سید شمس الدین مجروح عالي لېسه

01/11/2023

پرون سه شنبه چې د روانې میاشتې نهمې نیټې سره سمون خوري د سید شمس الدین مجروح عالی لېسې امر سید نصیر ساحل د لومړۍ دورې استاذانو سره مجلس ترسره کړ، نوموړي استاذانو ته د پوهنې امریت امر پیغام د حاضرئ په برخه کې واورول او ټولو استاذانو ته یې وویل چې خپله دنده په ښه شکل اجراء کړئ، همدارنګه د سید شمس الدین مجروح عالي لېسې لپاره د سر پرست معاون په صفت استاد حکمت الله حساس معارفي شو، د نوموړي د معارفت لپاره دوهمې دورې ورځني لین پر مهال ځانګړی پروګرام نیول شوی و چې د پیل وینا پر مهال د سید شمس الدین مجروح عالي لېسی امر وویل: موږ غواړو چې د تدریسي بهیر کارونه نیمګړي نشي او نه مو اداري کارونه د ځنډ او خنډ سره مخ شي استاد حکمت الله حساس وړاندې هم د سرپرست مدیر په توګه دنده اجراء کړی وه او ټولو ته د منلو وړ و دا ځل مو بیا ستاسو د ټولو په خوښه د معاونیت چوکۍ لپاره انتخاب کړ هیله ده چې په خپلو چارو کې به بریالی وي، ورپسی د سرپرست معاون حکمت الله حساس د ټولو استاذانو او اداري کارمندانو مننه وکړه او زیاته یې کړه چې زه به د خپلی ټولې وړتیا او انرژئ په اساس د مثبتو بدلونونو او لاسته راوړنو لپاره ګامونه واخلم، د یادولو وړ ده چې په پای کې د دستار او ګلانو ورکولو مراسم ترسره شو.
درنښت

25/10/2023

دننګرهارولایت پوهنی ریاست
دجلال اباد ښار پوهنی امریت
د سید شمس الدین مجروح عالي لېسه

د سید شمس الدین مجروح عالي لېسې تدریسي مرستیال او علمي معاون شمس الحق حقمل چې د معارف د برخې یوه نوموتې علمي او برجسته څیره ده او کلونه یې د معارف په برخه کې خدمت کړی او د سلګونو زده کوونکو استاد پاتې شوی د ټاکلې مودې خدمت په بشپړولو سره یې نن د سید شمس الدین مجروح عالي لېسې اداري کار کوونکو، استادانو زده کوونکو، د ښوونځي د شورا غړو او مخورو شخصیتونو د تقاعد په موخه جوړ شو مراسمو کې ګډون وکړ، د نوموړي د مخه ښې او تقاعد په موخه جوړ شوي پروګرام کې ګڼ شمیر ویناوالو د تدریسي مرستیال او علمي معاون په اړه خبرې وکړی چې هر یوه د نوموړی لاسته راوړنې او علمي کړنې وستایل او د یادې تشې ډکولو لپاره یې د وړ شخص غوښتنه وکړه ، د سید شمس الدین مجروح عالي لېسې امر سید نصیر ساحل په خپلو خبرو کې وویل معاون صاحب د سید شمس الدین مجروح عالي لېسې یوه غټه او ستره هستې ده او یاد به یې تل وي که موږ سره په رسمي چوکاټ کې شتون ونلری خو موږ به ورسره همیشه ارتباط ولرو او مشورې به ترې اخلو په پای کې د سید شمس الدین مجروح عالي لېسې معاون شمس الحق حقمل د دریځ څخه په وروستئ وینا کې وویل: زه د خپلو هیوادوالو همیشه خدمت کې یم که څه هم د خدمت موده مې بشپړه ده خو با انرژی او په صحت روغ جوړ یم خو قانوني پریکړې ته درناوی کوم او نن د دریځ د لاری تاسو ټولو استاذانو او زده کوونکو ته دا وایم چې خپل هیواد ته خدمت وکړئ که په هر حالات کې یاست زما په دې اوږده موده کې که داسې کومه کړنه ما ترسره کړی وي چې تاسو پرې خفه شوی یاست نو بخشش راته وکړئ او ستاسو د هر یوه ځانګړې مننه کوم چې زما د مخه ښې په موخه مو دا پروګرام جوړ کړی د پروګرام په وروستۍ برخه د نوموړي ته د عزت او ویاړ دستار ورپسر شو او د زده کوونکو لخوا د ګلانو په ډالیو ونازول شو د پروګرام پای په دعا سره وشوله
درنښت

