03/09/2026
ဒီမနက် lecture တစ်ခု နားထောင်ဖြစ်တယ်။ နားထောင်ပြီး စိတ်ထဲရှိနေတာလေး ပြန်မျှဝေပေးလိုက်တာပါ။ ကျွန်မတို့ မသင့်တော်တဲ့ ကိစ္စတော်တော်များများကို Rebranding (နာမည်ပြောင်းသုံးတာ) လုပ်နေသလားလို့။
ဥပမာ
▪လောဘ ကို “Ambition” (ရည်မှန်းချက်)လို့ ခေါ်လာတယ်။
▪မောက်မာတာ ကို “Confidence” (ယုံကြည်ချက်) လို့ ခေါ်လာတယ်။
▪မိသားစုနဲ့ အဆက်အသွယ်ဖြတ်တာကို “Protecting my space” (ကိုယ့်ရဲ့space ကိုကာကွယ်တာ) လို့ ပြောလာတယ်။
▪ကိုယ့်ဆန္ဒနောက် အလွန်အကျွံ လိုက်လျောတာကို “Healing/Self-care” လို့ ပြောလာတယ်။
▪အလွန်အကျွံ သုံးဖြုန်းတာကို “Treating myself” (ကိုယ့်ကိုယ်ကို ဆုချတာ) လို့ ခေါ်လာတယ်။
▪သူများအကြောင်း မကောင်းပြောတာကို “Venting” (ရင်ဖွင့်တာ) လို့ ခေါ်လာတယ်။
▪ကိုယ့်ကိုယ်ကို အထင်ကြီးအောင် ပြသတာကို “Self-expression” (ကိုယ့်ကိုယ်ကို ဖော်ပြတာ) လို့ ခေါ်လာတယ်။
▪ကိုယ့်စိတ်ထဲ ပေါ်လာသမျှ ဆန္ဒတိုင်းကို လိုက်လုပ်တာကို “Being true to myself” (ကိုယ့်စိတ်ကိုယ် နားထောင်တာ) လို့ ခေါ်လာတယ်။
▪သူများပေးတဲ့ အကြံဉာဏ်ကို လက်မခံတာကို “Setting boundaries” (ကိုယ့်စည်းဘောင်နဲ့ကိုယ်နေတာ) လို့ ခေါ်လာတယ်။
▪သူများရဲ့ အထင်ကြီးလေးစားမှုကို လိုချင်တာကို “Building my personal brand” (ကိုယ့် image ကို တည်ဆောက်တာ) လို့ ခေါ်လာတယ်။
ခုခေတ်လူငယ်တွေ ဒီစကားလုံးတွေ အားလုံးနဲ့ ရင်းနှီးပြီးသား။ စကားလုံးတွေကတော့ ပိုနူးညံ့ပြီး ပိုကောင်းသလို ခံစားရတယ်။ ဒါပေမယ့် အဲဒီအပြုအမူတွေရဲ့ အနှစ်သာရကိုတော့ စဉ်းစားကြည့်ဖို့ လိုလိမ့်မယ်။
လူတစ်ယောက်ကို မကောင်းတာလုပ်ဖို့ ယုံကြည်လာအောင် အမြဲတမ်း “ဒါက ကောင်းတယ်” လို့ ပြောစရာမလိုဘူး။ “ဒါက တကယ်တော့ မကောင်းပါဘူး” လို့ မခံစားလာအောင် လုပ်ပေးရုံနဲ့တင် လုံလောက်နိုင်တယ်။ ကျွန်မတို့ရဲ့ နေ့စဉ်စကားတွေထဲမှာတောင် ရှိနေတတ်တယ်။
“ဒါက Haram လို့တော့ မထင်ဘူး။”
“ဒါက ဘာသာရေးကိစ္စ မဟုတ်ပါဘူး။ It’s just culture ပဲ”
“လူတိုင်း ဒီလိုပဲလုပ်နေကြတာပဲ။”
အဲဒီ့ Rebranding trap ထဲမဝင်သွားဖို့ တော်တော်ကြိုးစားရမယ်ထင်တယ် 😞
