امن اسلامک سنټر Aman Islamic Center

31/12/2021

Learn Islam Online

26/12/2021

ټولنیز آداب

ځیني داسي آداب شتون لري چي په ورځني ژوند کي یو مسلمان نارینه او ښځینه ته پکار ده چي هغه مراعت کړي تر څو د ده او نورو مسلمانانو د هوسایني سبب ګرځېدلي وي او تر څنګ يې د هغوی حقوق هم ادا سوي وي، چي یاد آداب ځیني په لاندي ډول دي:
1. د نورو د خبرو په منځ کي مه ورولوېږه، بلکي هغه پرېږده چي خبري يې خلاصي سي بیا خبري ورسره وکړه.
2. د سفر کولو په دوران کي که کله دوه یا درې یا تر دې اضافه ملګري سره یوځای سواست نو خامخا د خپلو ځانو لپاره یو مشر وټاکئ.
3. که یو چا مرسته درسره وکړه نو بدله يې په ښو سره ورکړه.
4. د سفر په دوران کي باید د هر نامعلوم شخص څخه د خوړل شی وا نه خیستل سي، ځکه دا اکثره وختونه د انسان د هلاکت او نقصان سبب ګرځي.
5. د سفر کولو په دوران کي د بل مسافر څخه غوټه یا بل سامان مه اخله او مه خپله د هغه لپاره محافظ جوړېږه، ځکه کېدلای سي چي هغه کوم تاواني یا مخدره مواد وي.
6. د هر چا ستاینه چي کوې د نورو په مخ کي يې وکړه، مګر د نورو په مخ کي يې پر کارونو تنقید مه کوه.
7. د خپل مال او کاروبار حالات و بل چا ته مه بیانوه.
8. د خپل سفر جهت و بل چا ته مه ښیه.
9. د هر ملګري سره چي دي کار وي او وغواړې چي پر ټلیفون رابطه ورسره وکړې، نو چي کله یو، دوه یا درې زنګونه ورته ووهې او هغه ټلیفون ته جواب ور نه کړئ نو اوس يې پرېږده بیا بل وخت رابطه ورسره وکړه کېدای سي مصروفه وي او یا بیده وي.
10. که د ملګرو سره د خوراک لپاره یو ځای ته ولاړاست او ډوډۍ مو خوړل نو د ګران بیه خوړو تمنا مه کوه.
11. که مو د یوه ملګري یا کوم بل څخه پیسې پور کړې نو پر خپل وخت يې وروسپاره، ځکه هیڅ داسي څوک نه سته چي هغه د پیسو د چاپ ماشین ولري، بلکي هر سړی پیسو ته ضرورت لري.
12. د هغه خلکو په مخ کي د خپلي شتمنۍ اظهار مه کوه چي هغه ناداره او غریب وي.
13. د هر سړي څخه د هغه د مال او تنخواه پوښتنه مه کوه.
14. د یو چا کره د مېلمستیا په وخت کي د خپلو نظرونو او خپل نس خیال وساته.
15. که څوک اولاد نه لري نو د هغه په مخ کي د اولادو د محبت اظهار مه کوه.
16. کله چي د یو چا سره خبري یا مجلس کوې نو د مجلس په دوران کي په موبایل یا بل شي مه اخته کېږه.
17. کله چي یو کس خپل موبایل یا بل کوم شی درکړي چي حفاظت يې وکړه نو د کتلو څخه يې ډډه وکه
((منقول))

23/12/2021

Learn Islam-Online

06/12/2021

Introduction تعارف

05/12/2021

17/11/2021

Islamic Programs - Online (Pashto+Dari+English)

10/11/2021

آنلاين درسونه