SpeakLab with Mazin

شباب/شابات

الفترة الفاتت كانت شوية ضغطة لكن ب الحمدلله رقنا

بعد ما خلصنا ال workshop الأولى و الحمدلله كل الشباب و الشابات ال كانوا معانا إستفادوا فائدة كبيرة .. شوف ال feedback في الرابط ده ..
https://www.facebook.com/story.php?story_fbid=122130382232161554&id=61554846630692&mibextid=Nif5oz

ف عشان كده عايزين نوسع الدائرة و ما نقيف ..

إن شاء الله عايزين طوالي نبدأ نفس ال workshop بتاعتنا مع مجموعة تانية بنفس الطريقة ..

التفاصيل كالآتي...

** شنو عنوان الورشة و حتكون بإسم شنو؟
𝐅𝐮𝐧𝐝𝐚𝐦𝐞𝐧𝐭𝐚𝐥𝐬 𝐨𝐟 𝐀𝐦𝐞𝐫𝐢𝐜𝐚𝐧 𝐄𝐧𝐠𝐥𝐢𝐬𝐡

** اللغة الإنجليزية و عموما" أي لغة باب كبير شديد .. الورشة حتركز على شنو بالظبط؟
حنهتم جدا" ب الجانب العملي و التطبيقي للغة في النطق الصحيح و الكلام ..
حنركز شديد على النطق و ال آكسنت و كيف الواحد تكون مخارجو للحروف و نطقو ممتاز ..
حنركز على القواعد الأساسية للنطق الصحيح للغة الإنجليزية على مستوى الكلمات و الجمل المطوّلة على طريقة ال Americans ..
حندرس و نحلل الكلام ال بيقولوهو الأجانب و ليه بيقولوهو بالطريقة دي على أساس إنت نفس تبدأ تستوعب و تستشف ال Accent الكويس
و في آخر الورشة حنوريك كيف تعمل Practice بشكل دوري و متواصل عشان تحسّن من مستواك أكتر و أكتر مع مرور الأيام و الأسابيع

** تاني حأستفيد شنو بإختصار لو سمحت؟
حتتعلم كيف تتكلم English بصورة تكون أقرب لأهل اللغة

** الدورة حتكون قدر شنو و كم ساعة؟
حتكون 6 sessions ان شاء الله .. كل session ساعة لي ساعة ونص

** وين و كيف حيتم تقديم الورشة؟
أونلاين عن طريق Zoom .. تحتاج إنترنت كويس

** متين حتبدأ؟
يوم ٢٠ مارس إن شاء الله

** هل في تكلفة مالية لحضور الورشة؟
نعم .. تكلفة رمزية جدا" و قدرها 100 درهم إماراتي بس

** ممكن تورينا المواضيع ال حنمر عليها في الورشة؟
Session 1: Foundations of American Sounds
Session 2: Syllable Stress
Session 3: Staircase Intonation
Session 4: Compound Sentences Intonation
Session 5: Liaisons
Session 6: How to Practice

إذا مهتم إتواصل معاي في الخاص Facebook Messenger للتسجيل

ممكن تشيّر البوست مع أي واحد حاسي إنو الموضوع بيهمو 😁

في البوست ده جمعت بعض من التعليقات و ال feedback ال وصلنا من الشباب و الشابات ال إشتغلنا معاهم ال workshop ال فاتت ..

أنا كمان فخور والله جدا" إنو قعدنا و إشتغلنا مع مجموعة متميزة شديد من الشباب المجتهدين و الطموحين إنو يوصلوا بعيد شديد في دراستهم و تعلمهم للغة و في ال Career حقهم بشكل عام ..

شكرا" ليكم شديد شباب 💜🙏🏻

https://www.facebook.com/profile.php?id=61554846630692

بحمدلله تعالى قبل يومين أكملنا اول Workshop كانت عندنا في SpeakLab ..

إستمتعنا جدا" و نحن بنشرح و بنتعلم في مفاهيم أساسية في ال English عشان تخليك elegent و إنت بتتكلم اللغة ..

شرحنا و إتكلمنا عن ال American English Sounds اللي هي الأصوات و مخارج الحروف الأساسية عند ال Americans و إتمرسنا عليها لأنو ده الأساس ..

و إنتقلنا لل Syllable Stress و مشينا لل Intonation و إتعلمنا كيف الواحد ما يكون monotonous في كلامو و يتكلم بانو يعلي في ال tone حقتو و ينزل زي ما بيعملوا الأجانب بالظبط و مرينا على كل القواعد للحاجة دي ..

