Rokhan Institute of Higher Education روښان د لوړو زده کړو مؤسسه

د روښان پوهنتون ویاړونه!

ډاکټر عبدالله شاه، ډاکټر زین الله، ډاکټر یاسین او ډاکټر لیاقت علي خان، د روښان پوهنتون فارغ‌التحصیلان، د NRE Step 1 په بریالیتوب سره بشپړ کړ، چې دا د دوی د نه ستړي کېدونکو هڅو، علمي وړتیا او ژمنتیا څرګندونه کوي.

دا ستره لاسته راوړنه نه یوازې د یادو ډاکټرانو او د هغوی د درنو کورنیو لپاره د ویاړ ځای دی، بلکې د روښان علمي کورنۍ لپاره هم د خوښۍ او ویاړ شیبه ده.

د دغو ځوانو ډاکټرانو بریاوې او علمي پرمختګونه د روښان پوهنتون د معیاري تحصیلي خدمتونو، علمي ژمنتیا او د روښانه مسلکي راتلونکي د جوړولو څرګندونه کوي.

موږ دوی ته د زړه له کومې مبارکي وړاندې کوو او له الله تعالی څخه ورته په راتلونکو پړاوونو کې د لا زیاتو بریاوو او کامیابیو هیله لرو.

درنښت
نشراتو آمریت

زمونږ رسمي پاڼه تعقیب کړئ،
ترڅو د روغتیايي معلوماتو، ځانګړو تخفیفونو او تازه خبرونو څخه پر وخت خبر شئ.

روښان پنځوس بستریز تخصصي روغتون
https://www.tiktok.com/.hospital7?_r=1&_t=ZS-96ZFBjQtVKs

روښان ستوماتولوژي تخصصي روغتون
https://www.tiktok.com/.stomatolog?_r=1&_t=ZS-96ZF68cBnc7

0779585858 | 0202002000
کابل ـ جلال‌آباد عمومي سړک

#روغتیا #کابل

د حـقـوقـو او سياسي عـلـومو پـوهـنــځی!

روښان پوهنتون، د حقوق او سیاسي علومو پوهنځي له لارې ځوانانو ته د باکیفیته حقوقي او سیاسي زده کړو زمینه برابره کړې ده.

د ۱۴۰۵هـ.ش کال خزاني سمستر کانکور ازموینې لپاره نوم لیکنه روانـه ده.

دا پوهنځی د عصري او معياري تحصيلي نصاب، تخصصي او تجربه‌لرونکو علمي کادر غړو شتون، فعال حقوقي کلينيک، تمثيلي محکمې او د زده‌کړو د مناسب چاپېريال پر مټ، د محصلینو استعدادونه غوړوي او په دغه برخه کې یې خوبونه په حقیقت بدلوي.

نوم لیکنه: له جمعې پرته هره ورځ د سهار له ۷ بجو څخه د ماښام تر ۷ بجو پورې جریان لري.

د اړیکې شمېرې: 0780645778

پته: کابل ـ جلال‌اباد عمومي سړک، د عامې روغتیا روغتون مسجد ته مخامخ.

درنښت
نشراتو آمریت

د پوهنتون د پنځه ګونو پوهنځیو استادانو او اداري کارمندانو ته د قربانۍ (اُضحیة) اهمیت او فضائل یو ورځنی سیمینار وړاندې شو.
۲۹/ ثور /۱۴۰۵ هـ.ش
سیمینار د قرآن کریم د مبارکو آیتونو په تلاوت سره پیل شو، ورپسې، مولوي عبدالحق درویش یاد علمي سیمینار وړاندې کړ. نوموړي د قربانۍ د مشروعیت، تاریخ، شرایطو او ګټو په اړه تفصیلي معلومات ورکړل.
مولوي صاحب د حضرت ابراهیم علیه السلام لوی امتحان ته اشاره وکړه، چې څنګه هغه د خپل زوی حضرت اسماعیل علیه السلام د قربانۍ امر ومانه او د الله ج د رضا لپاره یې خپل محبوب زوی د قربانۍ لپاره تیار کړ.
همداراز، ښاغلي درویش صاحب د قربانۍ فقهې اړخونه هم بیان کړل، د قرباني کیدونکي حیوان شرایط، وخت، نیت او د ویش په اړه یې هم معلومات ورکړل.
د ګډونوالو د پوښتنو له ځوابولو وروسته یاد علمي سیمینار په دعا سره پای ته ورسېد.

