Sibghatullah Hashemi

‎بریا د چانس لخوا کومه مفته ډالۍ نه ده، بلکې د نه ستړې کېدونکې هڅې ثمره ده. هغه څوک چې لوړو هدفونو ته ځان رسوي، نو د وخت، انرژۍ او حوصلې په پانګونې سره ورته ځان رسوي.
‎که انسان غواړي پرمختګ وکړي، باید د اسانتیا له ساحې ووځي، خپل مهارتونه پیاوړي کړي او هره ورځ یو ګام مخکې واخلي. ناکامي په خپل ځاى د پاتې کېدو لامل نه دى، بلکې د بیا راپاڅېدو او نوي پيل بلنه ده.
‎پرله‌پسې کار او ټینګه اراده بالاخره نتیجه ورکوي.
‎
‎دا مو شعار وګرځوئ چې: زه د هڅې لاره نیسم، نه د انتظار.

کاروبار يوازې دوکان، پيسې او خرڅلاو نه دی؛ کاروبار د فکر کولو يو طرز او طريقه ده. ډېر خلک کار کوي، خو لږ خلک د کاروبار فکر لري. د کاروباري فکر لرونکی انسان هرې ستونزې ته د فرصت په سترګه ګوري، او هر حالت د حل له زاويې ارزوي.
کاروباري فکر له دې پوښتنې پيلېږي چې:
زه څنګه يو ارزښت رامنځته کولى شم؟
نه دا چې: زه څنګه پيسې وګټم؟

کله چې فکر بدل شي، کاروبار خپله لاره پيدا کوي.

ځان اداره کول د بريا پټه کلي ده.
هغه څوک چې خپل وخت، عادتونه او پرېکړې نه شي اداره کولای، نه شي کولای نور څه اداره کړي.
ځان اداره کول دا نه دي چې انسان ډېر کار وکړي، بلکې دا دي چې سم کار په سم وخت ترسره کړي. نظم، مسؤليت او خپلو پرېکړو ته پابند پاتې کېدل هغه وسايل دي چې عادي انسان په اغېزناک انسان بدلوي.
که غواړې بريالی شې، له ځان څخه پيل وکړه.

د انسان د ژوند حالات د هغه د خپل فکر زېږنده ده. هغه څه چې موږ نن يو، د پرون د فکر پايله ده او هغه څه چې سبا به کېږو، د نن ورځې د فکر زېږنده کېدی شي. ډېری خلک خپل حالت پر تقدير، چاپېريال او نورو خلکو اچوي، خو حقيقت دا دی چې تر ټولو قوي عامل فکر دی.
بدلون د انسان له بهر څخه نه، بلکې له دننه پيلېږي. کله چې فکر بدل شي، پرېکړه بدلېږي، او کله چې پرېکړه بدله شي، عمل بدلېږي. همدا بدلون انسان له عادي حالت څخه استثنايي مقام ته رسوي.

که غواړې ژوند دې بدل شي، نو لومړی خپل فکر بدل کړه.

Sibghatullah Hashemi

په بشر کې څوک تېروتنه نه کوي؟!
د بشر يو صفت او طبيعت چې خلاصون يې ترې نشته، دا دی چې تېروتنه کوي. رسول الله صلی الله عليه وسلم د دې څرګندونه کړې ده،
فرمايلي يې دي:« کُلُّ ابْنُ آدَمَ خَطَّاءٌ، وَخَيْرُ الخَطَّائِيْنَ التَّوَّابُوْنَ». ژباړه: هر بني آدم خطاکار دی او په خطاکارانو کې غوره هغه دی چې توبه ګار وي.

له دې قاعدې څخه له انبياوو عليهم السلام پرته بل هيڅوک مستثنی نه دي. دا چې له هر انسان څخه په دې ډول د تېروتنې تمه کېږي، نو د بشر له تېروتنو سره د مقابلې لپاره بايد له حکمته په ډکه شرعه کې يوه ثابته تګلاره موجوده وي.

مهربان پيغمبر

د انسان له هغو ارمانونو څخه چې وروسته له مرګ یې کوي:

۱. "یَا لَیْتَنِي کُنْتُ تُرَاباً"

ژباړه: کاشکې خاورې وای.
{سورة النبأ . ۴۰ }

انګېزه بخښونکې وینا:

خپل زړه له
کینې،
تعصب،
نفرت او نورو دښمنيو پاک کړه،
دا ټول رنځونه دې اروا ناروغه کوي.

(د خوښ اوسېدلو اصول)

د قـــــومونو د زوال عوامــــــل :

۱ـ د اشــــرافو کمزوري
۲ـ د فـــــوځ تشــــــدد
۳ـ عـــــیش عــــیشرت

"ابن خلدون"

ځينې
په سترګو،
ځينې په غوږونو او....
ځينې په وخت پېژندل کېږي.