Ahmed Attia - BIM Architect

لا يمكنك تعلُّم الـ BIM بما يحتويه من مراحل نمذجة (modeling) وتنسيق (coordination) ومخططات (documentation)، بمعزل عن تعلُّمك دورة حياة المشروع (project life cycle) ومخرجات كل مرحلة من مراحله من أول الـ concept إلى الـ Construction.

لا يمكنك التعمُّق في تفاصيل الـ BIM management والحشو النظري الأكاديمي قبل إتقانك لحل مشاكل الـ Modeling والعمل بالـ best practice.

لا يمكنك العمل بالـ best practice قبل معرفتك بدورك ومسؤوليتك (Role و Responsibilities) وأين يقع نطاق عملك scope of work على سبيل المثال في مراحل design مع استشاري أو مراحل الـ Construction مع المقاول، فكل مرحلة يختلف عملها والقرارات فيها.

لن ينفعك تعلُّم الـ automation سواء الداينمو أو الـ API بدون تعرُّضك لنوعيات مشاريع مختلفة بمراحل المشروع وحجمه وصعوبته..
هتبقى عامل زي اللي عنده إجابة بس ما يعرفش إيه السؤال؟

لن تتمكَّن من الفهم الصحيح للـ BIM بدون المعرفة الأساسية بمجالك الرئيسي كمعماري أو إنشائي أو ميكانيكا.. هتحصّل أدوات بدون فهم عملها الصحيح أو هتتعامل معاها بصعوبة..

المعرفة الناقصة وعدم فَهم الأولويات تؤدي إلى جهل بالشّيء وعدم تطوُّر..
من يملك المعرفة الصحيحة والفهم العميق يتطوَّر أسرع وقدرته على حلّ المشاكل تكون أفضل..

"والفرق بين الاثنين زي فرق بين الجرير والفرزدق، أحدهما يغرف من نهر والآخر ينحت في صخر.."

من نصائح المعلم رشدان بعد عمله علي أكتر من 50 مشروع بيم في لندن وامريكا ومصر والخليج من التصميم للتنفيذ..

عن ال Role وال Responsibilities؛ لماذا يجب أن تعرف دورك ومسؤولياتك حتي تتجنب الوقوع في الأخطاء؟ او في قول أخر "ايه وداك غريبة احنا في عجيبة؟ "

في مراحل تعليمك للبيم لاازم تكون عارف انت شغال فين عشان تعرف انت عايز تتعلم ايه او توصل لايه..

في 4 حالات بتشتغل فيهم بالبيم

بس خلينا الاول نشوف تعريف البيم بصورته الاساسية هو انك بتعمل نموذج 3D بيعتمد في الاساس علي فكرة ال Objects او عناصر المبني زي ال walls او ال floors او غيره بطرق رسم فيها منطقية ويكون الاوبجكت دا في الاخير فيه كل الداتا الخاصة بالمشروع او تقدر توصل منه لداتا المشروع وعشان كدا بنسميه BUILDING INFORMATION MODELING/ نمذجة معلومات البناء..

_________________________________________________
طيب ايه هما ال 4 حالات ؟
طالب/ student
مع استشاري / consultant
مع مقاول / contractor
مع شركة متخصصة في خدمات البيم / Bim consultant

وكل واحد من دول انت لازم تكون عارف ايه ال inputs/المدخلات الي جيالك وايه ال outputs او deliverables/المخرجات الي طالعة عشان علي اساسه تعرف انت هتشتغل ازاي وباي طريقة تحقق فيها السرعة والجودة في نفس الوقت ..

أولا تقدر تشوف فديو عن ال Role and Responsibilities هسيبهملكم في الكومنتات ..
____________________________________________

*في الحالة الاولي لو انت طالب*

لو مشروع ديزاين فالعملية هنا بتعتمد علي المودلينج في الاساس وانك تطلع رسومات تقدر تعملها برزنتيشن في الاخر فتجمعها في شيت علي الفوتشوب وبتكون المدخلات بتاعتك صور وشفافات مفيش اعتماد بشكل كبير علي سكيل حقيقي فهنا مفيش بيم لان زي ما شرحنا لازم عشان يكون في بيم حقيقي يكون في داتا لكن هنا في مودلينج فقط ودا بتقدر تقوم بيه علي اي برنامج هيحقق نفس النتائج..

في حالة مشروع وركينج فالعملية ممكن تكون شوية بتتطلب انك ترسم الحاجة مظبوطة لكن في الاخير الموضوع بيبقي اسباجتي متقدرش تقول برضو عليه بيم مودل..

