اقتصاد پوهنځي

په پیسو کې ثبات مهم دې ښکته پورته کېدل یې اقتصاد سخت زیانمنوي،
فکر کوم د اوکراین مسئلې له امله د ونډو بازار ښکته تللی نو ډالر هم د ټولو کرنسیو مقابل کې ټیټ شوی!؟

د Economic Time د یوه راپور له مخې پاکستان د یو میلیارد ډالرو په ارزښت صکوک د ۷.۹۵ سلنه ګټې د اوو کلونو لپاره په داسې حال کې وړاندې کړ چې له اسلام آباد څخه تر لاهور (M1) پورې موټروی یې ګروي کړي هم ده.

تاسې د پاکستان اقتصادي وضعیت له همدې تحلیل کړئ چې لومړي خو یاد صکوک د درجه بندۍ امریکایي کمپنۍ موډي (MOODY) له لورې د B3 کټګورۍ کې درجه بندي شوی او دویم دا چې دا لومړۍ ځل دی چې دولتي صکوک دې په دومره لوړ نرخ پلورل کیږي هغه هم په داسې صورت کې چې موټروی دې هم ګروي وي.

پاکستان یادې پیسې د کوم کار یا پروژې لپاره نه اخلي بلکې ډیره برخه یې د سعودي او IMF پورونو کې ورکوي. اقتصادي وضعیت یې کاملاً دیوالیه کیدو ته رسیدلی، دوی نو ځکه افغاني تاجرانو او مالداره خلکو ته د سرمایې د انتقال په صورت کې تابعیت ورکولو ته آماده دي چې اقتصاد یې له ګړنګ غورځیدلو څخه وژغوري.

افغان تاجران او سرمایه داران دې د وطندوستۍ له احساسه هم د پاکستاني تابعیت له خاطره خپله سرمایه پاکستان ته نه وړي؛ زه په ضمانت سره وایم که اوسنۍ اداره په رسیمت وپيژندل شي نو د پانګونې لپاره افغانستان له پاکستان زر چنده غوره دی.

استاد اسد مبارز

اومېګاپرو يعنې څه؟
(د ليکنې بشپړ متن ولولئ)

اومېګاپرو د انټرنېټ په نړۍ کې د آنلاين کاروبار چارچوب دی چې په مرسته یې تاسې خپلې پيسې دوی ته د کاروبار لپاره ورکوئ ترڅو د ګټې وټې وسيله شي؛ چې د اومېګاپرو د کارکوونکو په وينا دغه کاروبار په نړيوال صرافۍ مارکېټ کې د پیسو پېر او پلور دی.
تاسې کولای شئ اومېګاپرو ته د يو نړيوال بانکي اکونټ يا د خپلو پيسو معادل کرېپټو کرنسي (ډيجټلي پېسې) ورکړئ او بيا يې د ګټې په تمه کېنئ.

اومېګاپرو تاسې ته دوه ډوله ګټه درکوي:

لمړی: د خپلې سرمايې ګټه چې آن تر 300 فيصده پورې رسېږي.
يعنې ممکن لږه ګټه هم درکړي خو زيات نه زيات 300 فيصده يا د سرمايي درې چنده ګټه درکوي.
دوهم: اومېګاپرو ته کار کول يا نېټورکنګ او يا په ساده اصطلاح کمېشن کاري ده، چې دغه ګټه ستاسې د سرمايې څخه علاوه ده.
دا چې د اومېګاپرو د وعده شويو ګټو طريقې چې پورته ذکر شوي، کارکوونکو ته ګټورې که خطرناکې دي؟ شرعي مشکل لري که نه؟ دا ټول په دې ليکنه کې واضح کوو.
بايد يادونه وکړم چې ما دغه معلومات له انټرنېټ، خارج مېشتو ملګرو، اومېګاپرو کارکوونکو، د همدې برخې له مسلکي کسانو او همدارنګه په شرعي مسئله کې له علماوو څخه را ټول کړي دي، چې زه يې په بې پرې توګه تاسې ته وړاندې کوم.

