Ilm

ٹرمپ کے جنگ بندی اعلان کے بعد عالمی تیل کی قیمتوں میں نمایاں کمی

برینٹ خام تیل کی قیمت 5.8 فیصد کمی کے بعد 103.42 ڈالر فی بیرل پر آگئی، جبکہ امریکی منڈی میں خام تیل کی قیمت تقریباً 8.5 فیصد گر کر 103.25 ڈالر فی بیرل رہی۔ تاہم یہ قیمتیں اب بھی اس سطح سے کہیں زیادہ ہیں جو 28 فروری کو تنازع شروع ہونے سے پہلے تھیں۔

پاکستان کی درخواست پر امریکہ اور ایران دو ہفتے کی جنگ بندی پر رضامند حملے روکنے اور آبنائے ہرمز کھولنے کا اعلان

ایران کی سپریم نیشنل سکیورٹی کونسل نے اپنے تازہ بیان میں کہا ہے کہ گذشتہ چالیس دنوں میں ایرانی عوام اور مسلح افواج کی مزاحمت نے دشمن کو پسپائی پر مجبور کر دیا ہے، اور جنگ کے بیشتر اہداف حاصل ہو چکے ہیں۔

اسرائیل کا ایرانی پاسدارانِ انقلاب کی بحریہ کے کمانڈر کو ہلاک کرنے کا دعویٰ

اسرائیل نے ایرانی پاسدارانِ انقلاب کی بحریہ کے کمانڈر علی رضا تنگسیری کو ہلاک کرنے کا دعویٰ کیا ہے۔

اسرائیلی وزیر دفاع اسرائیل کاٹز کا کہنا ہے کہ تنگسیری آبنائے ہرمز کی بندش اور بمباری کی دہشت گردانہ کارروائیوں کے لیے براہ راست ذمہ دار تھے اور انھیں ’اڑا دیا گیا ہے‘۔

ان کا مزید کہنا ہے کہ ایرنی بحریہ کے متعدد دیگر سینئیر حکام بھی مارے گئے ہیں۔

ایران نے تاحال اس بارے میں کوئی تبصرہ نہیں کیا ہے۔

پاسدارانِ انقلاب کا ایرانی فضائی حدود میں ایف 18 سمیت دو امریکی جنگی جہاز مار گرانے کا دعویٰ

ایرانی فوجی ذرائع کے حوالے سے نیوز ایجنسی کا کہنا ہے کہ ایرانی علاقوں پر حملے جاری رہے تو آبنائے باب المندب میں نیا محاذ کھل سکتا ہے، باب المندب یمن کے نزدیک آبی گزرگاہ ہے جو بحیرۂ احمر کو خلیج عدن سے ملاتی ہے

علی لاریجانی کی شہادت سے جنگ کے سفارتی حل تک پہنچنا مزید مشکل اور طویل ہو جائےگا، عرب میڈیا

عرب میڈیا کی رپورٹ کے مطابق ایران نے علی لاریجانی کےبیٹےمرتضیٰ کے شہید ہونے کی بھی تصدیق کردی۔

ا س سے پہلے اسرائیل نے ایران کی قومی سلامتی کے مشیر علی لاریجانی کو نشانہ بنانےکا دعویٰ کیا تھا۔

اسرائیلی فوج کا علی لاریجانی
کو نشانہ بنانے کا دعویٰ

توانائی کی تنصیبات پر کسی بھی حملے کا جواب دیں گے: ایرانی وزیر خارجہ

توانائی کی تنصیبات پر کسی بھی حملے کا جواب دیں گے: ایرانی وزیر خارجہ
پاسداران انقلاب اسلامی سے وابستہ تسنیم نیوز ایجنسی کے مطابق ایران کے وزیر خارجہ کا کہنا ہے کہ ان کا ملک توانائی کی تنصیبات پر کسی بھی حملے کا جواب خطے میں امریکی کمپنیوں کو نشانہ بنا کر دے گا۔

عباس عراقچی نے کہا ہے کہ ’اگر ایرانی تنصیبات کو نشانہ بنایا گیا تو ہماری افواج خطے میں امریکی کمپنیوں یا ان کمپنیوں کو نشانہ بنائیں گی جن میں امریکہ کے حصص ہیں۔‘

