Tamarkuz Private School

21/06/2026

نن ورځ يکشنبه چې د (۱۴۰۵/۳/۳۱) نېټې سره سمون خوري د تمرکُز خصوصي لېسې په اکاډمیک انګړ کې د کلنیو ازموینو د پایلو د اعلان غونډه ترسره شوه.
یاده غونډه د کلام الله په مبارک تلاوت سره پیل شوه، د تلاوت وروسته د یاد ښوونځي مُحترم مدیر انجينر صېب عبادالله سیفي د غونډې ګډونوالو ته د ښه راغلاست وینا وکړه او د ازموینو او د هغې د پایلو د شفافیت په اړه ېې هر اړخیز ډاډ ورکړ، ښاغلي سیفي د خپلو خبرو په جریان کې خپلو ټولو بریالیو زده کوونکو ته مُبارکي وویله او هیله یې وښوده چې په راتلونکی ژوند کې هم لا کامران اوسي.
له هغې وروسته د زده کوونکو لخوا نعتونه، ترانې، په مختلفو ژبو مقالې او نور ګټور مطالب وړاندې شول؛ په پای کې د پایلو د اعلان پروسه پیل شوه او هغه زده کوونکي چې په درجو کې راغلي وو په مُختلفو ډالیو ونازول شول.
هېره دې نه وي چې په دغو ازموینو کې د ښوونځي په کچه عمومي اول نمره د شپږم(با) ټولګي ممتازه زده کوونکې الیجبی، عمومي دوهم نمره د شپږم(الف) ټولګي ممتاز زده کوونکی نقيب الله او عمومي دریم نمره د پنځم(الف) ټولګي ممتاز زده کوونکی عمر اصفي اعلی مقامونه خپل کړي وو.
تمرکُز ستاسو د اولادونو د سالمې ښوونې او روزنې یواځینی انتخاب!
📸: د نـشـراتـو څـانـګـه

15/06/2026

تمرکُز خصوصي عالي لیسې کې د تهذیب ازموینه📝
نن یکشنبه چې د (١٤٠٥/٣/٢٤) نېټې سره سمون خوري د تمرکُز خصوصي عالي لیسې په اکاډمیک انګړ کې د کلنیو ازموینو وروستۍ ازموینه(تهذیب) د تربیوي هیئت په حضور کې د یو لړ ځانګړو مراسمو په ترڅ کې واخیستل شوه.غونډې په جریان کې د تمرکُز خصوصي عالي لېسې مدیر انجینیر صېب عبادالله سیفي د خپلو خبرو په جریان کې له خپل ټول ژمن تدریسي ټیم څخه د زړه له تله مننه وکړه چې دغه ازموینې چې یو لوی مسؤلیت او ماموریت وو د خپلو زحمتونو او له معارف سره د لیوالتیا په وسط یې وشو کولای چې له بریالیتوبونو څخه ډک یې پای ته ورسوي.🌼
همدارنګه یې د اوړي اړوند رخصتیو کې خپل پلان شوې برنامې چې ګلالي زده کوونکي پکې لا تقویه کیدلی شي بیان کړې.
موږ د ټولو زده کوونکو لپاره د لا زیاتو بریاوو هیله لرو!
✍️: د امتحاناتو کمېټه...
📸: د نشراتو څانګه....

11/06/2026

?🤷‍♂️
موږ ولې تمرکُز انتخابوو؟
ځکه چې...👇
موږ یواځې پر هغه څه باور لرو چې زده کوونکو ته یې په عمل کې ثابتوو.
په همدې اساس د نړۍ تر ټولو معتبر(اکسفورډ پوهنتون) یو تن ښوونکی (ایلن کزنس) د تمرکُز خصوصي عالي لېسې په هکله د معلوماتو ورکولو سربېره د یادې لېسې ټول ترسره کړي فعالیتونه چې د سوشیل میډیا له لارې یې تعقیب کړي ستاینه کوي.
همدارنګه ښاغلي (کزنس) ګلالیو زده کوونکو ته د ښه زده کړیز چاپیریال د برابرولو په پار د نظریاتو تبادلې ترڅنګ د (Oxford University) تر رهبرۍ لاندې د ښوونځیو ګټور میتودونه شریک کړه، موږ باور لرو چې دا ډول همکاري کولای شي چې د ګلالیو زده کوونکو په زده کړیز بهیر کې رغنده او مثبت رول ولوبوي.
✍️: د عامه اړیکو او نشریاتو کمېټه...

