Bait Almarah English Nursery

04/04/2021

21/03/2021

❤️❤️❤️Happy Mother’s Day ❤️❤️❤️

07/03/2021

17/11/2020

⚠️نصائح تربوية فى غاية الأهمية👍😍..

1- العياط 😭 ملوش عقاب يعني مينفعش تزعلي منه إنه بيعيط ..العقاب ع الخطأ بس والتصرف السليم مع العياط التجاهل مهما كان المكان والناس اللي حواليكي .يعني يعيط سيبيه يعيط ولا تقولي بس ولا تحاولي تراضيه ولا تسهيه ف حاجه تانيه ولا تقوليله هزعل منك ولا كده عينك هتوجعك مفيش اي كومنت ولما يخلص عياط متلمهوش ع العياط ولا نقولي انا زعلانه انك عيط.. العياط دا تعبير عن الشعور مش خطأ ..

2- قبل الخروج لازم يكون فيه إتفاق 👌 على اللى هيحصل .. ده هيقلل المشاكل ..
- مثلاً .. إحنا رايحيين كارفور النهاردة هنجيب حاجات للبيت وأنت هتجيب حاجه واحدة وهنلعب لعبتين بس ..لو وافق اوك اعترض يبقى خلاص مش هنخرج واللي اتفقنا عليه مش هيتغير مهما حصل ..

3- ممنوع الأطفال تنام ف نفس الأوضه مع الأب والأم بعد سنة ..

4- ممنوع يدخولوا الحمام معانا او يشوفوا الأم والأب أثناء تغيير الهدوم 🛑 ..

5- الموبايلات والتاب والتلفزيون📺 ساعة في اليوم مقسمه على مرتين .. مينفعش أكتر من كده ؛ لأن ده بيأثر على تركيز الطفل مهما كانت الإستفادة ..

6- الطفل لو عمل حاجة غلط قدام حد مينفعش توجهيه قدام الناس 😕 بتاخديه على جنب أو فى أوضة تانية وتعرفيه غلطه ولو غلط ف حد برضه متزعقلوش قدام الناس على جنب وتوجهيه وبعدين تطلعيه يعتذر ..

7- متعمليش حساب لأي حد على حساب ولادك 😍.. لو وسط مول .. وسط أهلك .. فى التاكسي أى حاجة تعملي الصح بغض النظر عن الناس متقوليش هسكته مثلا بأى حاجة عشان الناس .. الصح يتعمل تحت أي ظرف ..

8- متخليش ولادك مكتفيين 100%مش كل حاجه عندهم مش كل حاجه عاوزنها يجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها ..

9- لازم وهما بيلعبوا يعرفوا إن فيه مكسب وكمان فيه خسارة ولو رفضوا متلعبيش معاهم او وقفي اللعب ..

10- ممنوع ياخدوا أي لعبة من عند حد وهما نازلين🙄 وممنوع تدي أي لعبة من لعبهم لحد حتى لو بموافقتهم لأنهم بعد كده هيشوفوا إن عادي ياخدوا من عند حد طالما الناس بتاخد منهم ..

11- لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه إنه هيلعب مع الضيوف باللعب دى .. ولو رفض يبقى خلاص متلعبش وهما هيلعبوا لوحدهم ..

12- مينفعش نقول هقول لبابا 👨🏻لما يجي وبابا هيزعق .. ده غلط جداً إنتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا ..

25/10/2020

نوبات الغضب عند الأطفال لا يتم التعامل معها بالتجاهل لان هذا سيزيد الأمر سوءاً لذا لابد من أن يشعر الطفل بأنك تفهميه وتقدري مشاعر غضبه فتنزلي لمستواه وتقولي له بنفس نبرة صوته وطريقة كلام الأطفال "أنا أعرف أنك تريد كذا... وتقول أنا أريده .. أنا اريده.. ولكن هذا الشيء غير مفيد ما رأيك في أن تأتي معي لتختار انت نوع الفاكهة الجميل مثلك؟"
وهنا يتوقف عن البكاء ويدرك أنك تفهميه ويقول واو 😱هي بتتكلم مثلي فيوقف البكاء وينتبه لكي
ولا تخجلي من فعل ذلك في الماركت أو المول لأن هذه الطريقة أفضل مما سيفعله طفلك أن تركته يبكي وحين ذاك سيشاهد الكل الضجة والغضب👇👇👇

