Israr Afghan Private School اسرار افغان خصوصي ښوونځی

تیره ورځ د ښوونځي د موسس په لارښوونه، د څلورم، پنځم او شپږم ټولګیو زده‌کوونکو څخه ازموینه واخیستل شوه. د دې ازموینې موخه دا وه چې د زده‌کوونکو د زده‌کړې کچه وارزول شي او هغه برخې وپیژندل شي چې زده‌کوونکي پکې کمزوري دي، تر څو په راتلونکو درسي فعالیتونو کې پرې تمرکز وشي.
د ازموینې موخې:
⬅ د زده‌کوونکو علمي سطحه معلومول.
⬅د کمزورو او قوي زده‌کوونکو پېژندنه.
⬅د هغو مضامینو او موضوعاتو تشخیص چې زیات تمرکز ته اړتیا لري.

د عصري زده‌کړې په لور یو بل مهم ګام!
مونږ ویاړو چې د زده‌کوونکو لپاره مو الکترونیکي حاضرۍ سیستم فعال کړ! 📲
دا نوښت د نظم، شفافیت او اسانتیا لپاره یو ستر پرمختګ دی 👇
🔹 د هر زده‌کوونکي دقیق او درسته حاضري
🔹 د وخت ضایع کېدو مخنیوی
🔹 د ښوونکو لپاره اسانه مدیریت
🔹 د والدینو لپاره د باور وړ معلومات
🔹 منظم راپورونه او څارنه
له دې وروسته، د زده‌کوونکو حاضري به په دقیق، چټک او باوري ډول ثبتېږي، او والدین به وکولای شي د خپلو اولادونو د حاضرۍ په اړه لا ښه معلومات ترلاسه کړي.
ډير د قدر وړ والدینو!
دا سیستم ستاسو د اولادونو د ښه تعقیب او بریالیتوب لپاره جوړ شوی، تر څو تاسو له تعلیمي بهیر سره لا نږدې پاتې شئ.
🎯 زموږ موخه:
کیفیتي زده‌کړه، منظم سیستم، او روښانه راتلونکی
📍 اسرار افغان ښوونیز مرکز — د باور وړ د زده‌کړې مرکز
✨ له موږ سره یو ځای شئ، او عصري زده‌کړې تجربه کړئ!

زده کړه او تربیه دواړه ډېر مهم دي. زده کړه موږ ته علم راکوي، او تربیه موږ ته دا ښيي چې څنګه ښه انسان واوسو. که دواړه سره یو ځای وي، انسان په ژوند کې ښه پرمختګ کولی شي.
اسرار افغان د علم او پرمختګ مرکز !

ښه روزنه د ماشوم روښانه راتلونکی جوړوي.
اسرار افغان د علم او رڼا کور!

ښه روزنه د ټولنې اصلاح ده.
اسرار افغان، د ځوان نسل روزونکی.

ماشوم د والدینو هنداره ده.

خبرتیا
قدرمنو والدینو!
په ډېر درنښت سره تاسو ته خبر درکوو چې د اسرار افغان خصوصي ښوونځي تدريسي بهير سر له سبا ورځې (دوشنبه) بېرته پيليږي.
له تاسو قدرمنو والدینو څخه په ډېر درنښت هیله کېږي چې خپل ماشومان په ټاکلې نیټه پر خپل وخت ښوونځي ته راولېږئ.
همدارنګه، د ښوونځي د اصولو، یونیفورم، نظم او پاکوالي رعایت د ټولو زده‌کوونکو لپاره ضروري دی. ستاسو همکاري به زموږ سره د ماشومانو د ښه تعلیمي او روزنیز پرمختګ لامل شي.
په درنښت
د اسرار افغان خصوصي ښوونځي اداره

د التقوی پوهنتون او د ننګرهار خصوصي ښوونځیو اتحادیې په ګډه د حسن قرات سیالي په لاره اچولې وه. زموږ د ښوونځي یو تکړه زده‌کوونکي، محمد ریاض د تعویض خان زوی، د ښوونځي په استازیتوب پکې ګډون کړی و او د یادې اتحادیې له‌خوا په ستاینلیک ونازول شو.
زموږ لپاره دا د ویاړ ځای دی چې زموږ زده‌کوونکي په داسې علمي او دیني محفلونو کې برخه اخلي او د خپل ښوونځي استازیتوب کوي. موږ د خپلو زده‌کوونکو هڅې ستایو او ورته د لا زیاتو بریاوو هیله لرو.
اسرار افغان خصوصي ښوونځی، د علم، اخلاقو او روښانه راتلونکي مرکز