’ہم یقینی طور پر ان حملوں کا جواب دیں گے لیکن احتیاط سے کام لیں گے تاکہ گنجان آباد علاقوں کو نشانہ نہ بنایا جائے۔‘

ایرانی وزیر خارجہ کا یہ بیان امریکی فوج کی جانب سے خارگ جزیرے کو نشانہ بنانے کے چند گھنٹے بعد سامنے آیا ہے۔

ایران کے تیل کی برآمدات کا 90 فیصد اس جزیرے سے گزرتا ہے

کئی ممالک آبنائے ہرمز کو کھلا رکھنےکیلئے اپنے جنگی بحری جہاز بھیج رہے ہیں: ٹرمپ کا دعویٰ

سوشل میڈیا پر جاری بیان میں ٹرمپ نے ایران کی فوجی صلاحیت کو تباہ کرنےکا دعویٰ دہراتے ہوئےکہا کہ اب بھی ایران کے لیے یہ بات آسان ہےکہ ایک دو ڈرون حملے کرے یا آبنائے ہُرمز میں یا نزدیکی علاقے میں میزائل حملہ کرے۔

امریکا اور جنوبی کوریا کی بحری مشقوں کے دوران شمالی کوریا نے 10 بیلسٹک میزائل داغ دیے

شمالی کوریا نے امریکا اور جنوبی کوریا کی فوجی مشقوں کے دوران سمندر میں 10 بیلسٹک میزائل داغ دیے۔

جنوبی کورین فوج کی جانب سے جاری بیان کےمطابق شمالی کوریا نے جاپان کے سمندر کی طرف تقریباً 10 نامعلوم بیلسٹک میزائل فائر کیے، شمالی کوریا کے بیلسٹک میزائلوں نے تقریباً 350 کلو میٹر تک پرواز کی۔

جنوبی کورین فوج کا کہنا ہےکہ یہ میزائل شمالی کوریا کے مشرقی ساحل سے سمندر کی طرف داغےگئے۔

جاپانی کوسٹ گارڈ کے مطابق انہوں نے ایک ممکنہ بیلسٹک میزائل کا سراغ لگایا جو جاپان کے خصوصی معاشی زون کے باہر گرا۔

امریکی میڈیا کے مطابق جنوبی کوریا کی فوج کے جوائنٹ چیفس آف اسٹاف نے بیان میں کہا ہےکہ یہ میزائل شمالی کوریا کے دارالحکومت پیانگ یانگ کے قریب سے داغےگئے۔

گزشتہ چند روز سے امریکا اور جنوبی کوریا کی سالانہ مشقیں جاری ہیں اور انہوں نے اسےمحض دفاعی مشقیں قرار دیا ہے۔

یاد رہےکہ امریکی فوج کے تقریباً ساڑھے 28 ہزار فوجی اور لڑاکا طیاروں کے اسکواڈرنز جنوبی کوریا میں تعینات ہیں۔

اس سے قبل جمعرات کو جنوبی کوریا کے وزیر اعظم نے واشنگٹن میں صدر ڈونلڈ ٹرمپ سے ملاقات کی تھی تاکہ شمالی کوریا کے ساتھ دوبارہ مذاکرات کے طریقے تلاش کیے جاسکیں۔

ملاقات کے بعد جنوبی کوریا کے وزیر اعظم نے صحافیوں کو بتایا کہ صدر ٹرمپ کسی بھی موقع پر شمالی کوریا کے رہنما کم جونگ اُن کے ساتھ بات چیت کے لیے تیار ہیں۔۔

مرکزی اسرائیل میں رہائشی علاقے پر ایرانی میزائل حملہ: اسرائیلی فوج

ہمیں وسطی اسرائیل کے شہر شوهام سے کچھ نئی تصاویر موصول ہوئی ہیں جہاں رات کے وقت ہونے والے میزائل حملے میں ایک رہائشی عمارت کی چھت اُڑ گئی۔ اسرائیل کی دفاعی افواج (آئی ڈی ایف) کے مطابق رات کے وقت ایران کی جانب سے اسرائیل کو نشانہ بنانے والے میزائلوں کی نشاندہی ہوئی۔ موقع پر ہوم فرنٹ کمانڈ کے اہلکار اور ہنگامی امدادی سروسز کے کارکن نقصان کا جائزہ لیتے ہوئے نظر آ رہے ہیں۔