Education Surveillance Organization

Education Surveillance Organization د ښوونې او روزنې د څار بنسټ

03/01/2026

سږ کال تعلیمي کال پای ته ورسېد.
زموږ هیله او غوښتنه دا ده چې د ۱۴۰۵ تعلیمي کال له پیل سره، له شپږم ټولګي پورته د نجونو پر مخ ښوونځي پرانیستل شي، تر څو نجونې وکولای شي له خپل اساسي حق یعنې زده‌کړې څخه برخمنې شي او د ټولنې د سالم او روښانه راتلونکي لپاره ونډه واخلي.

17/12/2025

ګرانو زده‌کوونکو!
تاسو ټولو ته د دولسم ټولګي د بریا او فارغیدو مبارکي وایو. ستاسو هڅې، ژمنتیا او صبر د ستاینې وړ دي او دا بریا ستاسو د راتلونکې لپاره د نوو فرصتونو دروازې پرانیزي. موږ هیله لرو چې تاسو به خپلو زده‌کړو ته دوام ورکړئ، خپل استعدادونه لا ښه وڅېړئ او د ټولنې خدمت لپاره خپل وړتیاوې وکاروئ.

په همدې وخت کې، موږ په درناوي له حکومت څخه غوښتنه کوو چې د راتلونکي تعلیمي کال له پیل سره، له شپږم ټولګي پورته ټولو نجونو ته د تعلیم بشپړ حق ورکړل شي، څو هر ماشوم او نجلۍ وکولی شي د زده‌کړو مساوي فرصت ولري او د خپلو هیلو تعقیب ته ادامه ورکړي.

موږ له څلورو کلونو راهیسې ګورو چې زموږ خوږې خویندې، لوڼې او راتلونکې میندې له ښوونځي او زده کړو بې برخې پاتې دي. دا حالت...
22/04/2025

موږ له څلورو کلونو راهیسې ګورو چې زموږ خوږې خویندې، لوڼې او راتلونکې میندې له ښوونځي او زده کړو بې برخې پاتې دي. دا حالت نه یوازې د هغوی حق تر پښو لاندې کوي، بلکې زموږ ټولنه له علم، پرمختګ او رڼا څخه محروموي. تعلیم د هر انسان بنسټیز حق دی، او نجونې هم د دې حق وړ دي.

موږ له درنو چارواکو، د تصمیم نیوونکو ادارو، او نړیوالو ملاتړو څخه غوښتنه کوو چې د نجونو د مکتبونو دروازې ژر تر ژره پرانیزي، ترڅو موږ یوه روښانه، عادلانه او پرمختللې راتلونکې ولرو.

30/03/2025

د افغانستان د ښوونې د څار بنسټ
د اختر مبارکي!

ګرانو زده‌کوونکو!

د نېکمرغه اختر د رارسېدو له امله تاسو ټولو ته د زړه له تله مبارکي وایو. اختر د خوشحالۍ، ورورولۍ، او مهربانۍ ورځ ده، او هیله لرو چې دا خوښۍ مو د تعلیم په رڼا لا نورې روښانه شي.

تاسو د افغانستان روښانه راتلونکی یاست، او موږ هیله لرو چې په دې مبارکو ورځو کې د زده کړو ارزښت ته لا ډېر پام وکړئ. زموږ هیله دا ده چې راتلونکی اخترونه مو له لا زیاتو بریاوو، سولې، او پرمختګ سره ولمانځئ.
یوځل بیا د ا ا ا له مشرتابه څخه په هیله مندۍ غوښتنه کوو چې د نجونو ښوونځي او پوهنتونونو په پرانستلو سره په خپل ولس شفقت او مهرباني وکړي.

د افغانستان د ښوونې د څار بنسټ

25/03/2025

ګرانو والدینو،

تعلیم د اولادونو د روښانه راتلونکي لپاره تر ټولو مهم بنسټ دی. زموږ ماشومان د سبا ورځې مشران دي، او د دوی پرمختګ زموږ د ټولنې، هېواد، او نړۍ پرمختګ دی. که موږ غواړو چې اولادونه مو د ژوند په هره برخه کې بریالي شي، نو باید هغوی ته د زده کړو زمینه برابره کړو.

