English with Ahmed Al-Saadi.

لا تستعجل بأي شي بحياتك و خصوصا بتعلم #اللغة 😃..

هون في الإمارات شرط لدخول الجامعات يكون معك شهادة IELTS و تكون تتيجتك أقل شي 5.5

كثير عم يجوني طلاب بكونوا لساتهم بالمستوى المبتدئ و بدهن يتحضروا لل IELTS!
امتحان IELTS عبارة عن تعب ع لغتك + تنظيم وقت و فهم استراتيجيات حل الأسئلة لتعرف تجتاز الامتحان و تجيب النتيجة يلي بدك ياها..

ما في مدرس بقدر ينقلك من المبتدئ لتصير خرج تجيب IELTS محترمة بمسحة رسول 😃.

اشتغل على لغتك

الله يوفقكم جميعا ❤️

فظيع في الإنكليزي 😂

من ٩ صباحاً ل ٩ مساءً

١٢ ساعة دروس IELTS

تعبان و شايف الديك أرنب 😂

بس لما تشوف 7 بالاستماع و 7 بالقراءة من الطلاب بتقول هالتعب مستاهل ❤️

الله يوفقكم جميعاً و تذكروا إنه مع العمل و التدريب ما في شي مستحيل 👍

فظيع في الإنكليزي 😂😂😂

يومي عم يبداً و ينتهي بطلاب ال IELTS و من التسعة الصبح

تعب؟ إي.
لكن شعور إنك عم تساعد ناس تحقق أهدافها… بيستاهل كل دقيقة.

تحية كبيرة لكل شخص عم يشتغل بضمير…
لكل واحد قام من الصبح وبلش يومه وهو عنده هدف.
لكل حدا عم يتعب كرمال يطور حاله أو يبني مستقبله أو يساعد غيره.

النجاح ما بيجي بالحظ…
بيجي ورا ساعات شغل، وصبر، والتزام، وأيام ما حدا بيشوفها.

الله يقوي كل مجتهد، ويوفق كل طالب عم يسعى لحلمه. ❤️

كونه مستواك ضعيف باللغة هالشي مو عيب
ما دامك عم تحاول و عم تجتهد لحتى تتطور

العيب إنه تخلي المعاهد تضحك عليك تروح تسجل دورة IELTS بدون ما تكون مشتغل ع مستواك 😃

منشور بعد ما عملت تحديد مستوى اليوم لطالب عنده امتحان IELTS الأسبوع الجاي و قلي
My egg is 21 🙂

اشتغل ع مستواك و لا تنسى انه الوقت بحياته ما تأخر إنك تبدأ ❤️