05/09/2023

20/06/2023

د ننګرهار د پوهنې ریاست
د ښار د پوهنې امریت
د سید شمس الدین مجروح عالي لېسه

د کلنیو ازموینو په خلاصون سره د سید شمس الدین مجروح عالي لېسې د دولسم ټولګیو د زده کوونکو د نتایجو او فراغت غونډه ترسره شوه!
په یاده غونډه کې د جلال اباد ښار د پوهنې امر اسدالرحمن حقاني، د نظارت امر سمیع الله ضیاء، د پوهنې د امریت ویاند او علمي غړی عبدالله ناصح او ورسره د نظارت علمي او مسلکي غړي، د دولتي او خصوصي مکاتبو مدیرصاحبان، د حوزو امرین، وکیلان، ملکان، د زده کوونکو والدینو او ګڼ شمیر مخورو سپین ږیرو برخه اخیستې وه.

یاده غونډه په لومړي ځل په ننګرهار کې د دولتي مکاتبو په برخه کې په بشپړو عصري وسایلو سمبال وه ، چې د زده کوونکو د نوملړ ، د رهبریت او میلمنو انځورونه به د وخت سره سم پر پرایجیکټور ښودل کیدل؛ د سونډ په برخه کې د پرمختللو لوډ سپیکرونو او وسایلو ګټه اخیستل شوی وه،
د یادې غونډې اجنډا په اوو پړاونو ویشل شوی وه چې د زده کوونکو راتګ، ښوونکو راتګ تالار ته، د میلمنو د ویناو برخه، د دستار او ډالیو برخه، دتصدیقونو د ویش برخه ....اونور

د غونډې لومړی وینا د تلاوت پسې د سید شمس الدین مجروح عالي لېسې مدیر سید نصیر ساحل وکړه ورپسې د ښوونځي ترانه او بیا د پوهنې امر مولوی اسدالرحمن حقاني وینا ته راوبلل شو ، نوموړي زده کوونکو ته د مبارکۍ ترڅنګ په فرهنګي مسایلو بشپړه رڼا واچوله ، ورپسې مختلفو موضوعات او نظمونه وړاندې شول.

په وروستئ برخه کې په زده کوونکو د فراغت تصدیقونه وویشل شو او غونډه په دعا سره پای ته ورسیدله.

د یادولو وړ ده چې یاده غونډه د تیرې شنبې په ورځ به ۲۷ نیټه ترسره شوی وه.