فتعليمك بيكون مقتصر علي برنامج يعملك 3d ويطلعلك لوح ودا بيحققه الريفيت كاداة من أدوات البيم بس منقدرش نقول ان دا Fully BIM .. فلما تشتغل بالريفيت وانت طالب لازم تفهم ان طريقة شغلك مش دقيقة بنسبة ٨٠% لانها مش مفيدة كنومذج نقدر نعتمد عليه في عملية الداتا
_______________________________________________

*في حالة لو انت مع استشاري *

التركيز هنا بيكون دورك في تخصصك مع استخدام البيم كمساعد للمخرجات الي عايزها

المدخلات في حالة الاستشاري هي ال Brief بتاع المشروع والمخرجات النهائية بتكون ال IFT ) Issue for tender ) او ال IFC ( Issue for Construction ) وكل واحد من دول له شكل اللوح بتاعته مع النموذج بتاعه

وتقدر تشوف هنا في مقال سابق عن تفاصيل المخرجات من كل مرحلة هسيبهولكم في الكومنتات ..

فلو انت مع استشاري هتحتاج طبعا تكون فاهم ال role بتاعتك سواء كمعماري او كانتريور لان دورك في الاساس الديزاين بجانب تعلمك للبيم بشكل مظبوط خصوصا حاجتين..

ال modeling هنا في نوعين من الاستشاري واحد بيكون مهتم بالديزاين بتاعه بيتحقق بنسبة ١٠٠ % فالتيم بتاعه بيكون مهتم يعمل مودل مظبوط فيه كل الداتا و BOQ طالعة من المودل مظبوطة والتفاصيل مش مجرد typical details جاية من الكاد لكن كمان هي related بالمودل الي معمول وكل دا يوفر علي المقاول عملية التسعير وكمان التنفيذ بعد كدا بدون الرجوع لتعديلات كتير ..

وفي استشاري مش مهتم فبيطلع مودل اي كلام ويبقي معتمد ان الIFC هتبقي لوح 2d والمقاول يتصرف ..

في الحالة الاولي انت في البداية محتاج تتعلم كام حاجة عشان تندمج بسرعة

1-تكون فاهم الكونسبت العام للبيم بدون ما تغرق نفسك في مفاهيم مجعلصة ملهاش لازمة يعني متركزش علي الOIR وال BEP وال AIR وتقعد سنة بتذاكر في ال iso والاستاندرد..

2- تتعلم ريفيت بشكل مظبوط زي انك تهضم المفاهيم الخاصة بالريفيت زي - BIM Object, Parametric, Family tree (Category , Family , Type, Instance).

3- تتعلم استخدام ال best practice زي انك تستخدم ال system family وتتجنب بقدر الامكان ال model in place.

4- تتعلم ازاي تتعامل مع ال view organization وال sheet organization ودا بيتطلب تكون فاهم ال shared parameters صح لان دا اهم حاجة في الريفيت عشان تقدر تقسم الحاجات علي اكتر من level ..

5- اتعلم تسمي الحاجات صح عشان تقدر تفلترها وتجدولها صح وعشان تفلتر وتجدول تاني هتحتاج تتعامل مع ال shared parameters صح..

5- الجداول في الريفيت كاشفة للأخطاء فاتعلم تتعامل معاها بسرعة واحترافية وخلي عينك عليها دايمًا عشان تلحق اي حاجة وقعت ..

6- ظبط من الاول الشيتات وال views عشان إستخدامك للشيتات أكبر من ال views ..
_____________________________________

هنتكلم عن مرحلة ال contractor و bim consultant في بوستات جاية..
وطبعا مش محتاج اقلك كل دا واكتر بنشرحه في الدبلومة الخاصة ب Amso-Academy . الي هتلاقو تفاصيلها في الكومنتات ..

المقال تجدونه علي لينكدان بتنسيق مريح أكثر ..

"من التصميم الي التنفيذ، ما هي مراحل المشروع وكيف يتداخل معها الBIM؟" مقدمة لاحظت لفترات طويلة ان البعض بيخلط بين مستوايات تفاصيل البيم المختلفة او ما يسمي بال LOD LEVEL OF DETAILS) وتلاقيه بينزل بوست يحتوي علي رسومات في مستوي لا يتعدي ال LOD 200 و....