د اومېګاپرو د کار طريقه:

که په افغانستان کې یاست او غواړئ په اومېګاپرو کې فعاليت شروع کړئ نو تاسې د خپل بانکي اکونټ يا د کوم صراف له ډيجيټلي پيسو څخه خپل اومېګاپرو اکونټ ته پيسې لېږدوئ.
بايد يادونه وکړم چې د ډيجيټلي پيسو له لارې اومېګاپرو ته د پيسو لېږد تر ټولو زيات خطر لري؛ چې متاسفانه اومېګاپرو خپل کارکوونکي همدې لارې ته هڅوي.
اومېګاپرو ته د پيسو له لېږد څخه وروسته به ستاسې پيسې يا سرمايه د 14 څخه تر 16 مياشتو پورې اومېګاپرو سره وي نو بيا به تاسې ته تر 300 فيصده پورې ګټه درکوي او همدا يې بهترين کېس دی.
کېدلی شي لږه ګټه درکړي او يا هم تاوان در واړوي خو له 300 فيصده زياته ګټه هیڅکله نه درکوي.
که چېرې وغواړئ چې خپلې پيسې د اومېګاپرو له ټاکلې مودې او يا مخکې له دې چې 300 فیصده ګټه وکړئ؛ بېرته تر لاسه کړئ نو يوازې 70 فيصده پيسې ويستلای شئ.

تاسې کولای شئ خپله ورځنۍ ګټه د اومېګاپرو پر وېبسایټ وګورئ خو په مياشت کې یې یوازې يو ځل ويستلای شئ، که چېرې مياشت په مياشت خپله ګټه ترلاسه کوئ نو پس له شپږو مياشتو اومېګاپرو تاسې ته ګټه نه درکوي او ستاسې خپلې پيسې بېرته په قسطوار شکل درکوي او نور مو په مخه ښه.
خو بايد ووايم چې اومېګاپرو خپل سېستم داسې جوړ کړی چې تاسې په لالچ له خپل ځان سره تړلي ساتي تر څو خپلې پيسې د اومېګاپرو سره زيات نه زيات وخت پریږدئ.
همدارنګه اومېګاپرو دا دعوه لري چې ستاسې پېسې په Forex Trading يا د صرافۍ په کاروبار کې له نورو پېسو سره يوځای کوي او چې څومره ګټه يې وکړه په ټولو کارکوونکو يې د هغوی د سرمايې مطابق ويشي.
د اومېګاپرو بل مهم اصل MLM يا Multi Level Marketing دی کوم چې په فېسبوک کې زموږ افغانان پرې اخته دي او د دوی د زياتو پوسټونو، ويډيوګانو او هر چا سره د اړیکو شميرو شريکولو يواځينۍ وجه همدا د MLM اصطلاح ده.
ځکه د دوی له وجې چې څوک اومېګاپرو ته راځي نو د هر کس په سر ورته 70 ډالر او همدارنګه د راوستل شوي کس له ګټې په راتلونکې کې معلومه فيصدي ورکول کيږي. MLM په تېر کې يوه ناکامه طریقه او دوکه ثابته شوېده، البته ځېني موقتي کامياب کېسونه هم لري.

د اومېګاپرو نړيوال حيثيت:

اومېګاپرو په نړيواله سطحه کوم قانوني حيثيت نه لري، يعنې نه کومه راجستر شوې کمپنۍ ده او نه کوم منل شوی تجارت بلکې يوه خيالي پروژه ده چې په ډېرو نرمو او غولوونکو تکتيکونو ولاړه ده.
اومېګاپرو په خپل وېبسایټ کې ليکلي چې موږ د امريکا، کاناډا، ايران او د عربو متحده اماراتو څخه غوښتنې نه منو.
دا په داسې حال کې ده چې د اومېګاپرو یو شمېر کارکوونکي پدې قانع کړل شوي دي چې پورته ذکر شوي هيوادونه ټکس ډېر اخلي، او دا دليل مطلق غلط او بې منطقه دی.
همدارنګه یې په وېبسايټ کې په پاکو تورو دا وارننګ هم ورکړی چې يواځې هماغه پېسې له موږ سره سرمایه ګذاري کړئ چې له لاسه ورکول یې منلی شئ. سکرين شاټ يې په کمېنټ کې شريکوم.

همدارنګه اومېګاپرو د فرانسې، بلجيم، هسپانيې او پېرو (Peru) لخوا دوکه او له خطره ډک چارچوب اعلان شوی دی.
پېرو د امريکا لويه وچه کې پروت هيواد دی چې تازه يې اومېګاپرو د خپل خطر لېست کې اضافه کړی دی.
زه د دغه هيوادونو رسمي وېبسایټونه او هلته د ذکر شویو خطرونو لېنکونه د ليکنې په پای کې درسره شريکوم.