ښوونځی نه یوازې د علم او پوهې ځای دی، بلکې د اخلاقو، تربیې، او شخصیت د جوړولو تر ټولو مهم مرکز هم دی. تعلیم اولادونه له فقر، ناپوهۍ، او ستونزو ژغوري او هغوی ته د ښه ژوند، غوره کار، او روښانه راتلونکي فرصت ورکوي.

راځئ، خپل ماشومان نجونې او هلکان ښوونځي ته ولېږو، هغوی ته د زده کړو فرصت برابر کړو، او د یوه سوکاله او روښانه افغانستان لپاره کار وکړو.

"تعلیم، زموږ د اولادونو، زموږ د کور، او زموږ د هېواد عزت دی!"

18/03/2025

د نجونو د ښوونځیو د پرانستلو لپاره غوښتنې لیک
د ا ا ا مشرتابه او اړوندو دولتي چارواکو!
موضوع: د نجونو د ښوونځیو د پرانستلو غوښتنه

د افغانستان د زده کړو د څار بنسټ، تاسو ته دا رسمي غوښتنه وړاندې کوي چې د نجونو د زده کړو اساسي حق ته جدي پاملرنه وکړئ. له بده مرغه، د نجونو ښوونځي لا هم تړلي دي، چې دا د ټولنې د راتلونکي لپاره لوی زیان دی.
زده کړه د اسلام مبارک دین له مخې د ټولو نجونو او هلکانو مسلم حق دی. د نجونو له تعلیمه محروم ساتل نه یوازې د هغوی راتلونکی تیاره کوي، بلکې زموږ ټولنه د علم، پرمختګ، او هوساینې له نعمت څخه بې‌برخې کوي.
د زده کړو د څار بنسټ له حکومت څخه غوښتنه کوي چې ژر تر ژره د نجونو ښوونځي پرانیزي، د هغوی د زده کړو لپاره لازم شرایط برابر کړي، او ټولنیز پرمختګ ته لاره هواره کړي. موږ چمتو یو چې د دې ښوونځیو د فعالېدو په برخه کې هر ډول همکاري وکړو.
هیله ده چې زموږ دا غوښتنه د لومړیتوب په توګه وڅېړئ او مثبت ځواب راکړئ.
په درناوي،
د زده کړو د څار بنسټ

11/02/2025

د نجونو تعلیم یوازې د فردي ودې موضوع نه ده، بلکې د ټولنې د پرمختګ، سوکالۍ، او ثبات لپاره یو حیاتي عنصر دی. دلته د نجونو د تعلیم ځینې مهم ټکي راخلو:

۱. د ټولنې اقتصادي پرمختګ

کله چې نجونې زده کړې وکړي، دوی کولای شي د کار بازار ته داخل شي، خپل عاید ترلاسه کړي، او د خپلې کورنۍ او ټولنې اقتصاد ته وده ورکړي. تعلیم‌یافته ښځې کاروبارونه پیل کولی شي، نوښت ته وده ورکولی شي، او د ټولنیزې سوکالۍ لامل ګرځي.

۲. روغتیايي ګټې

تعلیم‌یافته نجونې د خپلې کورنۍ لپاره ښه روغتیایي پرېکړې کوي، د ماشومانو د مړینې کچه راټیټوي، او روغتیايي پالنې ته ترجیح ورکوي. هغوی د تغذیې، واکسین، او نظافت په ارزښت پوهیږي، چې دا د ټولنې پر روغتیا مثبت اغېز کوي.

۳. د ټولنیزو ستونزو کمښت

نجونې چې زده کړې وکړي، د زود واده، جبري ودونو، او کورني تاوتریخوالي څخه ژغورل کېږي. تعلیم‌یافته مېرمنې کولای شي خپل حقوق وپیژني، په ټولنیزو پرېکړو کې برخه واخلي، او د ظلم پر ضد خپل غږ پورته کړي.

۴. د راتلونکي نسل لپاره ښه روزنه

تعلیم‌یافته میندې د خپلو ماشومانو د تعلیم او تربيې لپاره هڅه کوي، چې دا د راتلونکي نسل د سوکالۍ سبب ګرځي. یوه پوهه مور خپل اولادونه د سالم فکر، مثبتې رهبرۍ، او د ټولنې د ودې پر لور سوق کولی شي.

