Buddhism Dhamma Channel

"စိတ်ရဲ့အလိုကို ကိုယ်က မလိုက်ပါနဲ့"

"ကိုယ်ရဲ့အလိုကိုသာ စိတ်က လိုက်ပါစေ"

မစင်ဆိုတာ အာဟာရကြောင့်ဖြစ်တာ..

မစင်ကိုသာ စက်ဆုပ်တတ်ကြပြီး

အာဟာရကိုတော့ မစက်ဆုပ်တတ်ကြဘူး..

စိုးရိမ်ခြင်းဆိုတာ ချစ်ခြင်းကြောင့်ဖြစ်တာ..

စိုးရိမ်ခြင်းကိုသာ ကင်းလိုကြပြီး

ချစ်ခြင်းကိုတော့ မကင်းလိုကြဘူး..

သေခြင်းဆိုတာ ဘဝကြောင့်ဖြစ်တာ..

သေခြင်းကိုသာ ကြောက်လန့်ကြပြီး

ဘဝကိုတော့ မကြောက်လန့်ကြဘူး..

ဆင်းရဲဆိုတာ လောဘကြောင့်ဖြစ်တာ..

ဆင်းရဲကိုသာ ဖယ်လိုကြပြီး

လောဘကိုတော့ မဖယ်လိုကြဘူး..

ချမ်းသာဆိုတာ ကောင်းမှုကြောင့်ဖြစ်တာ..

ချမ်းသာကိုသာ လိုချင်ကြပြီး

ကောင်းမှုကိုတော့ မပြုချင်ကြဘူး..

ပူလောင်မှုဆိုတာ ကိလေသာကြောင့်ဖြစ်တာ..

အပူကိုသာ ရှောင်လိုကြပြီး

ကိလေသာကိုတော့ မရှောင်လိုကြဘူး..

ငြိမ်းချမ်းမှုဆိုတာ ဓမ္မကြောင့်ဖြစ်တာ

ငြိမ်းချမ်းမှုကိုသာ ဆောင်လိုကြပြီး

ဓမ္မကိုတော့ မဆောင်လိုကြဘူး..

ဘာကိုမှ မလိုချင်လျှင် ဘာကိုမှကြောက်စရာမရှိ..

ရဲရင့်မှုဟာ မလိုချင်ခြင်းမှာရှိတယ်..

ဘာကိုမှ မလိုချင်လျှင် ဘယ်လိုမှ ညစ်နွမ်းစရာမရှိ..

စင်ကြယ်ခြင်းဟာ မလိုချင်ခြင်းမှာရှိတယ်..

ဘာကိုမှ မလိုချင်လျှင် ဘယ်လိုမှဆင်းရဲစရာမရှိ..

ချမ်းသာခြင်းဟာ မလိုချင်ခြင်းမှာရှိတယ်..

ဘာကိုမှ မလိုချင်လျှင် ဘယ်လိုမှပူပင်စရာမရှိ..

အေးချမ်းခြင်းဟာ မလိုချင်ခြင်းမှာရှိတယ်..

ဘာကိုမှ မလိုချင်လျှင် ဘယ်လိုမှပင်ပန်းစရာမရှိ..

သက်သာခြင်းဟာ မလိုချင်ခြင်းမှာရှိတယ်..

အပါယ်လေးပါး စိတ်ကြောင့်သွားသည်..

နိဗ္ဗာန်ရောက်မှု စိတ်ကပြုသည်..

စိတ်ကိုလွှတ်ထား ဆင်းရဲပွားမည်..

စိတ်ကိုထိန်း အေးချမ်းနိဗ္ဗာန်ပြည်...

အရှင်ဦးဥတ္တမ(သစ္စာရွှေစည်ဆရာတော်)

ဒေါသဖြစ်လွယ်ခြင်း၏အကြောင်း(၆)ပါး