و إتعلمنا كيف الواحد يظبط أي brief او presentation بحيث إنو يطلع منو بصورة ممتازة و ب accent ممتاز ب techniques سهلة و بوسائل متاحة لينا كلنا ..

و منها إنتقلنا لمفهوم ال Liasons و كيف الأجانب بيربطوا الكلمات و الجمل و أثر الحاجة دي في تغيير النطق في كتير من الكلمات و الجمل ..

و إستمتعنا جدا" و نحن بنشرح للناس ال techniques اللي ممكن يستعملوها عشان الواحد يطور من لغتو أكتر و أكتر لي قدام بعد ما خلصت ال workshop و هو قاعد في مكانوا في البيت بدون ما الزول يحتاج انو يدخل معهد او club و يدفع قروش على الفاضي و يلقى نفسو ما إستفاد اي حاجة ..

و سمحنا للناس انهم يعملوا practise للمفاهيم ال شرحناها و يرسلوا لينا نطقهم و أداءهم للكلمات و الجمل و القواعد ال إتعلمناها عشان نتأكد إنو المفاهيم وقعت ليهم بصورة كويسة ..

و كنا بنرسل recordings لكل الكلام ال شرحناو و إتكلمنا عنو للناس .. عشان الواحد يستفيد منو في زمنو الخاص و هم بيتمرس او بعد إنتهاء ال workshop..

ده كلو و زيادة و زيادة ...

بحمدالله ال feedback ال جانا من الناس انو المفاهيم الشرحناها كلها كانت مهمة و مدهشة جدا" .. و فتحت عيوننا لي حاجات عمرنا ما اتعملناها ولا سمعنا بيها خلال مسيرة تعليمنا من أساتذتنا بتاعة اللغة الإنجليزية و كتبنا و مناهجنا ..

في واحد من الشباب قالي على لسانو "أنا الحاجة دي كان شفتها و درسونا ليها في ال British Council في السودان بس نهائي ما وقعت لي .. يادوب وقعت لي!" 😂👌

و الصراحة كنا محظوظين شديد انو كل الناس الكانوا حضور كانوا ناس ممتازين و طموحهم عالي شديد والله إنو يحسنوا من مستوياتهم في ال English Speaking ..

و حلو جدا" الواحد يلاقي ناس عندهم نفس ال interests حقتو في تعلم و إتقان اللغة و الناس تقعد و تتلم مع بعض و تنافش المواضيع المهمة و تكون متواجد معاهم في قروبات في الواتساب عشان الناس تتبادل مصادر المعلومات المفيدة ..

ف الحمدلله...

والله متعة شديدة !!!

و ما حنقيف ..

إن شاء الله حنفتح باب التسجيل لل workshop الجاية في الأيام القليلة ال قدامنا ..

ف خليكم قراب ..

و ما نقيف نشتغل على نفسنا يا أخواننا!!☝️☝️

بسم الله نبدأ 😁😁

ده جدول ال workshop للناس ال أكملوا التسجيل

Here is the timetable of our first workshop for all who have completed their registration.

و أبدا" ما حنقيف نتعلم و نتطوّر ☝️

Mastering a language and speaking it with ease is a lifelong process.

There is no such thing as learning it fast.

In this situation, the most important thing is to be on the right track, which is gonna help you progress over the years.

Continuous learning is crucial.

I'm NOT perfect.

Far from it.

But I'm growing daily.

And I want you to join me on this journey.

We hv left with a few seats for our first workshop "Fundamentals of American English", next Saturday, 6/Jan.

Secure your spot.

طيب شباب/شابات

من الآخر كده..

منو جاهز يبدأ معانا بجدية و إلتزام و حماس إنو يشتغل على ال English Speaking Skills

ليه طيب ليه نحن مهتمين بالموضوع ده أساسا"؟

اللغة الإنجليزية بقت مطلبوبة في سوق العمل بقدر عالي جدا" .. يعني المستوى الركيك من اللغة ما مقبول .. ولا حتى في المؤسسات الحكومية اللي أغلبها من فئات الجنسيات العربية .. مستوى اللغة اللي كان بيمشينا زمان و بيخليك تشتغل في شركات كبيرة و "رهيبة" المعاينات فيها كانت بالإنجليزي يقوليك (زي إريكسون و زين و MTN) برة السودان ما كفاية .. فعليا" اللغة و طريقة نطقها بتغير فكرة الناس و إنطباعهم عنك و عن مستوى تعليمك بشكل كبير .. و في سوق العمل بتتفتح ليك فرص أكبر بمجرد إنك بتتكلم بطلاقة و ثقة في لغتك الإنجليزية

و عشان كده نحن هسه حنبدا إن شاء الله و متحمسين حماس شديد 💪 ..

