عبدالقهار په دعا پای ته ورسېده.
د الحق خصوصي عالي لېسه د ټولو بریالیو زده‌کوونکو هڅه او زحمت ستایي، هغوی ته مبارکي وایي، او په راتلونکې کې د لا زیاتو بریاوو هیله لري.

د "Show Case Quiz" تر نامه لاندې ځانګړې ازموينه!
نن، د پنجشنبې ورځ، د میزان میاشتې ۱۷مه نېټه، د الحق خصوصي عالي لېسې له لوري د ۴م ټولګي نه تر ۱۱م ټولګي پورې زده‌کوونکو لپاره يوه ځانګړې او علمي ازموينه ترسره شوه،
نوموړى ازموينه د دالحق خصوصي عالي ليسى تدريسي مدير حيات الله مومند او د انګليسى با استعداد استاد شاه محمد زرمتى په نوښت اونورو استادانو په همکاري په دى موخه واخستله چى
نوموړې ازموينه د زده‌کوونکو د لغاتو ذخيرې پياوړتيا او ژبنۍ پوهې لوړولو کې مرسته کوي.
۲. دا ډول ازموينې زده‌کوونکي هڅوي چې په سيالۍ روحيه سره مطالعه وکړي او خپل استعدادونه وځلوي.
يادې ازموينې ته درې اونۍ مخکې ۳۰۰ مهم د انګليسى لغاتونه ورکړل شوي وو، تر څو زده‌کوونکي يې ښه تمرين او مطالعه وکړي. د نوموړي ازمويني
پایلې به د څو ورځو وروسته، د يو شاندار مراسمو په ترڅ کې اعلان شي، او هغه زده‌کوونکی/زده‌کوونکې چې تر نورو زياتې نمري ترلاسه کړي، د دې سيالۍ "ستوری" به اعلان شي.

*د ټولو ګډونوالو هڅې ستايو!*
*علم مو بخت او ژوند مو بريالی شه!*

ــــــــــــــــــــــــــــــــــــــــــــــــــــــــــــــــــــ

رومان ولد فتح الرحمن د دوهم ټولګي يو با استعداده زده کوونکی دی چې د انګلیسي او پښتو ژبو په زده کړه کې بې ساری مهارت لري. د ښوونځي ادارې د هغه د هڅو او پرمختګ په خاطر هغه د سهارنۍ اسمبلي ( پيل ) پروګرام په سر مکافات کړ او د نورو زده کوونکو لپاره یوه بېلګه وګرځي.

د مهارتونو ښکلی نندارتون! ✨🎨
الحق خصوصي ښوونځي کوچني , هوښیار او با استعداده زده‌کوونکو نن ثابته کړه چې مهارت، ذوق او استعداد عمر ته اړتیا نه لري!
دوی د خپل لاسونو په برکت، د چارټونو په بڼه رنګینه رسامي، ښکلي لیک، او تعلیمي موضوعات داسې په زړه پورې او مسلکي ډول چمتو کړي دي، چې هر چا ته د خوښۍ، حیرانتیا او افتخار احساس ورکوي.
د زده‌کوونکو دا هڅې نه یوازې د هغوی د مهارت نښه ده، بلکې د ښوونکو د غوره لارښوونې او د یو مثبت، هڅوونکي چاپېریال ښکاره عکس هم دی.دا ډول فعاليتونه د زده کوونکو ذهن ته وده ورکوي او تصور قوت يى زياتوي.
موږ خپلو ګلالیو زده‌کوونکو ته ډېره مبارکي وایو او هیله لرو چې دا ډول ابتکار او نوښت به لا پسې وغوړېږي!

*د زده‌کړې ویاړلی ګام!*
*د الحق خصوصي عالي لېسې زده کوونکو د ضرب زباني په مسابقه کې خپل استعداد وځلاوه!
زموږ د ښوونځي له څلورم څخه تر شپږم ټولګي پورې زده کوونکي د ضرب زباني په یو علمي او تفریحي سیالۍ کې ګډون وکړ. دا سیالي نه یوازې د زده‌کوونکو ترمنځ د رقابت روحيه پیاوړې کړه، بلکې هغوی یې وهڅول چې ریاضي ته لا ډېر تمرکز وکړ.
په دې سالم رقابت کې، د څلورم ټولګي هوښیار او زړور زده‌کوونکي د نورو صنفونو ترمنځ ښه ځلیدلي او لومړی مقام یې خپل کړ! دا بریا نه یوازې د دوی د زحمت نتیجه ده، بلکې د ښوونکي او اداري د لارښوونې، د هڅونې، او د خپلو هڅو پوره ثبوت هم دی.
د څلورم ټولګي زړورو زده‌کوونکو ته مبارکي وایو!
هیله لرو دا ډول تعلیمي سیالۍ به لا ډېر ذهین ذهنونه راوپېژني او زموږ ښوونیز چاپېریال نور هم پیاوړی کړي.نن د پنجشنبي په ورځ د سهارنۍ اسمبلى پروګرام په سر دنوموړى سيالي لومړى مقام ګټونکو ته د اداري لخوا په ډالي ورکولو سره ونازول شول. تر څو نور زده کوونکي تشويق او وهڅول شي.

اسامه د عبدالعزيز زوى، د اووم ټولګي يو هوښيار، زيارکښ او بااستعداده زده‌کوونکی دی. هغه نه يوازې په ټولګي کې فعاله ونډه اخلي، بلکې خپلې کورنۍ دندې هم همېشه پر وخت او په بشپړ نظم سره تر سره کوي. د اسامه دا مسؤليت‌پالنه او ژمنتيا د ښوونې او روزنې په ډګر کې د ستاينې وړ ده. نوموړی د خپلو ښوونکو او کورنۍ خوښی ګټلې ده، ځکه چې د تعليم ارزښت ته ژور درک لري او د خپل روښانه راتلونکي لپاره صادقانه هڅې کوي .

*د الحق خصوصي لېسې د درسي بهير د بيا پيل خبرتيا*
ټولو درنو زده‌کوونکو، ښوونکو ته خبر ورکول کېږي چې د دوبي رخصتي د *اسد د ۱۰مې* نېټې سره، پاي ته ورسيده سبا د شنبي په ورځ 1404/5/11 سره سمون خوري
له همدې نېټې څخه به د الحق خصوصي ليسې درسي بهير پيلېږي. هيله ده ټول محترم زده‌کوونکي د تېر په شان له پوره چمتووالي، نظم او پابندۍ سره په خپل وخت ښوونځي ته حاضر شي. نه حاضريدو په صورت کى غير حاضر شميرل کيږى.

*په درنښت – د الحق خصوصي عالي لېسې اداره

---

رسامي د انسان تخيل څرګندولو يو لاره ده چى د انسان فکر او خيال ته عملي جامه ورکوي نه يواځي هنر دى بلکي د ژور فکر،تمدن څرګندونه هم کوى. نو لاندي انظورونه د الحق خصوصي عالي لېسې زده کوونکو لخوا په لاس جوړ شوى او رسامي شوي انظورنه دى چى خپل فکر او خيال يى پکى په حقيقت تبديل کړى دا ډول تمرين د زده کوونکو د ستونزو حل طرز پپاوړى کوى او د تصور قوت يى زياتوي.