Mazhar private high school مظہر خصوصی عالی لیسہ

الله دى مونږ ټولو ته د صدقې کولو توفيق راکړي

یو جوړ جامې د جنت سبب شوې

سفیان وایي: له شام څخه یو کس راغی او ویې ویل "ماته د صفوان بن سلیم په اړه معلومات راکړئ، چې چیرته دی؟ ما ولیده چې هغه جنت ته داخلیږي".
سفیان وایي، چې ما ورته وویل: په څه سره جنت ته داخل شو؟ وایي هغه وویل: یو انسان ته یې جامې ورکړي وې.

د صفوان ځینو ملګري وایي، چې موږ د دې جامو په اړه له صفوان څخه پوښتنه وکړه، ده راته وویل چې یو ځل په سخت ساړه کې مسجد روان شوم، یو سړی مې ولید چې بربنډ دی؛ نو خپلې جامې هغه ته ورکړې او مې پټ کړ.
(صفة الصفوة صـ۳۸۵)

دا چې ژمۍ دی او سخت ساړه دی؛ نو د فقیرانو جامو او خوړو ته سخت حاجت دی؛ نو هغه کسان چې په وس کې یې څه شته، باید چې مرسته ورسره وکړي، ځکه رسول الله صلی الله علیه وسلم فرمایي:

څوک چې له مؤمن څخه په دنیا کې کوم تکلیف لرې کړي، الله تعالی به په قیامت کې له هغه څخه تکلیفونه لرې کړی، الله تعالی تر هغه پورې د خپل بنده په کومک کې وي، تر څو چې یو بنده د خپل ورور په کومک کې وي. الحدیث

په ګرديغوث کې غريبان ډير دي خو د مرستى کولو والا خلک بيخي نه معلوميږي.

هغه کسان چې ډيره يا لږه صدقه کول غواړي مونږ درته وړ غريبان په ګوته کوو
مننه