درنښت

17/05/2023

.دننګرهار ولايت پوهنې رياست
دجلال اباد ښار پوهنې امريت
د سید شمس الدین مجروح لېسه
تیره سی شنبه د سید شمس الدین مجروح لېسې ادارې خپل هغه زده کوونکي وستایل چې په روان تعلیمي کال کې لاسته راوړنې درلودې!
هغه زده کوونکې چې د سید شمس الدین مجروح لېسې او د انګیزې شینوارې د زده کوونکو د تدریس ګډ تعمیر یې په بشپړ ډول د لرګي څخه د ښاري امریت د لاسي کارونو نندارتون لپاره جوړ کړې و په ستاینلیک او ډول ډول ډالیو ونازول شو او د هڅونې په موخه یې د سید شمس الدین مجروح لېسې مدیر سید نصیر ساحل د سې شنبې ورځې ټول پروګرام ونومول؛ نوموړي په خپلو خبرو کې وویل د ښاري مکاتبو امریت او ننګرهار د پوهنې ریاست څخه مو غوښتنه ده چې دا ډول زده کوونکې خاص په نظر کې ونیسې او د هڅونې په موخه یې ځانکړي پروګرامونه جوړ شي!
همدارنګه د څارندویه کمیټې زده کوونکي هم په یاد پروګرام کې په ځانګړي ډول ونازول شو او د ادارې لخوا ترې مننه وشوله چې د کال په اوږدو کې یې په بشپړو اخلاقي اصولو سره خپله دنده په ښه شکل اجاره کړه.

د یادولو وړ ده چې تیره ورځ د فرهنګي کمیټې زده کوونکو سره هم ورته ناسته شوی وه او د هغوئ څخه نظریات شعرونه او وړاندیزونه د راتلوونکې تعلیمي کال په موخه واخیستل شو.
درنښت

11/05/2023

د سید شمس الدین مجروح لېسې د ۱۳۹۸ کال فارغو زده کوونکو د پام وړ!
هغه زده کوونکې چې د سید شمس الدین مجروح عالي لېسې د دولسم ټولګیو څخه په ۱۳۹۸ کال کې فارغ شوي دي او شهادتنامې یې نه وي تر لاسه کړي نو خبر ورکول کیږي چې ستاسو د فراغت شهادتنامې د سید شمس الدین مجروح لېسې مدیریت ته د ټولو مراحلو طي کولو وروسته رارسیدلي دي، نو خپلو شهادتنامو د ترلاسه کولو لپاره د سید شمس الدین مجروح لېسې مدیریت ته مراجعه وکړئ، تر څو یې له حق او حقوقو څخه برخمن شئ!

