سلیم کاروان خصوصی عالی لیسه

ستاسو د باور امانت زموږ پر اوږو دی؛ موږ ژمن یو چې ستاسو اولادونه په مینه، پاملرنه او باکیفیته زده‌کړه سره د روښانه راتلونکي پر لور وروزو.

د سلیم کاروان خصوصي عالي لیسې د دولسم ټولګي د فراغت غونډه په ډېر منظم او درناوي ډک چاپېریال کې ترسره شوه. دغه غونډه د زده‌کړو، هڅو او بریاوو د نمانځنې په موخه جوړه شوې وه، چې پکې د دولسم ټولګي فارغو زده‌کوونکو د خپل تعلیمي سفر د بشپړېدو خوښي له استادانو او مېلمنو سره شریکه کړه.

په دې غونډه کې د لیسې مشرتابه، درنو استادانو، د زده‌کوونکو کورنیو او ګڼو معززو مېلمنو ګډون کړی و.

د درنو مېلمنو له ډلې څخه د افغان کرکټ بورډ د سلیکشن (غوراوي) کمېټې مشر ښاغلی نوروز منګل هم ګډونوال و. نوموړي په خپلو ارزښتناکو خبرو کې پر زده‌کړو، هڅو او ملي مسؤلیت ټینګار وکړ او فارغو زده‌کوونکو ته یې د روښانه راتلونکې هیله څرګنده کړه.

د غونډې په پای کې فارغو زده‌کوونکو ته ستاینلیکونه او جایزې ووېشل شوې، او ګډونوالو د سلیم کاروان خصوصي عالي لیسې د لا زیاتو علمي بریاوو او پرمختګ لپاره د نیکو هیلو څرګندونه وکړه.

نن ورځ سليم کاروان خصوصي عالي لېسه کې له اووم ټولګي څخه تر يوولسم ټولګي پورې د ممتازو زده‌کوونکو د نتايجو د وېش يوه خوښمنه او هڅوونکې غونډه تر سره شوه، چې پکې ممتاز زده‌کوونکي د د کپونو، تنديسونو او ستاينليکونو په ورکولو سره ونازول شول. د ليسې اداره د ټولو زده‌کوونکو لپاره د لا نورو برياوو، دوامدار پرمختګ او روښانه راتلونکي هيله لري.

په درنښت
د سليم کاروان خصوصي عالي لېسې اداره

تېره ورځ د سليم کاروان خصوصي عالي لېسه کې له نرسري ټولګي څخه تر شپږم ټولګي پورې د ممتازو زده‌کوونکو د نتايجو د وېش يوه خوښمنه او هڅوونکې غونډه تر سره شوه، چې پکې ممتاز زده‌کوونکي د مډالونو او ستاينليکونو په ورکولو سره ونازول شول. د لېسې اداره د ټولو زده‌کوونکو لپاره د لا نورو برياوو، دوامدار پرمختګ او روښانه راتلونکي هيله لري.

په درنښت
د سليم کاروان خصوصي عالي لېسې اداره

نن په سلیم کاروان خصوصي عالي لېسه کې د قرآن‌کریم د حسن تلاوت ازموینه ترسره شوه.
زده‌کوونکو د ښکلي غږ، صحیح تلفظ او تجوید په رعایت سره د قرآن‌کریم تلاوت وکړ.

د ازموینې پایلې په لاندې ډول وې،
🥇 لومړی مقام: امیر حمزه ولد عبدالجبار – د اووم ټولګی زده‌کوونکی
🥇 لومړی مقام: مدثر ولد محمد شریف – د اتم ټولګی زده‌کوونکی
🥈 دوهم مقام: حفیظ الله ولد عبدالجبار – د اتم ټولګی زده‌کوونکی
🥉 درېیم مقام: ابوبکر ولد محمد شریف – د اتم ټولګی زده‌کوونکی

الله تعالی دې ټولو ته د قرآن‌کریم په لوستلو او عمل کولو توفیق ورکړي.

پرون د سلیم کاروان خصوصي عالي لیسې زده‌کوونکو د خوړو نړیواله ورځ ولمانځله.
په دې غونډه کې د خوړو نندارتون جوړ شوی و، زده‌کوونکو خپل پخلي راوړل او د سالمو خوړو د ارزښت په اړه یې جالب معلومات وړاندې کړل.
دا ورځ موږ ته یادونه کوي چې روغ ژوند د سالمو خوړو او ښه عادتونو پایله ده.

د سلیم کاروان خصوصي عالي لیسې د کرکټ د لوبې بریا! 🏆

په ډېره خوښۍ سره د سلیم کاروان خصوصي عالي لیسې زړورو زده‌کوونکو پرون د شمله خصوصي عالي لیسې پر وړاندې د کرکټ په لوبه کې ښکلی او مستحقه بریا ترلاسه کړه.

د ټیم زړور کپتان فهد د اووم (الف) ټولګي زده‌کوونکی و، چې له خپلې لوبډلې سره یې عالي مشري وکړه.
د لوبې د غوره لوبغاړي (Man of the Match) عنوان هلال د اووم (الف) ټولګي او حمزه د شپږم (با) ټولګي زړورو زده‌کوونکو ته ورکړل شو. 👏

موږ د خپلو بااستعداده زده‌کوونکو دا بریا ټولو ته مبارکي وایو او د لا نورو لاسته راوړنو هیله لرو. 🌟

په سلیم کاروان خصوصي عالي لیسه کې شاګردانو پرون د هنر ورځ ولمانځله.
زموږ د زده‌کوونکو ښکلي کارونه، رنګین انځورونه او نوښتګر خیالونه د دې ثبوت دي چې هنر د فکر او احساس یوځای کېدل دي.

موږ ویاړو پر خپلو بااستعداده شاګردانو چې د خپل هنر له لارې یې ښکلا او الهام ژوندی وساته.