د اومېګاپرو د کارکوونکو دلايل :

زه دلته د ځېنو دلايلو په هکله چې د اومېګاپرو قدرمن افغان کارکوونکي يې وایي لږ وضاحت وړاندې کول غواړم.

لمړی: اومېګاپرو په انګلستان کې د FCA سره راجستر کمپنۍ ده.
تحليل: FCA يا (Financial Conduct Authority) د انګلستان هيواد د ماليې وزارت سره موازي د مالي سیستمونو د کنټرول اداره ده.
د افغان اومېګاپرو کارکوونکو دا دعوه بلکل غلطه ده.
اومېګاپرو په دې نوم د FCA سره بلکل راجستر نده! بلکې د OMP Money LTD په نامه بله کمپنۍ یې مقصد دی کوم چې په FCA وېبسایټ کې راجستر ده مګر د اومېګاپرو په هکله په کې هیڅ نوع یادونه نه ده شوې او د مشکل په صورت کې هيڅوک په OMP Money LTD باندې عريضه نه شي کولای. (لينک یې د ليکني په پاې کې شريکوم)
هلته په انګلستان کې مېشتو ملګرو و ويل چې که اومېګاپرو تاسې سره دوکه وکړه نو FCA مو مسؤل نه ده ځکه د اومېګاپرو په نوم کومه کمپنۍ ورسره ثبت نه ده.
بله خبره دا چې فرض کړه بيخي انګلستان د اومېګاپرو قانونيت ومانه او بله ورځ دا سېستم خراب يا کومه دوکه وشوه نو موږ غريب افغانان به چاته وايو چې زموږ حق اومېګاپرو وخوړ؟
ځکه د انګلستان اداره د انګرېزانو لپاره مسؤله ده نه د افغانانو لپاره!

دوهم : د اومېګاپرو کارکوونکي وايي چې اومېګاپرو معلوم ادرس لري.
تحليل :
که تاسې د اومېګاپرو وېبسایټ کې ذکر شوي ادرس په هکله پلټنه وکړئ نو دا به ثابته نشي چې اومېګاپرو په دغه ځايونو کې رسمي دفتر لري، بلکې دوی د يو ځای عمومې ادرس ليکي.
کله چې دوبۍ کې رسمي ادرس لري نو ولې په دوبۍ کې فعاليت نه کوي؟
زه یې په کمنټ کې سکرين شاټ شريکوم چې دوي واضح ليکي چې له دوبۍ څخه غوښتنې نه مني.

دریم: اومېګاپرو نړيوال اعتبار لري.
تحليل:
اومېګاپرو يوازې دا نه چې په افغانستان کې کوم رسمي اعتبار نه لري بلکې په نړيواله سطحه هيڅ نوع رسمي اعتبار نه لري.
د FCA غوندې په نړيواله سطحه دوه نورې با اعتباره ادارې دي چې CySEC او ASIC نوميږي او نوموړي ادارې اومېګاپرو له سره پيژنې هم نه!
که چېرې یې نړیوال اعتبار درلودی نو فرانسې، بلجيم او هسپانيې غوندې هيوادونو ولې دخطر لېست ته اچوو؟

څلورم: اومېګاپرو پر خپل وېبسايت د ګټې او تاوان محاسبوي حقيقي ارقام په ژوندۍ بڼه ښايي.
تحليل: د اومېګاپرو پر وېبسايت د ارقامو لاندې ليکل شوي دي چې: ټول ښودل شوي ارقام يوازې د مثال په توګه دي، سکرين شاټ يې په کمېنټ کې شريکوم.

اومېګاپرو تخنيکي ارزونه:
سره له دې چې شا او خوا 1.8 ميلونه کارکوونکي لري خو اومېګاپرو بيا هم په انټرنېټ کې د لويو کمپنيو لکه فېسبوک، يوټيوب او ګوګل لخوا نه پيژندل کيږي.
دا د دې ګواهي ورکوي چې اومېګاپرو د خپل شتوالي او قانوني والي کوم ثبوت وړاندې کولو کې کم راغلی.
همدارنګه
د اومېګاپرو وېبسایټ په کراتو بدل شوی چې مخکې په omegaprofx.com , OmegaPro world.sit , OmegaPro trading.com
نومونو يادېده خو پدې ورستيو کې يې خپل د وېبسایټ نوم په
Omegapro .world
بدل کړی، چې دا کار د اومېګاپرو په بې ثباتۍ دلالت کوي.
اومېګاپرو په خپل وېبسایټ کې له امريکا څخه غوښتنې رد کړي خو د اومېګاپرو سېستم په امريکا کې هاسټ دی چې زه يې لېنک دلته د لیکنې په پای کې شريکوم.