22/07/2020

🏃‍♀️🏃‍♂️الطفل الحركي الي عامل قلق لكل الي حواليه 😁

الطفل الي بيحب الحركة و مش بيعرف يقعد كتير ، مش بيثبت في مكانه ، مش بيستحمل قعدة العربية و بيزهق منها و مش بيقدر علي قعدة الكافيهات و بيمل جدا فيها و يبدأ يشد و يجري و يوقع و يكسر ⬇️⬇️⬇️

دا مش طفل قليل الادب🚫
و مش بالضرورة يبقي عنده فرط حركة ⛔

كل ما في الموضوع دا نمط شخصيته ، هو بيحب الحركة 🤷‍♀️ ربنا خلقه كدا ، مالوش اي يد في الموضوع ولا اهله لهم تأثير ، زي بالظبط الطفل البصري ، الي يروح مكان مرة واحدة يفتكره بالتفاصيل و لو عدي عليه سنه او ٢ ، و زي الطفل السمعي لو سمع موضوع يفتكره بحذافيره ، دي طبيعتهم ولا التربية ولا البيئة ليهم تأثير 😏😏

الطفل الحركي دا احن طفل ممكن تقابلوه و ذكي جدا فوق ما تتخيلوا 🥰🥰🥰🥰

الناس بتفتكر عشان بيتحرك كتير و مش بيقعد ف هو مش بيحصل اي معلومة ، دي خرافه ⚠️
بالعكس هو بيقدر يجمع عدد كبير من المعلومات و هو بيتحرك و بيستكشف ، بيشغل كل حواسه وقت تلقي المعلومة و دا الي بيخليه مميز جدا 💎

الطفل الحركي محب جداااا للاحضان او اي تلامس جسدي ، يعني تكسبيه لو حضنيته و لعبتي في شعره ، لو لاعبتي معاه wrist ، تديله الوان يلون بايده ، او تديله سفنجه يلون بيها بدل الفرشة ، اي حاجة ملموسه في ايده حينبسط اوي منها و تفرحه ، و تخسريه للابد لو ضربتيه او تعتديتي علي جسمه بدون حق ☠☠☠☠

طيب الفترة دي صعبة جدااا و النزول و الخروج و انه يفرغ طاقته برا شبه مستحيل ، انا كأم اعمل اية ‼️

• حقولك علي شوية افكار تنفع جدااا الطفل الحركي و تهدية شوية ⬇️

- اولا خصصي وقت كل يوم يلعب فية رياضة في البيت ، لو مش عارفة توجيهيه ازاي ، افتحي ال youtube و ابحثي علي zumba for kids حتلاقي فيديوهات كتير جدااا ، خليه يختار واحد و يعمل زيهم

- خصصي مكان في البيت و حطيله فيه trampoline بتاعت الرياضين بتبقي صغيرة ، ينط عليها و يفرغ طاقته 🤸‍♂️

- هاتيله jumping rope و يتعلم نط الحبل

- ممكن تجيبي العجلة بتاعت ال gym فيه منها للاطفال حتساعد جداااا انه يفرغ طاقته 🚴‍♂️

- ممكن تجبيله حلقة الbasketball الي بتتركب علي اي باب اوضة و يلعب⛹️‍♀️

- و جون بيتباع لوحده و يلعب كوره قدم

- حضريله انشطة في البيت تعليميه كلها يبقي فيه حركة ، زي مثلا تعلميه العد بانه يحدف كور جوا سبت الغسيل و هو بيعدهم

- ممكن تعمليله علي الارض باستخدام اللزق hopscotch ، الي هي لعبه الحجلة او فية ناس بتسميها الاولي الي هي بتبقي مربعات و نرمي زلطة صغيرة علي مربع و نحاول نتفاداه و احنا بنط برجل واحدة .

- لو ساكنة في دور عالي استخدمي السلالم مش الاسانسير.

- لو رايحة اي مشوار و هو معاكي امشيها بدل ما تركبي .

