19/06/2025
د نن ورځې د خوړو نندارتون چې د عزیر مکتب د زدهکوونکو لخوا جوړ شوی و، یو خلاقانه او تعلیمي پروګرام و.
په دې نندارتون کې زدهکوونکو خپل جوړ کړي دودیز او عصري خواړه نندارې ته وړاندې کړل، او د هر خواړه تغذیهيي ارزښت، د جوړولو طریقه او روغتیایي ګټې یې ګډونوالو ته بیان کړې.
نندارتون د زدهکوونکو د ابتکار، ګډ کار، او د خوراکي فرهنګ د ارزښتونو څرګندونه کوله.
موخه یې دا وه چې زدهکوونکي د خوړو د سالمو عادتونو، محلي تولیداتو، او صحتمند ژوند په اړه پوه کړي او خپل استعدادونه نورو ته وښيي.
د ښوونځي مشرتابه، مېلمنو او میندو پلرونو دا نوښت ډېر وستایه، او دا نندارتون د یو الهام بښونکي او تعلیمي فعالیت په توګه یاد شو.
* #عزير ستاسو بريا*💫
09/05/2025
د ښاغلي نعمت الله همدرد دعزیر خصوصی ښوونځیو عمومی
مشر درې ورځنی روزنیز سمينار پاىته ورسېد
ښاغلو ښوونکو او درنو ګډونوالو!
په ډېر درناوي او خوښۍ سره تاسو ټولو ته په دغه درې ورځني روزنیز سمينار کې د ګډون هرکلی وایو چې د نويو ، عصري او ګټورو تدریسي میتودونو په اړه جوړ شوی و.
دا سمينار زموږ د ښوونې او روزنې د سیسټم پرمختګ او معاصرو اړتیاوو ته د ځواب ویلو لپاره یو مهم ګام ګڼل کېږي.
څنګه چې پوهېږو، نړۍ ورځ تر بلې بدلون مومي او د زدهکړې لارې چارې هم ورسره هممهاله پرمختګ کوي. موږ، چې د راتلونکو نسلونو روزونکي یوو، اړ یو چې خپل مهارتونه او پوهه له وخت سره سمه نوې او عصري کړو.
دا سمينار به تاسو ته فرصت درکړي چې له متخصصینو سره له نږدې کار وکړئ، نوي مهارتونه زده کړئ او خپلې تدریسي تجربې له يو بل سره شریکې کړئ.
زه هیله لرم چې په دغو درېیو ورځو کې به نه يوازې تاسو پر ډېړ څه پوهېدلي وئ، بلکې ستاسو تدریسي ژوند ته به يې نوې روحیه هم ورکړې وي.
ستاسو ګډون او فعال حضور د دغه پروګرام بریا تضمینوي.
[د عزير خصوصي لېسو بنسټګر نعمت الله همدرد]
19/12/2023
د غزير خصوصي ليسې د ١٤٠٢ کال د نتايجو غونډه د تيري يکشنبې په ورځ چي د قوس مياشتي ٢٦ نيټي سره سمون خوري ترسره شوه ، ياده غونډه د قرآن کريم په تلاوت سره پيل شوه، او د شپږم ټولګي څخه تر دولسم ټولګي پوري ممتازه شاګردانو ته د غزير خصوصي ليسې محترم ريٸس صاحب نعمت الله همدرد لخوا جايزي ورکړل شوي
همدرد صاحب په خپلو خبرو کې د شاګردانو په اولياو ته سپارښتنې وکړي چي د ژمي دريو مياشتو رخصتيو کې په خپلو اولادونو درسونه ووايې ترڅو يې استعدادونه نور هم قوي شي.
28/09/2023
د معمول مطابق د زده کونکو د روزمره فعاليت په اړه نن په عزير خصوصی ليسه کې داولياو يوه ستره غونډه تر سره شوه ياده غونډه د قران پاک په يو څو مبارکو اياتونو پيل شوه ,
غونډه دلاندې موضوعاتو په نظر کې نيولو سره تر سره شوه
1-د زده کونکو د روزمره کړنو لکه د نظم يونيفورم د حاضرې پا بندي د ټولګي فعاليت کورنې دنده او دهغو برنامو راپورچي هره ورځ دفايل په سر تر سره کيږې
2-داوونې ازموينې دټولګيو تر مينځ مقايسوي آزموينې او د اوونې غوره زده کونکي راپور
3والدينو ته د زده کونکود ښه زده کړې او تربيه تشويق او په وخت مکتب ته راليږل
4-دادارې له خوا روزمره غونډې د ښوونځي دښوونکو سره د زده کونکو دښه مستقبل په اړه اړينې سپارښتنې او په نوي او ګټور ميتودونو پوهول
د غونډې په پای کې ټولو محترمو والدينو دخوښې اظهار وکړ او دمکتب دکړنو څخه ي رضايت وښوده -
دټولو محترمو والدينو څخه ډيره مننه کوو چې مونږ سره په دغه غونډه کې برخه واخيسته۔۔
28/09/2023