د اومېګاپرو کارکوونکي وايي چې اومېګاپرو د OMP Money LTD په نامه د FCA سره راجستر ده؛ دغه خبره د انډرېس په نامه یو کس چې ځان د اومېګاپرو شريک بولي اعلان کړه او لدې وروسته FCA د OMP Money LTD لايسنس وځنډاوه، وروسته له پنځلسو ورځو تحقيق څخه بېرته OMP Money LTD خپل کار پیل کړ خو خپل فعاليت کې يې د اومېګاپرو په هکله هيڅ نوع يادواري ونکړه.

د اومېګاپرو مثبت اړخ:
د business for home په نامه وېبسایټ کې اومېګاپرو له پنځه ستورو څخه پنځه ترلاسه کړي خو د همدې وېبسایټ په يوه برخه کې ليکل شوي چې موږ د دې معلوماتو هيڅ ډول ضمانت نه کوو!

اومېګاپرو په ډېر مسلکي ډول خپل ټارګېټ ټاکي او په عمومي ډول هغه ساحې ټارګېټ کوي چې خلک يې خوش باوره او له تفکر پرته فیصلې کوي لکه يوګاندا او د جنوبي اسيا ځينې ساحې،
همدارنګه اومېګاپرو ځينې نمايشي او مارکټنک کارونه په پوره مسلکي ډول ترسره کوي، او د نړۍ څخه نا خبره خلک په ډېره اسانه تېر باسي، چې ښه مثال يې دا يوه ورځ دوه مخکې په دوبۍ کې د يوې برنامې ترسره کول ول چې په ډېر ښه شکل سره يې خلک تېر ايستل.
جالبه داده چې دوبۍ کې برنامه نيسي خو د دوبۍ خلک اومېګاپرو کې نه پريږدي. دال مى ضرور کوچ کهاله هی...

د اومېګاپرو شرعي حيثيت:
د علماوو د نظرونو او ډېر تحقيق وروسته دې نتيجې ته رسيږو چې اومېګاپرو او ورته خيالي يا انلاين چارچوبونو استعمال ناجايز دي .
د اومېګاپرو د رد په هکله د پکتيکا د مصباح العلوم لخوا فتوا هم صادر شوې چې سکن کاپي به يې د کمنټ برخه کې شريکه شي.
همدارنګه په پاکستان کې مشهور عالم محمد اسماعيل هم پدې هکله خپل بيان ورکړی چې لېنک يې ددې ليکنې په پای کې کتلای شئ.

اومېګاپرو دوکه ده که رښتيا:
۱: که دا نن د اومېګاپرو وېبسايټ بند شي نو تاسې به چاته مراجعه وکړئ چې پېسې مې راکړه؟
۲: ستاسې سرمايه د چا له سرمايې سره يوځای کيږي؟
د سود خور له سرمايې سره؟
د شراب خرڅونکي له سرمايې سره؟
او يا کومې بلې حرامې سرمايې سره؟
نو ستاسې ګټه به د سود خور له ګټې وي يا د شراب خرڅونکې؟
۳:که ستاسې ټول مال ستاسې د دوه روپيو ګټې له وجهې حرام شي نو د قيامت په ورځ به څه ځواب وایاست؟
۴: که ستاسې مال د بل چا د‌ حرامو له وجهې حرام شي، نو آيا خپل اولاد به په حرامو لوی کړئ؟
۵: که د هيواد په سطحه په سلو کې لس کسه فائده وکړي او ٩٠ تاوان نو زموږ هيواد ګټه کړې که تاوان؟
۶:په فېسبوک کې د اومېګاپرو په غولونکو پوسټونو مه تېر وځئ، لومړى سر خلاص کړئ، پورته ټول اړخونه په پام کې ونيسئ بيا پرېکړه وکړئ.

نوټ :
ددې ليکنې په هکله به يوازې منطقي پوښتنو ته ځواب ويل کيږي او بس.
مننه.

