Khatiz Khurasan Private School

ګلاليو زده کوونکو ستر اختر مو مبارک شه!

د ختیځ خراسان خصوصي عالي لېسې ۲۰۲۶ کال ساینسي نندارتون درې غوره پروژو ټاکلو په موخه ارزوونه ترسره شوه؛

دا چې تېره سه شنبه د ثور میاشتې په ۲۹مه، د ختیځ خراسان خصوصي عالي لېسې ساینسي نندارتون کې د بېلا بېلو ټولګیو زده کوونکو له لوري ۲۵ ساینسي پروژې نندارې ته وړاندې شوې، ټاکل شوې ده، له منځه یې درې غوره پروژو ګټونکو ته نغدي جایزې ووېشل شي.

په همدې موخه په لومړي پړاو کې د یادو ۲۵ پروژو څخه تر لړ ارزوونو وروسته لس غوره پروژې وپېزندل شوې او د دغو لس پروژو څخه د درې غوره پروژو ټاکلو لپاره نن ارزوونه وشوه.

دغه ارزوونه کې د لس غوره پروژو وړاندې کوونکو لومړی د ژوري هیئت په حضور کې، چې د ختیځ خراسان خصوصي لېسې ټاکلي غړي او د خراسان پوهنتون انجینري، کمپیوټر ساینس او اقتصاد پوهنځي محترمو استادان د دې هیئت غړي وه، زده کوونکو له خپلو پروژو دفاع ترسره کړه.

د یادوولو وړ ده، چې د ژوري هیئت له لوري به هر څه ژر د یادو لسو پروژو څخه درې غوره پروژې ګټونکي اعلان شي او د یوې غونډې په ترڅ کې به ګټونکو پروژو استازو ته نغدي جایزې ووېشل شي.

ختیځ خراسان خصوصي عالي لېسې ژمنه ده، چې هغې خبرې ته ریښتینولي وښیي، چې وایو ((زموږ ماشومان زموږ راتلونکی)).

د ختیځ خراسان خصوصي عالي لېسې ۲۰۲۶ کال ساینسي نندارتون ترسره شو.

نن سه شنبه د ثور میاشتې ۲۹مه چې د روانې می میاشتې له ۱۹مې سره سمون خوري، د ختیځ خراسان خصوصي عالي لېسې ساینسي نندارتون کې د بېلا بېلو ټولګیو زده کوونکو له لوري ۲۵ ساینسي پروژې نندارې ته وړاندې شوې، چې د سهار له نهو بجې د ماسپښين تر یوې بجې پورې یې ګڼ شمېر خلک لېدو او نندارې ته راغلل.

په یاد ساینسي نندارتون کې، چې روشن مخابراتي شرکت یې مالي ملاتړ په غاړه منلی وو، د زده کوونکو له لوري د هغوی په لاس او فکري ځواک جوړې شوې سیستماتیکې او ساینسي پروژې؛ دفاعي، د زلزلو او بارانونو په مالومولو، د زلزلو پر وړاندې د ودانیو مقاومتي سیستم، د ویشتونکي توپ، طبي مسایلو، د جلال اباد عصري ښار د ګډون کوونکو او ورته نورو مواردو ته شاملې وې، چې د ننداره کوونکو او مېلمنو پام یې را جلب کړ او د هغوی (ګډون کوونکو) له لوري نندارې ته وړاندې شوي پروژې وستایل شوې.

په نندارتون کې ګڼو مېلمنو او قدرمنو ګډونوالو برخه لرله، چې په لویه کې د خراسان پوهنتون او ختیځ خراسان خصوصي عالي لېسې مشرتابه، د ننګرهار پوهنې ریاست قدرمنو مېلمنو، د روشن مخابراتي شرکت استازو د خصوصي او دولتي سکتور اداري مسوولینو، د تعلیمي ادارو محترمو غړو، والیدینو او مېلمنو ګډون درلود، چې ټولو د زده کوونکو هڅې او د هغوی د لارښوود استادانو لارښوونې ډېرې مثبتې یادې کړې او ستاینه یې وکړه.

د یادوولو وړ ده، چې د دې برنامې غوره ګټونکو پروژو زده کوونکو ته نغدي جایزې هم پام کې نیول شوي دي، چې نږدې راتلونکي کې به د یوې غونډې په ترڅ کې ګټونکي ټیمونه اعلان او په نغدي جایزو به وستایل شي.

ختیځ خراسان خصوصي عالي لېسې ژمنه ده، چې هغې خبرې ته ریښتینولي وښیي، چې وایو ((زموږ ماشومان زموږ راتلونکی)).

د ختيځ خراسان خصوصي عالي لېسې له رسمي وټسپ چینل سره يوځای شئ او له دې لارې خپلو HD کیفیت انځورونو او همدا راز اړوند خبرتياوو ته لاسرسی ولرئ.

Khatiz Khurasan School System - WhatsApp channel Follow Khatiz Khurasan School System's WhatsApp Channel. Official channel of Khatiz Khurasan School providing announcements, relevent updates, events, admissions information, student activities, and important school notices. Stay connected with the latest news and updates from Khatiz Khurasan School System.. Join 26 followers for the latest updates.