سیال خصوصی لیسه

د کابل ښار د خصوصي ښوونځیو اتحادیې د دولسمې تعلیمي حوزې لپاره نوې رهبري وټاکله!
د 1404 کال د تلې مياشتې 20 نېټه د يکشنبې ورځ د کابل ښار د خصوصي ښوونځیو د اتحادیې رئیس ښاغلي محمد هارون رسولی د یوې رسمي او علمي غونډې په ترڅ کې د دولسمې تعلیمي حوزې د خصوصي ښوونځیو د اتحادیې لپاره نوې رهبري وټاکله.
دغه غونډه د یادې اتحادیې د مرکزي دفتر په همغږۍ ترسره شوه، چې پکې د ګڼ شمېر خصوصي ښوونځیو مسؤلینو، ښوونکو، د اتحادیې استازو، د دولسمې تعلیمي حوزې امر، د مختلفو حوزو د اتحادیو رئیسانو او د مرکزي اتحادیې غړو ګډون درلود.
غونډه د قرآن کریم د څو مبارکو آیتونو په تلاوت پیل شوه.
په پیل کې د دولسمې تعلیمي حوزې امرمولوي حمید الله حماد وینا وکړه او د خصوصي ښوونځیو ونډه یې د هېواد په تعلیمي نظام کې ارزښتناکه وبلله. نوموړي له نوې رهبري وغوښتل چې د ښوونې او روزنې د کیفیت د لوړولو، د ښوونکو د مسلکي ودې، او د زده‌ کوونکو د علمي، فرهنګي او سپورتي فعالیتونو د پراختیا لپاره کوټلي ګامونه واخلي. ده ټینګار وکړ چې "د تعلیم خدمت، د وطن خدمت دی."
وروسته د کابل ښار د خصوصي ښوونځیو د اتحادیې رئیس محمد هارون رسولی د غونډې موخه او اهمیت تشریح کړ او زیاته یې کړه:
د نوې رهبري ټاکنه د تعلیمي چارو د لا منظمېدو، د خصوصي ښوونځیو د ستونزو د حل، د متقابلې همغږۍ د پیاوړتیا، او د زده‌کوونکو د علمي، فرهنګي او سپورتي فعالیتونو د ودې لپاره یو مهم ګام دی. ده وویل چې د خصوصي ښوونځیو اتحادیه د هېواد د تعلیمي نظام یوه ملاتړه ستنه ده او دوی ژمن دي چې د ښوونې او روزنې کیفیت لوړ کړي.
وروسته د کابل ښار د خصوصي ښوونځیو د اتحادیې اجرائیه رئیس انجینر اسلام الدین یارمل هم وینا وکړه او د نوې مشرتابه د ټاکنې هرکلی یې وکړ. نوموړي ټینګار وکړ چې د خصوصي ښوونځیو ترمنځ ګډ کار، یووالی، او منظم مدیریت کولای شي د ښوونې او روزنې بهیر لا اغېزمن کړي.
په پای کې د دولسمې تعلیمي حوزې د نوې ټاکل شوې اتحادیې رئیس انجینر میرویس ستانکزي د ګډونوالو له باور او ملاتړ څخه مننه وکړه او ژمنه یې وکړه چې د خدمت، همکارۍ او شفافیت په روحيه به د خصوصي ښوونځیو د پرمختګ لپاره منظم کار وکړي. ده وویل چې د اتحادیې د لا اغېزمن کار لپاره به منظم کاري پلانونه، فرعي کمېټې او د همغږۍ تګلارې جوړې کړي.
د غونډې په پای کې، د کابل ښار د خصوصي ښوونځیو د اتحادیې رئیس محمد هارون رسولي ، اجرائيه رئیس انجینر اسلام الدین یارمل او د اتحاديي د شرقي زون رئيس اسرارالحق نظامي او مرکزي اتحادیې استازو انجینرمیرویس ستانکزي ته د فعالیت جواز ورکړ او رهبري غړي يې په لاندې ډول اعلان کړل:
1. رئیس: ښاغلی انجینر میرویس ستانکزی
2. لومړی معاوون: ښاغلی ډاکټر اجمل ستانکزی
3. دویم معاوون: ښاغلی لعل اغا موسی زی
4. مالي مسؤل: ښاغلی : امان الله ساحل توتاخیل
5. منشي: ښاغلی : عنایت الله ځلاند
ګډونوالو د نوې رهبري ټاکنه د اتحادیې لپاره یو مثبت او پرځای ګام وباله، او غونډه د دعا او د متقابلې همکارۍ په فضا کې پای ته ورسېده.

سیال خصوصي عالي لیسه !!!

*که اولاد ته تُحفه ورنکړي نو لږ وخت به وژاړي ،*

*که عِلم ورنکړي نو ټول عمر به ژاړی ،*

*او که د دين لارښوونه ورنکړي نو په قيامت به هم ژاړي .*
نو خپلو اولادونو باندې تعلیم وکړی .

ژمنی رخصتی پای ته رسیدلی خپل ماشومان ښوونځي کی شامل کړی.

نوم لیکنه روانه ده

د درسونو پیل د حمل لومړی نیټه

ګرانه والدينو له دی فرصت څخه د خپلو ماشومانو د ژمنی رخصتیو په وخت کی ګټه پورته کړی.

کتاب او قلم دی راباندی پيرځو کړی ده
خوار مه شی معلمه د رڼا لار دی راښودلی ده

د ماشوم په وړاندی خپل مسؤولیت پرځای کړی.