22/10/2024
محصلینو ته د نمونې اخیستنې سیمینار وړاندې شو!
۱/ عقرب /۱۴۰۳ هـ ش
روښان د لوړو زده کړو مؤسسې د اقتصاد پوهنځي محصلینو ته د څېړنې په برخه کې د نمونې اخیستلو یو ورځنی سیمنار وړاندې شو. د دې سیمنار د پرانیستې وینا د اقتصاد پوهنځي ریئس، ښاغلي عاشق الله کریمي وکړه، چې د څېړنې په اهمیت او په څېړنو کې د دقیقو او علمي تګلارو په کارولو خبرې وکړې. نوموړي زیاته کړه چې د نمونې اخیستلو سمه کړنلاره کولای شي د څېړنې پایلې باوري او د اعتبار وړ وګرځوي.
دغه علمي او ګټور سیمینار د استاد ضیاءالحق عمري لخوا وړاندې شو، چې په څېړنه کې د نمونې اخیستلو پر تخنیکونو، مختلفو ډولونو او اړوند مراحلو تفصیلي معلومات وړاندې کړل. استاد عمري په خپلو خبرو کې د نمونې اخیستلو په مهارتونو، اړتیاوو او د هغو پر علمي ارزښتونو خبرې وکړې، او محصلینو ته یې عملي مثالونه هم وړاندې کړل.
د سیمنار په پای کې د محصلینو لخوا پوښتنې مطرح شوې او په موضوع باندې هر اړخیز بحث وشو، چې دې سره د سیمنار فضا لا نوره علمي او اغېزمنه شوه. محصلینو د استاد عمري له لارښوونو څخه ګټور معلومات تر لاسه کړل او د څېړنې په برخه کې یې خپلې ستونزې او پوښتنې وړاندې کړې.
نشراتو آمریت