د فرانسې دولت رسمي وېبسايټ کوم چې اومېګاپرو په وارننګ لېسټ کې شامل کړی.
https://www.amf-france.org/en/recherche/resultat?form=global&key=omegapro&&facets%5Bobsolete%5D=1&page=0

د بلجيم ددولت رسمي وېبسايټ کوم چې اومېګاپرو په وارننګ لېسټ کې شامل کړی.
https://www.fsma.be/en/warnings/fraudulent-online-trading-platforms-fsma-updates-its-list-suspicious-sites-6

د هسپانيې د دولت رسمي وېبسايټ کوم چې اومېګاپرو په وارننګ لېسټ کې شامل کړی.
https://www.cnmv.es/Portal/ResultadoBusqueda.aspx?tipo=1&nombre=omegapro.world

د پيرو د هيواد اعلان چې اومېګاپرو يې په وارننګ لېسټ کې شامل کړی دی.

https://behindmlm.com/companies/crowd1-omega-pro-im-mastery-academy-illegal-in-peru/

د OMP Money LTD رسمي ویبسایټ چې د اومېګاپرو په اړه په کې هیڅ یادونه نه ده شوي.
https://www.ompmoney.com/

د مولانا محمد اسماعيل د بيان لينک.
https://fb.watch/aK9TYQQBVS/

اومېګاپرو په خپل ویبسايټ کې د امریکا څخه غوښتنې رد کړې خو سېستم یې په امریکا کې هاسټ دی.
https://myip.ms/info/whois/104.22.14.42/k/269707717/website/omegapro.world

کاپي

omegaprofx.com - Registered at Namecheap.com

ویل کیږي چې پاکستان په نوې بڼه خپل بانک نوټونه یا پيسې چاپوي او زړې له منځه وړي.
په افغانستان کې د افغانیو په مقابل کې ډالر پورته تګ د داخلي مافیا ترڅنګ شاید د پاکستان لاس هم وي او د پاکستان د نوي بانک نوټ له چاپ مخکې په کلدارو ډالر اخیستل وي چې ډالر تر لاسه او کلدارې افغانستان ته راولیږي . کله چې نوی پاکستانی بانک نوټ چاپ شي په افغانستان کې پاتې شوې کلدارې به له خلکو سره پاتې شي چلښت به ونه لري. پاکستان به ګټه کړي وي، ډالر به تر لاسه کړي خو مقابل کې به یې زیان هغو افغانانو ته ورسیږي چې کلدارې ورسره پاتې شي او بیا ونه چلیږي. نو کلدارې مه اخلئ که لری یې هم، لرې یې کړﺉ چې تاواني نشئ.
راکړه ورکړه په افغانۍ وکړﺉ. درنښت

زما درسونه
پنځم لوست
توقع: د انسان کمزورتیا او هیله منتیا انسان دې ته تړلي چې متوقع اووسې. انساني ژوند د هغو ارزښتونو ټولګه ده، کوم چې ژوند ته مانا ور کوي. همدا لامل ده چې د اکثره انسانانو لپاره توقع په یوه ارزښت اوښتي. د توقعاتو پیټی چې مو څومره دروند وې، څو برابره به مایوسه کیږې، خجالتزده کیږې، مضطرب کیږې او نا هیلې کیږې. په ساده مانا به یې ووایم توقع یانې له زوي څخه د پلار انتظار، هیله، غوښتنه او تقاضا ته ویله کیږې. په بله مانا له یو کس یا یوه شي څخه د یوه یا څو خواستو پوره کولو ته توقع وایې.
د توقع ډولونه: که څه هم توقعات ډیر ډولونه لري زه یې په دوو برخو ویشم معقول توقعات او غیر معقول توقعات.
۱- معقول (منطقي) توقعات: هغه توقعات دې چې منطقي اووسې حتمي نه ده چې د جمعي وجدان په خلاف به نه یې.
د بیلګې په توګه يو څوک له کتاب او علم حاصلولو څخه د ژوند یا کوم خاص پرمختګ توقع لري، دا منطقي هم ده او د جمعي وجدان تابع توقع هم ده. خو که یو فرد شخصي وده کړي او پوهیږې چې ددې علم یا دې هنر په ترلاسه کولو زه دومره ګټه کوم، دا منطقي ده خو جمعي وجدان دلته ور سره خلاف ده، ځکه چې ټولنه هغه وخت یو شی مني چې په سترګو یې وویني.
۲- نامعقوله (غیري منطقي) توقعات: دا هغه توقعات دې چې باید د جمعي وجدان همرنګه وي خو منطقي توب یې حتمي نه وې.
د بیلګې په توګه یو پلار له خپل زوي څخه د ښونځي په لومړیو کې لا د یوه ښه ډاکتر کیدو تمه (توقع) لري. دا منطقي نه ده، خو جمعي وجدان یې تاییدوي، ځکه چې ټولنیز توقعات حتمي نه دې چې منطقي دې وې، بلکې په ټولنه کې توقعات د اړتیاو، احساساتو او عواطفو په بنسټ جوړیږې.
تاسو به په خپل ژوند کې ډیر ځله په تمه، توقع او انتظار پاته شوي یاست، ستاسو توقع به حتمن له پاسنې دوو مواردو څخه خالي نه وه، که غواړي چې په راتلونکي کې په تمه پاته نه شي او له بې ځایه توقوعاتو چې ستاسو د شخصیت په ذلت تمامیږي خلاص شي نو له غیري منطقي توقعاتو اجتناب وکړئ.