درنښت
نشراتو آمریت

اقتصاد پوهنځي محصلینو ته د "دفتر مدیریت" تر عنوان لاندې لس ورځنی ورکشاپ پیل شو!

۲۹/ ثور /۱۴۰۵ هـ.ش

د روښان پوهنتون اقتصاد پوهنځي محصلینو ته د " دفتر مدیریت" تر عنوان لاندې لس ورځنی ورکشاپ پیل شو، چې موخه یې د محصلینو د اداري وړتیاوو لوړول، د دفترونو د تنظیم اصولو پېژندنه او د مسلکي مهارتونو پیاوړتیا ده.
د ورکشاپ پیل د قرآن کریم د څو مبارکو ایتونو په تلاوت سره وشو. ورپسې د ورکشاپ لومړۍ ورځې پریزنټیشن د روښان پوهنتون د کیفیت لوړونې آمر، ډاکټر ذکرالله نوري لخوا وړاندې شو. نوموړي د دفتر پېژندنه، د دفتر مدیریت اهمیت او د اداري چارو د تنظیم اصول په تفصیلي ډول تشریح کړل.
همداراز، ډاکټر ذکرالله نوري محصلینو ته د منظم دفتر ارزښت او د اداري اخلاقو په اړه هم معلومات وړاندې کړل، او ویې ویل، چې د دفتر مدیریت مهارتونه د هر مسلکي شخص لپاره مهم او اړین دي.
د ګډونوالو پوښتنو تر ځوابولو وروسته عملي کار تر سره او د لومړۍ ورځې ورکشاپ په دعا سره پای ته ورسېد.

درنښت
نشراتو آمریت

لېسانس په اقتصاد کې!

روښان پوهنتون د ۱۴۰۵ کال خزاني سمستر کانکور ازموینې له لارې په اقتصاد پوهنځي کې نوي محصلین جذبوي.
که غواړئ د اقتصاد، مدیریت، سوداګرۍ او مالي چارو په برخه کې معیاري او عصري زده کړې وکړئ؛ نو د روښان پوهنتون اقتصاد پوهنځی ستاسو لپاره غوره انتخاب دی.
په دې پوهنځي کې د تجربه لرونکو او مسلکي علمي کادر غړو له لوري تدریس د معیاري او منل شویو مېتودونو پر بنسټ په پښتو او انګلیسي ژبو ترسره کېږي، ترڅو محصلین له نظري او عملي اړخه پیاوړي وروزل شي.
همدارنګه، د درسي پروګرامونو ترڅنګ بېلابېل غیري نصابي فعالیتونه لکه: علمي سمینارونه،ورکشاپونه، علمي سفرونه، عملي او مسلکي فعالیتونه
هم په دوامداره توګه ترسره کېږي، څو محصلین د کار بازار اړتیاوو ته چمتو شي.

نوم لیکنه: له جمعې پرته هره ورځ د سهار له ۷ بجو څخه د ماښام تر ۷ بجو پورې جریان لري.

د اړیکې شمېرې: 0780645778

پته: کابل ـ جلال‌اباد عمومي سړک، د عامې روغتیا روغتون مسجد ته مخامخ.

درنښت
نشراتو آمریت

د روښان پوهنتون استادانو او اداري کارکوونکو ته " د پوهنتون درېیم پړاو ته د ځان ارزونې چمتووالي څخه د لیدنې " په اړه معلوماتي سیمینار وړاندې شو!