07/06/2026

بِسْمِ اللَّهِ الرَّحْمٰنِ الرَّحِيمِ
﴿ وَقُل رَبِّ زِدْنِي عِلْمًا ﴾
د جامعة الراشد مدرسه هغه ستره ديني اداره ده چې هر کال د دیني علومو په مختلفو برخو کې سلګونه طلباء ټولنې ته د خدمت په موخه وړاندې کوي.
د همدې ديني او علمي خدمت د پراختیا په موخه د اناثو لپاره هم په تمرکز خصوصي عالي لېسه کې د جامعة الراشد للبنات په نوم مدرسه پرانیستل شوه، چې رسماً یې پرون د پرانیستې غونډه ترسره شوه.
په یاده مدرسه کې به ګلالیو زده کوونکو ته د قاعدې، ناظرې، حفظ، ترجمې، تفسیر او د دیني کتابونو ترڅنګ د لیک او لوست زده کړې هم ورکول کېږي، ترڅو د اسلامي او عصري تعلیماتو له برکته یوه باعلمه او با اخلاقه ټولنه رامنځته شي.
د دې مدرسې مهمې ګټې:
د نجونو لپاره د اسلامي او تعلیمي فرصتونو برابرول
د قرآن کریم او دیني علومو خپرېدل
د اسلامي اخلاقو او تربیې پیاوړتیا
د ښځینه قشر علمي او ديني روزنه
د ټولنې د اصلاح او پرمختګ لپاره سالم نسل روزل
الله تعالی دې دا مبارک مرکز د دین، علم او اصلاح لپاره د لا ډېرو بریاوو وسیله وګرځوي.
مهتمم مفتي صاحب سيدامان راشدي
✍️: د تمرکُز خصوصي عالي لېسې د نشراتو څانګه...

31/05/2026

کلنۍ ازموینې📝
نن یکشنبه چې د (١٤٠٥/٣/١٠) نېټې سره سمون خوري د پوهنې وزارت د تګلارې سره سم په ټولو ګرمسیرو ولایتونو کې د (١٤٠٤-١٤٠٥) تعلیمي کال کلنۍ ازموینو بهیر رسماً پیل کېدو سره سم په تمرکُز خصوصي عالي لېسې په اکاډمیک انګړ او د اسمبلي په جریان کې د زده کوونکو په حضور کې د نن ورځې ازموینو د سوالونو صندوق پرانېستل شو.
✍️: د ازموینو کمېټه
📸: نشراتو څانګه

30/05/2026

قدرمنو والدينو اوګلاليو زده کوونکو!
هيله ده چې د اختر رُخصتي ورځې به مو پخير، عافيت او خوښئ سره تېرې کړې وي.
سبا یکشنبه چې د جوزا مياشتې د لسمې نيټې سره سمون خوري د پوهنې وزارت د تګلارې سره سم په ټولو ګرمسیرو ولایتونو کې کلنۍ ازموینې پیل کیږي نو په همدې مناسبت له تاسو ټولو څخه په احترامانه ډول هيله کيږي چې خپل ګلالي ماشومان مو ښوونځي ته په ټاکلي وخت راولیږئ تر څو په ازموینو کې له کوم خنډ او ځنډ سره مخ نشي.
رسمیات: 7:00am
په درنښت!

18/05/2026

مُطالعه ځواک دی📖
زه هر سهار له کوره په دې تکل ښوونځي ته راځم چې د سبا لپاره په یو نوي فکر سره ډېر څه زده کړم.
نن دوشنبه چې د (١٤٠٥/٢/٢٨) نېټې سره سمون خوري په ډېرو تعلیمي نهادونو کې د مطالعې د دود کولو په پار د مطالعې اونۍ پیل شوه.
مُطالعه د انسان د پوهې، فکر او شخصیت د ودې لپاره ډېره مهمه ده. د کتاب لوستل انسان ته علم، تجربه او د ژوند د ستونزو د حل لارې چارې ور زده کوي. هغه ټولنې چې مُطالعه پکې دود وي، تل پرمختګ کوي. د مُطالعې اونۍ لمانځل د کتاب لوستلو د فرهنګ د پیاوړتیا لپاره یو ښه ګام دی. ټول زده‌کوونکي باید هره ورځ مُطالعه وکړي، ترڅو په علمي او اخلاقي لحاظ بریالي شي.
مُطالعه وکړئ او ډېر څه زده کړئ...
📸: دنشراتو څانګه...