"من التصميم الي التنفيذ، ما هي مراحل المشروع وكيف يتداخل معها الBIM؟"

تنويه: مقال طويل لكنه مهم جدًا، خاصة لو أنت معماري أو إنتريور ديزاينر بتشتغل في الـBIM أو لسه بادئ الطريق فيه، وبيعتمد على تجربتي الشخصية في مشاريع متنوعة. المقال يحتوي علي شرح تفصيلي لمراحل المشروع ولكن سيتم مناقشتها تطبيقيًا في بوستات قادمة ..
------

لاحظت لفترات طويلة ان البعض بيخلط بين مستوايات تفاصيل البيم المختلفة او ما يسمي بال LOD LEVEL OF DETAILS) وتلاقيه بينزل بوست يحتوي علي رسومات في مستوي لا يتعدي ال LOD 200 ويقول انها LOD 400 وأحيانا LOD 500 ..

فخلينا نفهم مراحل المشروع ومتطلبات كل مرحلة بالتوازي مع مخرجات البيم من كل مرحلة ..
-------

*مراحل المشروع vs البيم*

*LOD 0- brief*
مرحلة دراسة للمشروع والموقع وشوية اسكتشات وكلام علي قرصين الطعمية وكوباية الشاي بتوع الكلاينت او ما يسمي "بالبادجت" بيطلع منها بروجرام المشروع ودرساته ..

*Concept Design / schematic -LOD 100 *

دي المرحلة المعماري بيشتغل فيها الديزاين بتاعه بعد ما درس المشروع والمساحات والحواديت دي كلها ويبدا يطلع تصميم قابل للتنفيذ في الغالب المرحلة دي مبتحتاجش تدخل من اي قسم من الاقسام التانية..
لكن في حالة لو المشروع renovation (يعني مبني قائم وبيتعمله تجديد) ساعتها ممكن الإنتريور ديزاينر بيدخل معانا بشكل مبدأي لو مفيش تغيرات كبيرة جوا فيقدر يعمل تصميمه..
وكمان الإنشائي ممكن يدخل يعمل investegations (تحقيقات) لو مثلا هنعلي دور فيبدأ يأكد هل ال foundation (الأساسات) تستحمل او لا وغيره بيأكدها وبتكون ضرورية..

ودا مشاريع قليلة جدا في الوطن العربي وعلي العكس تماما في اوربا هي دي اغلب المشاريع هناك، يعني 95 % في الوطن العربي بتبقي مباني بتبدأ من الأرض لكن 95 % من المباني في أوربا بتكون قائمة وبيتعملها تجديد ..

*مخرجات المرحلة دي من المعماري *
A -في حالة ان المبني من الارض -
1- basic architecture model
2- concept drawings
-site plan
-floor plans(general arrangements)
-elevations
-sections
3-renderings images

B- في حالة المبني Renovation -
1- existing model, demolished model, proposed model
2- Drawings
-existing and demolished drawings
-site plan
-floor plans(general arrangements)
-elevations
-sections
3-renderings images

في نهاية المرحلة دي ممكن نطلع لوح Authorities عشان يتوافق علي المشروع من الأجهزة المعنية بالتخطيط العمراني والقوانين والتشريعات بمختلف مسمياتها علي حسب كل دولة
---------

*LOD 200-Desgin development / detailed design(DD)*

بعد مرحلة الكونسبت وبناخد APPROVAL موافقة علي التصميم بنبدأ نعلي بتفاصيل المشروع بنحل أي مشاكل للمعماري عامة عشان يقدر يدخل معانا الإنشائي وكمان ال MEP وطبعا الانتريور شغال كدا كدا في الغالب المرحلة دي بتتقسم لمرحلتين DD 50% و DD 100% عشان نشوف كل الاقسام شغالة مع بعض ولا في مشاكل ..

كمعماري وكإنتريور بتبدأ تضيف الماتريال والتفاصيل بناءًا علي دراسة بقا العناصر وغيره وكلها من كاتلوجات الشركات الي إنت اختارت الماتريال علي اساسها في الديزاين مبنحطش أي حاجة في أي حاجة وأي مكان زي ما بنشوف.. بنستلم عينات وبيأكد عليها الكلاينت وبيتعملها APPROVED وبنطلع ال SPECS وال BOQ علي الاساس دا ..

مخرجات المرحلة دي للمعماري
1- Updated arch BIM model
2- DRAWINGS
-Overall/Partial Floor plans
-Elevations
-sections
-wall section
-Assembled drawings(stairs, lifts, railings, louvers , ...)
- Door schedules
- Window schedules

مخرجات المرحلة دي للانتريور
1- updated interior BIM model
2- drawings
- Setting out plans ( floor plans)
- Partitions and wall linings
- Wall finishes
- Floor finishes
- Reflected ceiling plans ( RCP)
- Furniture plans
- Power plans
- Interior elevations
- Bathrooms
- Kitchens
------------
LOD 300- Technical design / Tender Documents (TD)

في مرحلة التندر هي مرحلة طرح المشروع علي ال Contractor (المقاولين) ودي بتكمن أهميتها في ان كل عنصر في المشروع لازم يكون متوصف وواخد كود مربوط بال specifications(المواصفات) يعني مينفعش يكون في حيطة ملهاش كود ووصف وبينعكس علي ال Specifications وال specs لازم يكون متفصل فيها العنصر دا كل حاجة في تركيبه وال suppliers وغيره زي ما قولت
كل دا مهم عشان المقاول يعرف يسعر المشروع بتاعه ..