۵. د ټولنې پرمختګ او ثبات

کله چې ښځې زده کړې ولري، دوی د ټولنیزو چارو، سیاست، او اقتصادي فعالیتونو کې ونډه اخلي. دا چاره د ټولنې د متوازن پرمختګ، د سولې، او عدالت د تأمین لپاره اساسي رول لري.

پایله

د نجونو تعلیم یوازې د هغوی شخصي حق نه دی، بلکې دا د ټولې ټولنې د پرمختګ یوه اړتیا ده. د تعلیم له لارې نجونې پیاوړې کېږي، د خپلې راتلونکې پرېکړې کولای شي، او ټولنه له بې‌وزلۍ، تاوتریخوالي، او بې‌عدالتۍ څخه ژغورل کېږي.

26/11/2024

زموږ غوښتنه ده چې د راتلونکي تعلیمي کال تر پیله له شپږم ټولګي پورته د نجونو د ښوونځیو طرحه چمتو او ښوونځي پیل شي.

12/05/2024

د بغلان ولایت په غمیزه او هلته د زده کوونکو په وژل کېدو سخت خواشیني یوو! په دې مصیبت ځان د بغلان له ولسونو سره شریک ګڼو!
له ټولو خیریه بنسټونو غواړو چې مرستې ونه سمپوي او د ولس لاسنیوی وکړي.

د لوی خدای ج په نوم!د هېواد په سړو سیمو کې د ښونځیو د پرانیستل کیدو په اړه علامیه!لکه څرنګه چې ټول هېوادوال په جریان کې...
20/03/2024

د لوی خدای ج په نوم!
د هېواد په سړو سیمو کې د ښونځیو د پرانیستل کیدو په اړه علامیه!
لکه څرنګه چې ټول هېوادوال په جریان کې یاست د ۱۴۰۳ ښوونیز کال د وري میاشې په لومړۍ نېټه د هېواد په ټولو سړو سمیو کې پیل شو. د افغانستان د ښوونې او روزنې د څار بنسټ په هېواد کې د ښونځيو د پرانیستلو هرکلی کوي او له ټولو کورنیو غواړي چې خپل ماشومان هلکان او نجونې چې په ټولګي کې د شاملیدو عمر یې پوره کړی وي، ښونځیو ته ولیږي.
ګرانو هېوادوالو!
سره له دې چې په ټول هېواد کې د هلکانو پر مخ د ښونځیو د پرانیستل کیدو زنګ ووهل شو، په ډېره خواشینۍ سره باید ووایو چې له شپږم ټولګي پورته نجونې لاهم له زده کړو بې برخې پاتې شوې چې دې کار یو ځل بیا افغان ولس او کورني ملاتړي بنسټونه ناهیلي کړل. د افغانستان د ښوونې او روزنې د څار بنسټ په دې باور و چې سږ کال به د افغانستان ا-ا له شپږم ټولګي پورته د نجونو پرمخ د ښونځیو دروازې پرانیزي.
د افغانستان د ښوونې او روزنې د څار بنسټ یو ځل بیا د افغانستان د ا-ا په مشرتابه غږ کوي چې له شپږم ټولګي پورته د نجونو پر وړاندې د ښونځیو بندې روازې پرانییزې، او ددې ټولنې د روښانه راتلونکي لپاره یو لوی او د ویاړ ډک ګام پورته کړي.
د افغانستان د ښوونې او روزنې د څار بنسټ د تیرو کلونو په څېر سږ کال هم په پام کې لري چې د هېواد د بیوزلو زده کوونکو لاسنیوی وکړي او هغو زده کوونکو ته درسي توکي چمتو او ورکړي چې د رانیولو توان یې نه لري.
په درنښت
دارالانشاء

10/12/2023

په شدد په تمه يوو چې راتلونکی تعليمي کال د ټولو نجونو پرمخ خلاص او ناهيلي توپ پای ومومي.

Address

Kabul

Website

Alerts

Be the first to know and let us send you an email when Education Surveillance Organization posts news and promotions. Your email address will not be used for any other purpose, and you can unsubscribe at any time.

Shortcuts

Share

Category