26/03/2026
مسافر مه وژنې خاونده
کور کښې یې خویندې د دیدن په طمعه وینه 💔
د ناواګۍ کلي دا خایسته ځوان بختی رحیم، چې څو ورځې وړاندې په سعودي عرب کښې د ګاړي په دردناک حادثه کښې وفات شوی و، نن یې جسد خپل وطن ته راورسېد. مسافري هسې هم اسانه نه ده، خو داسې ناڅاپي پېښې د انسان زړه ټوټې ټوټې کړي.
نن به د هغه د کور په خلکو څه تېرېږي؟ د مور هغه نازولی زوی، چې د رزق ګټلو لپاره له خپل کلي، کوره او عزیزانو لرې تللی و، نن یوازې د څو شېبو لپاره په تابوت کښې کور ته راستون شو، او بیا به د تل لپاره د خاورو غېږې ته وسپارل شي.
خدایه! ته پر خپلو بندګانو رحم وکړه،
په مسافرو ځانګړې مهرباني وکړه،
او دې غمځپلې کورنۍ ته د صبر عظیم نصیب کړې. 🤲
د مرحوم بختی رحیم د کورنۍ له لوري له ټولو کلیوالو، دوستانو او خپلوانو څخه د زړه له کومې مننه ادا کېږي چې په دې سخت غم کښې یې ورسره خواخوږي کړې ده. عاجزانه هیله کېږي چې مرحوم ته ځانګړې دعاګانې وکړئ.یقیناً چې د بختی رحیم مړینه ډېره درنه او د زغملو نه پورته غم دی. یو طرف ته د کورنۍ درد او فراق دی، او بل طرف ته چې سړی سوشل میډیا خلاصه کړي نو هر ځای د همدې غم خبرونه او ویډیوګانې ښکاري. انسان چې لا له وړاندې خپه وي، دا هر څه یې غم نور هم زیاتوي.
همدارنګه له ټولو سوشل میډیا ملګرو او کانټینټ جوړوونکو څخه غوښتنه ده چې د غم درد نور مه زیاتوی، د کورنۍ احساساتو ته درناوی وکړئ، او د غم د وائرل کولو پر ځای د دعا او ملاتړ لاس ور وغځوئ.
ځکه ځینې وختونه یو کور وران شي،
او ځینې وختونه د چا ټول وطن ورسره وران شي...
الله دې مرحوم وبخښي او جنت الفردوس دې نصیب کړي. آمین 🤲
سردار عرفان اللہ سوشل ورکر
15/02/2026