زما درسونه

څلورم لوست - دوهمه برخه

بډایه ذهن که غریب ذهن!
زموږ ژوند د ناهوښیار ذهن په کنټرول کې ده او نا هوښیار ذهن مو د باورونو په کنټرول کې ده. که چیرته وغواړو چې ژوند مو بدل کړو پرته له دې چې باورونه (د ژوند کولو باورونه) مو بدل کړو بله هیڅ چاره نه لرو. همدارنګه فقر او غربت د فقیر ذهن زیږنده ده او ثروت د ثروتمند ذهن زیږنده ده.
ددې لپاره چې غربت په ثروت بدل کړو باید فقیرانه باورونه مو په ثروتمندو باورونو بدل کړو او ددې لپاره باید و پوهیږو چې د شتمن او غریب فکر په منځ کې څه توپيرونه موجود دې، په لاندې ډول د فقیر او شتمن ذهن توپيرونه په ګوته کو.
۸- شتمن انسان باور لري چې غربت د ټولو بدبختیو او بدیو سرچینه ده او فقیر انسان باور لري چې پیسې د لاس خیری او د ټولو بدیو ریښه ده.
۹- شتمن انسان همیشه د زده کړي او ودې په حال کې ده او فقیر انسان فکر کوي چې په هر څه پوهیږې.
۱۰- شتمن انسان له مثبتو او بریالیو خلکو سره ناسته پاسته کوي او فقیر انسان له منفي او مات شویو خلکو سره ناسته پاسته کوي.
۱۱- شتمن انسان په فرصتونو فکر کوي او فقیر انسان په خنډونو تمرکز کوي.
۱۲- شتمن انسان په شتمنیدو باور لري او فقیر انسان د شتمنیدو هیله لري.
۱۳- شتمن انسان داسې څه کوي چې پیسې ورته کار وکړې او فقیر انسان د پيسو لپاره کار کوي.
۱۴- شتمن انسان عقیده لري چې الهي نعمتونه بې شماره او د ټولو لپاره په کافي اندازه شته، خو فقیر انسان عقیده لري چې الهي نعمتونه محدود او هغه هم د ځینو خاصو خلک په لاس کې دې.

یادونه: تاسو د څنګه ذهن څښتنان یاست؟ که مو فکر فقیر وي زه کولایې شم په تمرین او تمرکز مو د شتمن فکر څښتنان کړم. د شتمنیدو آزموینه له یاده مه باسئ زه مو په خدمت کې یم.

زما درسونه

دریېم لوست

که څه هم لیکنه اوږده ده، خو خوږه ده، پاته برخه به یې د څلورم لوست تر عنوان لاندې مطالعه کړئ.

بډایه ذهن که غریب ذهن!
زموږ ژوند د ناهوښیار ذهن په کنټرول کې ده او نا هوښیار ذهن مو د باورونو په کنټرول کې ده. که چیرته وغواړو چې ژوند مو بدل کړو پرته له دې چې باورونه (د ژوند کولو باورونه) مو بدل کړو بله هیڅ چاره نه لرو. همدارنګه فقر او غربت د فقیر ذهن زیږنده ده او ثروت د ثروتمند ذهن زیږنده ده.
ددې لپاره چې غربت په ثروت بدل کړو باید فقیرانه باورونه مو په ثروتمندو باورونو بدل کړو او ددې لپاره باید و پوهیږو چې د شتمن او غریب فکر په منځ کې څه توپيرونه موجود دې، په لاندې ډول د فقیر او شتمن ذهن توپيرونه په ګوته کوم.
۱- شتمن انسان د بریا په خاطر لوبیږي او فقیر انسان د نه بایللو په موخه.
۲- شتمن انسان ایمان لري هر شی چې وغواړي ورته رسیږي او فقیر انسان همیشه د ماتي په غم کې وې.
۳- شتمن انسان پوهیږي هر څه په نوموړي پسې اړه لري نه په بهرني شرایطو او نورو پسې او فقیر انسان باور لري چې ژوند ورباندې تحمیل شوی ده.
۴- شتمن انسان ستونزي د حل وړ بولي (باور لري چې ستونزې حل کیږې) او فقیر انسان ستونزې لاانحله بولي.
۵- شتمن انسان د کړنو او پایلو په بنسټ پيسې پیدا کوي او فقیر انسان باور لري چې د وخت په تیریدلو پیسې پیداکیږې.
۶- شتمن انسان اکثره وخت په مثبتو پایلو تمرکز کوي او فقیر انسان په منفي پایلو متمرکز وې.
۷- شتمن انسان د خپل ژوند مسولیت په غاړه اخلي، ځان د شرایطو او چاپيریال قرباني نه ګڼي او فقیر انسان د قرباني حس لري، چې دا د فقیر انسان د کمزورتیا ټکی ده.

