25/09/2025
د امریکا کرکټ تعلیق – د یو افغان د حقانیت څرګند ثبوت
د نړیوالې کرکټ شورا وروستۍ پرېکړه چې د امریکا کرکټ غړیتوب یې ځنډولی، یوازې د یوې ادارې پر وړاندې بندیز نه دی، بلکې د حق، مسلکیتوب او رښتیني زحمت د بری ښکاره نښه ده.
ډاکټر نور محمد مراد چې کرکټ اړونده چارو کې پیژندل شوی افغان ده نوموړی څو کاله وړاندې د USA Cricket د اجرائیه رییس په توګه د ازادی سیالی له لاری وټاکل شو.
په ډېر لږ وخت کې یې داسې مثبت بدلونونه راوستل چې د کرکټ نړۍ یې حیرانه کړه، د هغه د نظم، مسلکي پلان او لیدلوري په برکت، د امریکا کرکټ نوې روحیه وموندله چې پایله یې دا وه ډیر ژر د امریکا ملي لوبډلې نړیوال جام ته بریالی مزل وکړ او د پاکستان په څېر پیاوړې لوبډلې ته یې تاریخي ماتې ورکړه.
خو د ادارې دننه مافیایي کړیو د هغه شفافیت او اصلاحات ونه زغمل او په دسیسو یې نوموړی له دندې ګوښه کړو ترڅو خپلې شخصي ګټې وساتي خو ډاکټر مراد د مسلکیتوب او اهلیت پر بنسټ خپل دریځ وساته، د فساد پر وړاندې یې غږ پورته کړ او کره شواهد یې وړاندې کړل.
نن د ICC پرېکړه څرګندوي چې هغه پر حق ده او دا ثابته شوه چې فساد لنډمهاله بری لري، خو رښتیا او وړتیا تل بریا مومي.
له دې پېښې درې مهم درسونه، لمړی دا چې رښتینی زحمت او مسلکیتوب هېڅکله ضایع نه کېږي دوهم فساد او خودسري په پای کې رسوا کېږي او دریم ځوانان باید په خپل استعداد، پوهه او خدای ورکړي وړتیا باور ولري.
ډاکټر نور محمد مراد نن د ټولو افغان ځوانانو لپاره د افتخار سمبول دی هغه ثابته کړه چې یو افغان مسلکي کدر کولی شي د نړۍ په هر کونج کې د شفافیت، صداقت او وړتیا بېلګه وګرځي.
https://www.icc-cricket.com/news/icc-suspends-usa-cricket-s-membership
19/12/2019
30/11/2019
30/11/2019
30/11/2019
28/11/2019
18/11/2019