14/02/2023

د ننګرهار پوهنې ریاست
د ښاري ښوونځیو پوهنې آمریت
د سید شمس الدین مجروح عالې لېسه
ـــــــــــــــــــــــــــــــــــــــــــــــــــــــــــــــــــــ
موضوع: د څلورنیم میاشتنۍ ازموینې د پایلو اعلان، زده کړه او زرغون چاپیریال په نوم دنيالګیو کښېنولو کمپاین پرانېسته!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
نن سه شنبه چې د روانې میاشتې د ۲۵ مې نېټې سره سمون خوري، سید شمس الدین مجروح عالي لېسې نن د ښاري ښوونځیو د پوهنې امریت امر مولوی اسدالرحمن حقاني، د نظارت د څارنې امر قاری سمیع الله ضیاء، د ښاري ښوونځیو د پوهنې امریت ویاند عبدالله ناصح او ورسره مل پلاوي کوربتوب کوو؛
دا چې د روان ښوونیز کال څلورنیم میاشتنۍ ازموینې اخیستل شوی وی نو سید شمس الدین مجروح عالي لېسې د نتایجو اعلان تر څنګ د ښوونکو او زده کوونکو په مټ ( زده کړه او زرغون چاپیریال) تر عنوان لاندی د ښاري ښوونځیو د امریت امر او ورسره مل پلاوی په شتون کې د نیالګیوو د کرنې کمپاین پرانیسته وکړه.
د نتایجو او د نیالګیو د کرنې پرانیست غونډه د قران عظیم الشان په مبارکو ایاتونو پیل شوه،د حدیث شریف او نعتیه کلام وړاندې کولو پسې د سید شمس الدین مجروح عالي لېسې مدیر سید نصیر ساحل د پیل او ښه راغلاست وینا لپاره را وبلل شو.
نوموړي په پیل کې ښار د پوهنې امریت څخه راغلو میلمنو ته ښه راغلاست او قدردانې وړاندې کړه او بیا یې د راغلي پلاوي څخه د ښوونځي د لاښه توب لپاره وړاندیزونه وکړل، ښاغلی ساحل زیاته کړه: موږ د اوسني عصر سره سمو زده کړو او وسایلو ته اړتیا لرو لکه یو مجهز کمپیوتر لیب، مجهز لابراتوار....او نور.
د سید نصیر ساحل پسی د ښاري ښوونځیو د پوهنې امر اسد الرحمن حقاني تر دریځه راغې ښاغلي حقاني د سید شمس الدین مجروح لېسې د مدیر سید نصیر ساحل او ښوونکو څخه مننه وکړه او زیاته یې کړه چې په ګډه به د معارف ترقۍ لپاره کار کوو او د یو زرغون افغانستان لپاره به ټول په ګډه په دی کمپین کې برخه اخلو چې پیل یې د سید شمس الدین مجروح عالي لېسې څخه کوو؛ د وینا د پای سره یې د سید نصیر ساحل ، د سید شمس الدین مجروح لېسې معاون شمس الحق حقمل، ښوونکو، والدینو او د څو تنو زده کوونکو په ملتیا د ښاري ښوونځیو د پوهنې امریت امر او ورسره راغلي پلاوي د( زده کړه او زرغون چاپیریال) تر عنوان لاندې د نیالګیو د کرنې کمپین د پرانیستې پټۍ پرې کړه ؛ د پټۍ پرې کولو په وخت کې ښاغلي سید نصیر ساحل د پوهنې امریت مننه وکړه او ژمنه یې وکړه چې ټولی لارښونې به د ښوونځي پرمختګ لپاره عملي کړي، ورپسې مولوی اسد الرحمن حقاني، قاري سمیع الله ضیاء، عبدالله ناصح د زرغون افغانستان په موخه پیغامونه. وړاندې کړل، ښاغلي حقاني په خپل پیغام کې وویل چې موږ سید شمس الدین مجروح عالي لېسې څخه د نیالګیو د کرنې کمپاین پیل کړ او نورو ښوونځیو کې به هم دغه شان زیــنـتي او میوه لرونکي نیالګي کښینو.
د پټۍ پرې کولو سره د سید نصیر ساحل په مشرۍ راغلي پلاوي څو نیالګي د کمپین د پیل په موخه کښینول.
د نیالګیو د کرنې وروسته د پروګرام په پاتې برخه کې د زده کوونکو پیلی اعلان شوی او د ښاري ښوونځیو د پوهنې امریت امر او ورسره راغلي پلاوي د سید شمس الدین مجروح عالي لېسې مدیر سید نصیر ساحل ته د نوموړي د ښه مدیریت په موخه د عزت پټکې ور پسر کړه، او ورپسې د ښوونکو په نماینده ګۍ استاذ مرید واحدي، وکیل ګوزر مسعود صافي لنډې ویناوی وکړې او د زده کوونکو لخوا مختلف نظمونه، مقالی، تمثیلي پارچې وړاندې شوي غونډه د مولوی طاهر په دعا سره پای ته ورسیده.
درنښت
سید شمس الدین مجروح عالي لېسه

07/02/2023

د ننګرهار ولایت پوهنی ریاست
د ښار د پوهنی امریت
سید شمس الدین مجروح لېسه
نن دوشنبه چې د روانې میاشتې د ۱۷ نیټې سره سمون خوري د سید شمس الدین مجروح عالی لېسې د اداری او د نظم په برخه کې لاندې فعالیتونه ترسره کړل
لومړی: ورځني لین پروګرام د تلاوت سره پیل او د مدیر صاحب سید نصیر ساحل په وینا او دعا پای ته ورسیدی.