یادونه: تاسو د څنګه ذهن څښتنان یاست؟
که مو فکر فقیر وي زه کولایې شم په روزنه او تمرین مو د شتمن فکر څښتنان کړم.

نوټ: که غواړي چې شتمن شې، زه مو تر آزموینې وروسته هم ملګری یم.
د پیسداریدو آزموینه په راتلونکي نزدي وخت اخلم ګډون کونکي ګوتې جګي کړې.

زما درسونه!!!



بډاینه او فقر کومه معجزه یا عذاب نه ده، بلکې ستاسو د خپل فکر محصول ده.
هر ډول فکر او باور چې ولري، هم هغسې کیږې.
له نیکمرغه موږ په فطري توګه هیڅ شی نه لرو، زموږ فکر او باور له کسبي پدیدو څخه دې.
ستا په ټاکنه پوري اړه لري چې شتمنتیا غواړې که فقر؟
په داسې حال کې چې ټول انسانان د ثروت غوښتونکي دې او له فقر څخه کرکه کوي. خو په واقعیت کې هغه لاره انتخابوي چې فقر ته رسیږي نه ثروت ته.
مهمه دا نه ده، چې زړه دې څه شي ته کیږې او یا د څه شي غوښتونکی یې، مهمه داده چې هدف ته در سیدو لپاره دې سمه لاره (روش) اختیار کړی او که په نا سمه لاره غواړي چې هدف ته ورسیږې.
دلته بحث جالبیږې تاسو متوجه کوې چې د لاري په انتخاب کې د ۹۹ سلنه خلکو په څیر اشتباه مه کوئ، بلکې د یو سلنو په شان درسته لاره د خپل منزل لپاره وټاکئ.

یادونه: سمه لاره ټاکل ځانګړي تکنیکونه لري، چې د فیسبوک له حوصلې څخه بهر دې.

مثبته کنځله👎

‏د افغانۍ سقوط تېرو ۳ میاشتو کې بهر نه د مرستو/نورو لارو د ډالرو بندیدو پایله وه.
نن چ څه وشول دا حتمي وو.
دا بهیر اوس کنترول شو.
منظم ډول له بهر نه ملیونونه ډالر افغان بانکونو ته را روان/مارکېټ تغذیه کېږي.
ډېرو هڅو وروسته پانګونې اړوند بانکونو باندې لږېدلي محدودیتونه هم ختم شول.
‏تر دې وړاندې له هېواد بهر حوالې د بانکونو پر ځای د محلي مارکېټ یا حوالو له لارې ممکن وو.
اوس افغانان او بهرنیان کولای شي له هېواده بهر شخصي پیسې یا هم د پانګونې په موخه پیسې د بانکونو له لارې افغانستان ته واستوي.
دا توافق د دوحې وروستي سفر کې امریکایي پلاوي سره مذاکراتو کې وشو.