كل الافكار دي حتساعد الطفل انه يفرغ طاقته و يبقي اهدي لمدة من الوقت و الاهم حيبقي مبسوط 🥰

و حطي دايما في الاعتبار انه ميقدرش يفضل قاعد ثابت لمدة طويلة ، ف حتروحي عند الناس او حيجيلك ضيوف و عايزاه يقعد في مكانه ، دا مستحييييييل 🤦‍♀️

و رجاءا لكل شخص ، لما تشوف أم معاها طفل حركي هي اخر حاجة محتاجة تسمعها تعليق سخيف او نقد منك ، دا مش بايديها ان ابنها طلع كدا ، و صعب انها تحجب نفسها عن الناس عشان متسمعش كلمه من حد ، ف يتساعدوها و تلعبوا مع الطفل شوية ، يا اما تسكتوا 🤐🤐

12/07/2020

الأطعمة_الممنوعة_قبل_عمر_السنة


ممنوع تقديم العسل للأطفال قبل نهاية السنة الأولى من العمر نهائياً لإحتمال تلوثه ب نوع من الجراثيم تسمى Clostridium Botulinum و التي من الممكن أن تسبب تسمم للطفل وتشنجات عضلية قد تؤدي للوفاه لا قدر الله


ممنوع تقديم الحليب البقري او الجاموسي قبل عمر السنة نهائياً لعدم قدرة الجهاز الهضمي للطفل على هضمه بشكل كامل و إحتوائه على كميات كبيرة من البروتينات و المعادن التي تزيد العبء على الكلي وعلى المدى البعيد فقد اظهرت الكثير من الدراسات عن وجود علاقة بين إدخال الحليب البقري او الجاموسي بعمر أقل من سنة و زيادة نسبة حدوث الربو والأكزيما الجلدية و داء السكري عند الأطفال


توصي الأكاديمية الأمريكية لطب الأطفال AAP بعدم تقديم عصير الفواكه سواء كان طازجاً أو معلباً للأطفال قبل عمر السنة لإحتوائه على كمية كبيرة من السكر و الماء التي تقلل من شهية الطفل كما أن الإكثار من العصائر يسبب تسوس الأسنان و الإسهال


اللحوم المصنعة زي البسطرمة والسجق والبرجر و الناجتس وغيرها تعتبر ضمن الأطعمة التي يجب ألا تقدم للأطفال عموماً لكونها تحتوي على كميات كبيرة من المواد الكيميائية الضارة كما تُصنف كعامل مسبب للسرطان

#الملح
ممنوع إضافة الملح الى طعام الطفل إطلاقاً لأن كلية الطفل لا تستطيع في هذا العمر التخلص منه وهيسبب عبئ زائد عليها وممكن يسبب مشاكل في الكلي والقلب

#السكر
ممنوع إضافة السكر الى طعام الطفل عشان
🔅 إن عملية تصنيع و تكرير السكر تخليه بيحتوي على بعض المواد الكيميائية المضرة للطفل
🔅 يخلي الطفل يرفض انواع تانيه من الطعام زي الخضروات
🔅 مممكن يخليه يرفض حليب الأم
🔅 يسبب تسوس في الأسنان اللبنية
🔅 يزيد من خطر السمنه عند الاطفال اللي ممكن يؤدي لمرض السكر ( النوع الثاني )

#المكسرات
ممنوع تقديم المكسرات الكاملة للأطفال بعمر أقل من ٣ سنوات تجنباً لحدوث الإختناق لكن مفيش مانع من إضافتها الى طعام الطفل بشكل مطحون أو بشكل زبدة كزبدة الفول السوداني منذ عمر ٦ شهور بشرط عدم وجود حساسية منها


يعتبر الدسم ضرورياً لنمو الطفل خلال اول سنتين من عمره لذلك يفضل تقديم جميع منتجات الألبان زي الزبادي ابتداءا من الشهر السادس و الأجبان ابتداءا من الشهر الثامن على أن تكون كاملة الدسم و من غير اضافة سكر او عسل


يقدم صفار البيض قبل السنة لكن يتم تأخير تقديم بياض البيض اللي بعد السنه لانه من اكثر المواد المسببه للحساسية


مثل البطاطس المقلية أو الدجاج المقلي و يفضل الإبتعاد عنها بشكل عام لكونها غير صحية على الإطلاق


المشروبات الغازية غير صحية على الإطلاق و لها كثير من الأضرار على صحة الاطفال والكبار لإحتوائها على كميات كبيرة من السكر و الألوان الصناعية و الكافيين