بعد ما المقاول يسعر شغله بترجع نسخة للأستشاري في نفس الوقت بيحصل final coordination بين ال معماري والانشائي وال MEP وبيكون في صداع كتير طبعًا..
وفي الاخر المقاول بيستلم النسخة الفاينال من البيم مودلز وال documentations ودي بتبقي شاملة الرسومات وال specs وال BOQ وغيره..

مخرجات المرحلة دي من المعماري
1- Updated bim model
2- Drawings
نفس المرحلة السابقة باضافة
- Facade details
- External envelope details
- general details ( louver details, cladding details ..etc)
3- final specs

مخرجات المرحلة دي من الانتريور
1- Updated bim models
2- Drawings
- نفس المرحلة السابقة باضافة info و
- bespoke drawings (built-in wardrobes, desks, loose furniture, cladding, ..etc
3- final specs
----------

LOD 400- Construction drawings/ shop drawings

دي مرحلة المقاول بعد ما بيستلم البيم مودل من الإستشاري والرسومات بيبدأ يعلي بتفاصيل أكتر في التنفيذ بتكون كل حاجة تفصيلية وبيكون في تركيز في ال Final coordination عشان خاطر ال MEP والإنشائي وبيسلم نسخة للإستشاري للمراجعة النهائية وفي الغالب بيكون في نفس الوقت دا الموقع إبتدا شغل وتنفيذ أصلا ..

مخرجات المرحلة دي بتكون رسومات تفصيلية بتوصل لأصغر التفاصيل علي حسب إحتياج المشروع وعلي حسب ال Scope وطبعًا الكميات بتاعت كل حاجة ..
كرسومات شوب دروينج في حاجات بتبقي معماري وفي حاجات انتريورو

-Blockwork
- Plaster
- RCPs
- Tiles layout
-finishes
- Waterproofing
وغيره من رسومات الشوب دروينج الي عايزه كلام في بوست لوحدة زي الانتريور

أوقات كتير بيكون في sub contractor لبعض الحاجات هما الي بيقومو بعمل الرسومات التفصيلية واحنا بندخلها معانا في المودل واللوح زي ال Aluminum details مثلا..
------

*LOD 500-As built / handover close out*

دي بعد ما يكون خصلت كل حاجة في الموقع فالمقاول نفذ حاجة معينة وخد موافقة بدون رسومات فبعد ما إتعملت بنعمل أبديت للمودل ورسومات As built (يعني علي أبوه كدا بعد ما اتنفذ)

------

شوية ملاحظات
1- مش بالضرورة كل المراحل تمشي تيبكال كدا كل حاجة علي حسب المشروع وحجمه مشروع فيلا مش زي مشروع مول ..

2- المراحل من lod 100 ل 300 خاصة بالاستشاري فدورك فيها بيكون بيم مع ديزاين أوقات فلازم تكون فاهم كويس دا ..

مرحلة LOD 400 دي مع المقاول فدورك فيها بيكون Coordination مع رسومات تفصيلية واخراج كميات ..

3-ال LOD في البيم بيتطبق أكتر علي العناصر مش علي المشروع يعني ممكن في مرحلة كونسبت يكون عندك تفاصيل أبواب فتعمل ال Familiy بتاعت الباب بمستوي تفاصيل LOD 300 وانت لسه في مرحلة lod 100 فدا عادي
وممكن تبقي في LOD300 وانت معندكش تفاصيل شبابيك والمقاول الي بيعملها في LOD 400 لكن LOD 400 يعني تفاصيل ال mullions بتاعت الشباك ظاهرة مش مجرد مربع ودي بيستلمها من ال specialist وهكذا ..
------

ان شاء الله هيكون في شرح قريب أكتر هينزل علي قناة اليوتيوب بالتفصيل للمواضيع دي وجدير بالذكر إن بنتناول كل دا في دبلومة بيم هتلاقو تفاصيلها في الكومنتات ..

لو عندكم أي اسئلة او مواضيع حابين أتكلم عنها ياريت تكتبولي في الكومنتات ولو لقيتو الموضوع مفيد شيروه مع أصدقائكم..