۲۸/ ثور /۱۴۰۵ هـ.ش

د روښان پوهنتون مسلکي پرمختیا مرکز له لوري استادانو او اداري کارکوونکو ته " د پوهنتون درېیم پړاو ته د ځان ارزونې چمتووالي څخه د لیدنې" تر عنوان لاندې معلوماتي سیمینار وړاندې شو، چې موخه یې د اعتبار اخستنې او ځان ارزونې پروسې په اړه د ګډونوالو پوهاوي لوړول او د راتلونکو ارزونو لپاره لازم چمتووالی و.
یاد سیمینار د قرآن کریم د څو مبارکو ایتونو په تلاوت سره پیل شو، ورپسې د روښان پوهنتون د علمي چارو مرستیال، پوهنیار حبیب الرحمن سربلند یاد معلوماتي سیمینار وړاندې کړ.
ښاغلي سربلند صاحب ګډونوالو ته د اعتبار اخستنې او ځان ارزونې عمومي معلومات، د چمتووالي څخه د لیدنې او ځان ارزونې بهیر، د پروسې پېژندنه، د چمتووالي څخه لیدنې بهیر ته لنډه کتنه، د ځان ارزونې ترسره کول او راپور یې لیکل، د درېیمې مرحلې اړوند لارښوونې، د ارزونې پر مهال اړینې سپارښتنې او له ارزونې وروسته ترسره کېدونکې کړنې په تفصیل سره تشریح کړې.
همدارنګه نوموړي د پوهنتون د کیفیت لوړونې، معیاري اسنادو تنظیم، او د اکادمیکو او اداري فعالیتونو د لا ښه والي په برخه کې د استادانو او اداري کارکوونکو پر ګډ مسئولیت ټینګار وکړ.
یاد سیمینار د ګډونوالو پوښتنو له ځوابولو وروسته په دعا سره پای ته ورسېد.

درنښت
نشراتو آمریت

"د ا.ا.ا په راتګ سره د افغانستان اقتصادي پرمختګونه" تر عنوان لاندې ګردی مېز تر سره شو!

۲۸/ ثور /۱۴۰۵ هـ.ش

د روښان پوهنتون اقتصاد پوهنځي د پنځم سمستر محصلینو ترمنځ «د ا.ا.ا په راتګ سره د افغانستان اقتصادي پرمختګونه» تر عنوان لاندې علمي ګردی مېز ترسره شو، چې موخه یې د هېواد د وروستیو اقتصادي پرمختګونو، اقتصادي ثبات، ملي عوایدو، سوداګرۍ، کورنیو تولیداتو او زیربناوو په اړه د محصلینو د علمي پوهاوي لوړول وو.
یاد مېز د قرآن کریم د څو مبارکو آیتونو په تلاوت سره پیل شو. وروسته د اقتصاد پوهنځي رئیس، ښاغلي عاشق الله کریمي د علمي برنامو او محصل‌محوره بحثونو پر اهمیت خبرې وکړې او محصلین یې وهڅول، چې د هېواد اقتصادي موضوعات په علمي او تحلیلي ډول وڅېړي.
یاد ګردی مېز د پنځم سمستر محصلینو له لوري وړاندې شو. ګډونوالو د ا.ا.ا له راتګ وروسته د عوایدو منظم راټولول، د ګمرکونو ښه مدیریت، د عامه مالي چارو تنظیم، د فساد کمښت، د کورنیو سرچینو اغېزمن استعمال او د اقتصادي نظم رامنځته کېدل د اقتصادي پرمختګ مهمې برخې وبللې.
همدارنګه په ګردي مېز کې د سوداګرۍ، خصوصي سکتور، کورنیو تولیداتو، کرنې، کانونو او زیربناوو پر اقتصادي اهمیت بحث وشو. محصلینو وویل، چې د داخلي تولیداتو ملاتړ، د صادراتو هڅونه، د کرنې عصري کول، د کانونو قانوني استخراج، د اوبو ښه مدیریت او د ترانسپورټي لارو رغونه کولای شي د هېواد اقتصاد پیاوړی کړي او د کارموندنې فرصتونه زیات کړي.
په پای کې ګډونوالو خپلې پوښتنې، نظرونه او وړاندیزونه شریک کړل.
یاد ګردی میز په دعا سره پای ته ورسېد.

درنښت
نشراتو آمریت

روښان پوهنتون د ۱۴۰۵ هـ.ش کال خزاني سمستر لپاره د کانکور ازموینې له لارې په ستوماتولوژي پوهنځي کې نوي محصلین جذبوي.

روښان پوهنتون د معیاري لوړو زده‌کړو، عصري تدریسي امکاناتو او مسلکي کادرونو په لرلو سره محصلینو ته د نظري او عملي زده کړو غوره چاپېریال برابر کړی دی.

نوم لیکنه: له جمعې ورځې پرته هره ورځ د سهار له ۷ بجو څخه د ماښام تر ۷ بجو پورې دوام لري.

خپل راتلونکی له دې ځایه پیل کړئ!

د اړیکې شمېرې: 0780645778

پته: کابل ـ جلال‌اباد عمومي سړک، د عامې روغتیا روغتون مسجد ته مخامخ.

درنښت
نشراتو آمریت