دوهم: د نظارت غړو د حاضریانو او ترقی تعلیمونو لیدنه وکړه
دریم : د نظارت غړي قاضی محمد اجمل د لېسی دمعاون شمس الحق حقمل په مشرۍ د مل پلوی سره د ټولګیو لیدنه وکړه او د حاضریانو او ترقي تعلیمونو حاضر زده کوونکي د ټولګیو سره پرتله کړه
څلورم: د څارندویه استاد حکمت الله احساس د څارندویانو سره ناسته وکړه او د لا نظم لپاره یې نوی طرحی وړاندی کړی
درنښت
فرهنګي کمیټه

18/12/2022

د سید شمس الدین مجروح عالي لېسې پیژندنه

د سید شمس الدین مجروح عالي لېسه د ۱۳۷۳ لمریرکال مخکې د نصرت عالي لېسې الحاقیه وه په ۱۳۷۳ لمریز کال کی د مجبور اباد ابتدائیه ښوونځي په نوم و نومول شو، یاد ښوونځي په ۱۳۸۳ لمریز کال کې متوسطې ته ارتقاء وکړه، په ۱۳۸۷ لمریز کال کې د ننګرهار ولایت د پوهنې ریاست په وړاندیز او د پوهنې جلیله وزارت په منظورۍ یې لېسې ته ارتقاء وکړه. دا چې تر پورته ذکر شوی نیټې پورې یاد ښوونځې د مجبور اباد(د ذکور او اناثو) ګډ ښوونځی وو. په ۱۳۹۱ لمریز کال کې دواړه ښوونځي سره جلا شول چې د مجبور اباد د ذکورو لېسه او د مجبوراباد د اناثو لېسې په نومونو ونومول شول.په ۱۳۹۳ لمریز کال کې د پوهنې ریاست په وړاندیز او د پوهنې د جلیله وزارت په منظورۍ د مجبور اباد ذکورو لېسه د سید شمس الدین مجروح لېسې په نوم ونومول شوه. په ۱۳۹۴ لمریز کال کې د مجبور اباد د اناثو لېسه د ننګرهار ولایت د پوهنې ریاست په وړاندیز او د پوهنې د جلیله وزارت په منظورۍ د شهیده انګیزې شینواری په نوم ونومول شوه. چې تر اوسه دواړه په یوه حویلۍ کې په جدا وختونو کې خپل درسي او تدریسي بهیر مخ په وړاندې وړي.
سید شمس الدین مجروح عالي لېسه تر دا مهال تقریباً ۴۵۸۶ تعداد داخله زده کوونکي لري، چې درې دورو(ابتدائیه، متوسطه، لېسه) کې یې درسي بهیر مخ په وړاندې د یو مدیر او معاون په درلودلو سره د سر ښوونکو په شمول ۸۲ تنو ښوونکو چې د ماسترۍ او لیسانس تر کچې زده کړې کړي په غاړه لري ، د یادولو وړ ده چې دوه تنه مامورین او ۷ تنه اجیران هم په یاد بهیر کې ملتیا کوي هیره دې نه وي چې په ښوونکو کې ۹ تنه خدمتي ښوونکي دي .
د سید شمس الدین مجروح عالي لېسه د زده کوونکو لپاره د ښه چاپیریال او درسي خونو تر څنګ د منظم لابراتوار، کتابتون، او د کمپیوټر لیب څخه هم برخمنه ده، همدرنکه د تدریس او درسي بهیر تر څنګه د ښوونځي د لا پرمختګ لپاره د څارندویه کمیټه، فرهنګي کمیټه، ، د نظافت کمیټه، او دې ته ورته نورې کمیټې د لېسې او د درسي بهیر د لا ښتوب لپاره کار کوي.
یاده لېسه تر دا مهاله د ځوان او د روڼ فکر خاوند سید نصیر احمد ساحل تر مدیریت او د معارف په برخه کې د ډیرې تجربې خاوند شمس الحق حقمل تر معاونیت لاندې فعالیت کوي چې د نوموړو په اړه به په راتلوونکې کې بشپړ معلومات درسره شریک شي .
درنښت
هیواد امیني