10/05/2026

د تل په څېر د تمرکُز خصوصي عالي لېسې په اکاډمیک انګړ کې د زده‌کوونکو د علمي کچې د لوړولو په موخه د یوې هفتې په جریان کې د «ساینس او کائيناتو» تر سرلیک لاندې یو مهم او اغېزمن (Competition)ترسره شو. په دې علمي پروګرام کې زده‌کوونکو خپلې بېلابېلې ساینسي مقالې وړاندې کړې، تر څنګ یې موډلونه، چارتونه او نوي ابتکارات نندارې ته کېښودل چې د دوی د خلاقیت او عملي زده‌کړې ښکاره بېلګې وې.
د دې کمپیټیشن اساسي هدف دا و چې زده‌کوونکي له ساینس او کائناتو سره لا زیات بلد شي، د طبیعت او کائناتو په رازونو پوه شي او د لوی خدای جل جلاله د قدرتونو په اړه ژوره او حقیقي پوهه ترلاسه کړي. دغه ډول عملي فعالیتونه د زده‌کوونکو د فکر د پراختیا، څېړنیز مهارتونو او نوښت روحیې په پیاوړتیا کې مهم رول لري.
د پروګرام په پای کې د لېسې مرستیال ډاکټر کامران احمدزي د اسمبلۍ په ترڅ کې د زده‌ کوونکو هغو پوښتنو ته مفصل او قناعت‌ بښونکي ځوابونه وړاندې کړل چې د ساینس او کائناتو په اړه یې لرلې. دا برخه د زده‌کوونکو لپاره ډېره ګټوره وه او د هغوی علمي تنده یې لا زیاته کړه.
په ټوله کې، دا کمپیټیشن د زده‌کوونکو لپاره یو ارزښتناک علمي فرصت و چې هم یې عملي زده‌کړه پیاوړې کړه او هم یې د ساینس په برخه کې د هغوی علاقه او انګېزه نوره هم لوړه کړه.
په پای کې لس غوره هغه زده کوونکي چې په یاده سیالۍ کې تر نورو ښه معلوماتي مواد برابر کړي وو د ادارې لخوا وستایل شول او له پاک رب څخه ورته په راتلونکي ژوند کې د لا پرمختګونو لپاره دعاء کوي.
تمرکُز د نوښتونو کور!
📸: د نشراتو څانګه...

23/04/2026

#نوښت
تمرکز خصوصي عالي لېسه ویاړي چې د خپلو زده کونکو سربيره نورو ځوانانو ته زده کړه يز فرصتونه برابروي چې له مخې به يې وکولای شي نړيوال بااعتباره سرټيفيکونه ترلاسه کړي.

🔖 اعلامیه رسمی
با احترام به اطلاع عموم می‌رسانیم که تفاهم‌نامه همکاری میان پوهنتون آزاد افغانستان و لیسه خصوصی تمرکز به‌طور رسمی به امضا رسید. بر اساس این تفاهم‌نامه، لیسه خصوصی تمرکز به‌عنوان نمایندگی اجرایی پوهنتون آزاد افغانستان در ولایت ننگرهار فعالیت خواهد کرد.
این تفاهم‌نامه در فضای تفاهم، اعتماد متقابل و با هدف تقویت همکاری‌های علمی و ارتقای ظرفیت‌های آموزشی میان دو نهاد منعقد گردیده است.
🔮د یادونې وړ ده چې دا تفاهم‌لیک هیڅ مالي اړخ نلري او یوازینی هدف یې علمي او تعلیمي ملاتړ دی. د دې همکارۍ اصلي موخه د علمي ظرفیتونو لوړول، د تعلیمي فرصتونو پراختیا، او د متعلمینو او علمي ټولنې د پوهې او مهارتونو پیاوړتیا ده.
هر دواړه طرفونه دا همکاري د تعلیم په برخه کې یو مثبت ګام ګڼي او ژمنه کوي چې د خپلو هڅو له لارې به د علم او زده‌کړې په پراختیا کې مثبته اغېزه ولري.
📲د اړیکې شمېره:
0788140414
ننګرهار ،بهسود ولسوالۍ وحيد صابون فابريکې ته مخامخ.

په درنښت
د ملي اړیکو څانګه
Tamarkuz Private School
#آموزش #تحصیلات #ننګرهار #تعلیم #پیشرفت #همکاری

14/04/2026

*د پوهې تاج👑رقابتي سیالۍ📚*
*نن سه شنبه چې د (١٤٠٥/١/٢٥) نیټې سره سمون خوري د امتحاناتو او فرهنګي کمېټې په همغږۍ د زده کوونکو د علمي سویې د لا لوړیدا او راتلونکو کلنیو ازموینو ته د چمتووالي په پار د پوهې تاج د عنوان تر چتر لاندې علمي رقابتي سیالۍ پیل شوې، چې له مخې يې لومړی د اماده ګۍ دورې ټولګیو نرسري(الف) او نرسري(با) ترمینځ سالمه علمي رقابتي سیالۍ ترسره شوه چې د یوې په زړه پورې سیالۍ وروسته د دواړو ټولګیو د زده کوونکو د ښه ځوابونو پرمټ سیالۍ مساوي شوه👏*
*په همدې مناسبت د ادارې لخوا د دواړو ټولګو زده کوونکي په ډالیو ونازول شول.*
*نوټ: یادې سیالۍ به په نوبتي شکل سره په اونۍ کې دوه ځل تر راتلونکو کلنیو ازموینو پورې د اړونده کمېټو تر مُستقیم نظارت لاندې دوام ومومي...*
*📸د نشراتو کمېټه*