11/04/2025
حدیث شمیره: 62
حَدَّثَنَا عَبْدُ اللَّهِ بْنُ يُوسُفَ، قَالَ: حَدَّثَنَا اللَّيْثُ، عَنْ سَعِيدٍ هُوَ المَقْبُرِيُّ، عَنْ شَرِيكِ بْنِ عَبْدِ اللَّهِ بْنِ أَبِي نَمِرٍ، أَنَّهُ سَمِعَ أَنَسَ بْنَ مَالِكٍ، يَقُولُ: بَيْنَمَا نَحْنُ جُلُوسٌ مَعَ النَّبِيِّ صَلَّى اللهُ عَلَيْهِ وَسَلَّمَ فِي المَسْجِدِ، دَخَلَ رَجُلٌ عَلَى جَمَلٍ، فَأَنَاخَهُ فِي المَسْجِدِ ثُمَّ عَقَلَهُ، ثُمَّ قَالَ لَهُمْ: أَيُّكُمْ مُحَمَّدٌ؟ وَالنَّبِيُّ صَلَّى اللهُ عَلَيْهِ وَسَلَّمَ مُتَّكِئٌ بَيْنَ ظَهْرَانَيْهِمْ، فَقُلْنَا: هَذَا الرَّجُلُ الأَبْيَضُ المُتَّكِئُ. فَقَالَ لَهُ الرَّجُلُ: يَا ابْنَ عَبْدِ المُطَّلِبِ فَقَالَ لَهُ النَّبِيُّ صَلَّى اللهُ عَلَيْهِ وَسَلَّمَ: "قَدْ أَجَبْتُكَ". فَقَالَ الرَّجُلُ لِلنَّبِيِّ صَلَّى اللهُ عَلَيْهِ وَسَلَّمَ: إِنِّي سَائِلُكَ فَمُشَدِّدٌ عَلَيْكَ فِي المَسْأَلَةِ، فَلاَ تَجِدْ عَلَيَّ فِي نَفْسِكَ؟ فَقَالَ: "سَلْ عَمَّا بَدَا لَكَ" فَقَالَ: أَسْأَلُكَ بِرَبِّكَ وَرَبِّ مَنْ قَبْلَكَ، اللَّهُ أَرْسَلَكَ إِلَى النَّاسِ كُلِّهِمْ؟ فَقَالَ: "اللَّهُمَّ نَعَمْ". قَالَ: أَنْشُدُكَ بِاللَّهِ، اللَّهُ أَمَرَكَ أَنْ نُصَلِّيَ الصَّلَوَاتِ الخَمْسَ فِي اليَوْمِ وَاللَّيْلَةِ؟ قَالَ: "اللَّهُمَّ نَعَمْ". قَالَ: أَنْشُدُكَ بِاللَّهِ، اللَّهُ أَمَرَكَ أَنْ نَصُومَ هَذَا الشَّهْرَ مِنَ السَّنَةِ؟ قَالَ: "اللَّهُمَّ نَعَمْ". قَالَ: أَنْشُدُكَ بِاللَّهِ، اللَّهُ أَمَرَكَ أَنْ تَأْخُذَ هَذِهِ الصَّدَقَةَ مِنْ أَغْنِيَائِنَا فَتَقْسِمَهَا عَلَى فُقَرَائِنَا؟ فَقَالَ النَّبِيُّ صَلَّى اللهُ عَلَيْهِ وَسَلَّمَ: "اللَّهُمَّ نَعَمْ". فَقَالَ الرَّجُلُ: امَنْتُ بِمَا جِئْتَ بِهِ، وَأَنَا رَسُولُ مَنْ وَرَائِي مِنْ قَوْمِي، وَأَنَا ضِمَامُ بْنُ ثَعْلَبَةَ أَخُو بَنِي سَعْدِ بْنِ بَكْرٍ وَرَوَاهُ مُوسَى بْنُ إِسْمَاعِيلَ، وَعَلِيُّ بْنُ عَبْدِ الحَمِيدِ، عَنْ سُلَيْمَانَ بْنِ المُغِيرَةِ، عَنْ ثَابِتٍ، عَنْ أَنَسٍ، عَنِ النَّبِيِّ صَلَّى اللهُ عَلَيْهِ وَسَلَّمَ بِهَذَا.
شریک بن عبدالله بن ابي نمر نه روایت دی، چې هغه د انس بن مالک رضي الله عنه نه اوریدلي چې مونږ نبي صلی الله علیه وسلم سره جومات کې ناست وو، یو سړی په اوښ سپور راغی او خپل اوښ یې په جومات کې کېنولو او پښې یې ورته وتړلې. بیا هغه صحابه وو ته وویل چې په تاسو کې محمد کوم یو دی؟ او دغه وخت نبي صلی الله علیه وسلم د صحابه وو په منځ کې ډډه وهلې وه او ناست و. نو مونږ ورته وویل چې دا د صاف سپین رنګ خاوند چې ډډه یې وهلې او ناست دی، د ده نوم محمد دی بیا هغه سړي نبي صلی الله علیه وسلم ته وویل: ای د عبدالمطلب زویه (هدف ترې لمسی دی)، نبي صلی الله علیه وسلم ورته وویل وایه زه موجود یم، هغه نبي صلی الله علیه وسلم ته وویل زه تاسو نه څه پوښتنې کولو لپاره راغلی یم او په پوښتنو کې به په تاسو سره سختي کوم، نو تاسو خو به زما څخه نه خفه کېږئ؟ نبي صلی الله علیه وسلم ورته وفرمایل: چې څه غواړې د هغې پوښتنه کولی شې. سړي وویل زه تاسو ته ستاسو په پروردګار او ستاسو نه د مخکې خلکو په پروردګار قسم درکوم ريښتیا وایه، ایا الله تاسو ټولو خلکو ته (پيغمبر) رالېږلي یاست؟ رسول الله صلی الله علیه وسلم ورته و فرمایل په الله قسم هو. بیا هغه وویل زه تاسو ته په الله قسم درکوم (ریښتیا ووایه) ایا په شپه او ورځ کې د پنځو لمونځونو حکم الله تاسو ته درکړی دی؟ نبي صلی الله علیه و سلم و فرمایل په الله قسم، هو. بیا هغه وویل زه تاسو ته د الله په نوم قسم درکوم ایا ددې میاشتې (رمضان) د روژو نیولو حکم الله تاسو ته درکړی دی؟ نبي صلی الله علیه و سلم ورته وفرمایل په الله قسم، هو. بیا هغه وویل زه تاسو ته په الله قسم درکوم ایا الله تاسو ته دا حکم کړی دی چې تاسو دا صدقه (زکات) زمونږ د مالدارو څخه اخلئ او هغه زمونږ په غریبانو تقسیموئ؟ نو نبي صلی الله علیه وسلم ورته وفرمایل په الله قسم، هو. دې نه پس هغې سړي وویل چې ما په دې شریعت ایمان راوړو، کوم چې تاسو راوړی دی او زه د خپل قوم استازی یم، هغه چې زما تر شا ولاړ دي او زه ضمام بن ثعلبة یم د سعد بن بکر (قبیلې) څخه. دا روایت موسی علی بن عبدالحمید، سلیمان بن ثابت د نبي صلی الله علیه وسلم نه کړی دی.