ماسټر بلاسټر شفیع محمداعظم💪

ولې باید زما درسونه ولولې؟

زما د درسونو لړۍ را سره تعقیب کړې، زما د ژوند ډیره برخه په زده کړه او مطالعه تیر شوی. داسې کم وخت راباندې تیر شوی وې، چې د زده کړې مرکز ته نه یم تللی یا مې مطالعه نه وې کړې.
څه چې مې زده کړې، ددې ملت په خولو او وینو برابر شوي امکاناتو څخه په استفادي مې زده کړې. که څه هم د ملت پور نه شم ور پري کولای، خو نهایت هڅه کوم چې ملت ته یې ورسوم، ترڅو یې وتوانوم خپلې ستونزې په خپله حل و فصل کړې.
هر څه چې لیکم د ډیرو کتابونو نچوړ او خپل تحلیل تر تاسو پوري در رسوم او باور لرم چې حتمن ستاسو د ژوند په ښه کولو کې مرستندوی واقع کیږې.
د کتاب عالمان ډیر دې (د چا چې کتاب زده وې)، خو په کتاب عالمان او د علم هنرمندان په نړۍ کې ډیر کم دې. زه د علم هنرمند او په کتابونو پوهیږم.
شاید په ډیرو خبرو مې ځینې خلک و نه پوهیږې، ځکه چې هغوي ته د ټولو ژورو مسائلو درک په لیکلي بڼه ستونزمن وې، د هغوي لپاره مې حضوري او انلاین غونډې په پام کې نیولي دې.
هیله ده باور راباندې وکړې، زه ډاډ در کوم چې پیښمانه به نه شې.

یادونه: له هر ډول دیني او سیاسي بحث څخه ګوښې ته شوی یم.

زما درسونه!



عام انسان د غیري ضروري چارو په هکله فکر کوي، ځکه د پرمختګ په ځای شاتګ کوي او له ځانګړو انسانانو سره یې تفاوت د اختلاف سبب ګرځي.
اختلاف چې د عقدې په بنسټ رامنځته شې، بیا واقعیتونه نه شې درک کولای، نو ځکه وایو چې عقده من انسانان ډیر تاوتریخوالی کوي.
که نه غواړې چې عمر مو په عبسیاتو تیر شې، لاندې کرښې په غور سره ولولئ او په خپل ژوند کې یې پلي کړئ.
۱- مثبت فکر وکړئ.
۲- له ټولو منفي افکارو ځان خلاص کړئ.
۳- خوش باوره اووسې نه احمق باوره.
۴- لومړیتوبونه مو مالوم کړئ.
۵- ژوند ته مو هدف وټاکئ.
۶- د ځان په هکله د خلکو منفي رفتار او ګفتار نادیده ونیسئ.
۷- خپلي وړتیاوې مو وپیژنئ.
۸- د واقعیتونو په لټه کې شې.
۹- له انسانانو او کائیناتو سره مینه کوړئ.
۱۰- له الهي نعمت (ژوند) څخه خوند واخلئ.

یادونه: هره کرښه ځانګړی لکچر لري، دلته یوازي تاسو ته زه په کلیاتو کې مفهوم رسونه کوم، علاقمندان کولایې شې، په کلپ هاوس کې پدې باره کې زما لکچرونه تعقیب کړې.

ولې باید زما درسونه ولولې؟

زما د درسونو لړۍ را سره تعقیب کړې، زما د ژوند ډیره برخه په زده کړه او مطالعه تیر شوی. داسې کم وخت راباندې تیر شوی وې، چې د زده کړې مرکز ته نه یم تللی یا مې مطالعه نه وې کړې.
څه چې مې زده کړې، ددې ملت په خولو او وینو برابر شوي امکاناتو څخه په استفادي مې زده کړې. که څه هم د ملت پور نه شم ور پري کولای، خو نهایت هڅه کوم چې ملت ته یې ورسوم، ترڅو یې وتوانوم خپلې ستونزې په خپله حل و فصل کړې.
هر څه چې لیکم د ډیرو کتابونو نچوړ او خپل تحلیل تر تاسو پوري در رسوم او باور لرم چې حتمن ستاسو د ژوند په ښه کولو کې مرستندوی واقع کیږې.
د کتاب عالمان ډیر دې (د چا چې کتاب زده وې)، خو په کتاب عالمان او د علم هنرمندان په نړۍ کې ډیر کم دې. زه د علم هنرمند او په کتابونو پوهیږم.
شاید په ډیرو خبرو مې ځینې خلک و نه پوهیږې، ځکه چې هغوي ته د ټولو ژورو مسائلو درک په لیکلي بڼه ستونزمن وې، د هغوي لپاره مې حضوري او انلاین غونډې په پام کې نیولي دې.
هیله ده باور راباندې وکړې، زه ډاډ در کوم چې پیښمانه به نه شې.

یادونه: له هر ډول دیني او سیاسي بحث څخه ګوښې ته شوی یم.
نوټ: عکس د مثبتو انرژیانو د جذب په حال کې اخیستل شوی، تاسو هم سهار او ماښام د لمر له انرژیانو ځانونه ډک کړئ.