بحمدلله أكملنا تحضير المحتوى لأول workshop اللي حتكون بمثابة التأسيس و البداية لرحلة إحتراف التحدث بالانجليزية ان شاء الله ..

تفاصيل ال workshop الأولى كالآتي:

** شنو عنوان الورشة و حتكون بإسم شنو؟
𝐅𝐮𝐧𝐝𝐚𝐦𝐞𝐧𝐭𝐚𝐥𝐬 𝐨𝐟 𝐀𝐦𝐞𝐫𝐢𝐜𝐚𝐧 𝐄𝐧𝐠𝐥𝐢𝐬𝐡

** شنو ال بيميز الورشة دي عن غيرها من كورسات الانجليزي في كل مكان؟
الورشة دي و غيرها من الورش ال حنعملها قريب ان شاء الله في Speaklab حتكون مختلفة عن التدريس التقليدي للإنجليزي .. حنهتم اكتر ب الجانب العملي و التطبيقي للغة في النطق الصحيح و الكلام و حنحاول ندرس و نحلل الكلام ال بيقولوهو الأجانب و ليه بيقولوهو بالطريقة دي و كل الكلام ده حنعتمد فيو على أجانب بيتحدثوا قدامك مش من كتب

** الورشة حتركز على شنو طيب؟
حنركز في الورشة على القواعد الأساسية و القوانين العامة للنطق الصحيح للغة الإنجليزية على مستوى الكلمات و الجمل المطوّلة على طريقة ال Americans .. و كيف يتم تطبيق القوانين دي أثناء الحديث .. و كيف تعمل Practice بشكل دوري و متواصل عشان تحسّن من مستواك أكتر و أكتر مع مرور الأيام

** منو أكتر زول/زولة بتناسبو الورشة و حيقدر يستفيد منها إستفادة قصوى؟
الزول أو الزولة حيستفيد أكتر لو عندو أساسيات مقبولة و بيقدر يتجاوب في السماع و الرد و عندو vocabulary متوسط

** الدورة حتكون قدر شنو و كم ساعة؟
حتكون 6 sessions ان شاء الله .. كل session ساعة لي ساعة و ربع

** وين و كيف حيتم تقديم الورشة؟
أونلاين عن طريق Zoom

** متين حتبدأ؟
يوم السبت ٦ يناير ٢٠٢٤ إن شاء الله

** كم عدد الأشخاص ال حنشتغل معاهم؟
من ٦ إلى ١٠ اشخاص فقط .. مع إنو عايزين نشتغل مع أعداد أكبر من أخواننا و أخواتنا عشان ننشر الفائدة بشكل أكبر . بس في نفس الوقت برضو عايزين الورشة تكون أقرب لانها تكون one-to-one عشان ندي فرصة المشاركة و الممارسة أثناء الورشة و التدرّب و التمرّس

** هل في تكلفة مالية لحضور الورشة؟
نعم .. تكلفة رمزية جدا" و قدرها 100 درهم إماراتي بس

** ممكن تورينا المواضيع ال حنمر عليها في الورشة؟
Session 1: Foundations of American Sound
Session 2: Syllable Stress/Intonation
Session 3: Syllable Stress Patterns
Session 4: Complex Intonation
Session 5: Liaisons (Word Linking)
Session 6: How to Use Podcasts for Solo Practice

تمام معاك؟

مستني شنو؟

إتواصل معانا للتسجيل لل workshop

و زي ما قعد نقول دايما"...

ما نقيف نتطوّر و نتعلّم يا جماعة 💪

ده حلّنا الوحيد

خليكم معانا في الصفحة لكل المستجدات:

https://www.facebook.com/profile.php?id=61554846630692&mibextid=2JQ9oc

كتير اليومين ديل و نحن مدروشين شغل صباح و مساء بيجيني إحساس من بعض الناس إنو إنت هسه في شنو و نحن في شنو!!

جاي تعمل لينا فيها شغل و إجتهاد و عندك نفس كمان عايز تشتغل و عامل مشروع و البلد مليانة حروب و تدمير و خراب و كل يوم أخبار ما بتسر ..

بس صدقوني يا جماعة كلنا والله عايشين نفس الشعور القاسي ده .. أنا شخصيا" عندي جزء كبير من أهلي و ناس بيتنا في السودان و كل يوم عايش القلق بتاع إنهم كويسين ولا لا

و لكن ..

الحياة إمتحانات و ربنا خاتانا في الوضع الصعب ده عشان يشوف إنو حنصبر ولا لا

بالرغم من كل الحاصل .. ما لنا إلا الله و الدعاء .. و المضي قدما" في حياتنا و مشاغلنا و شغلنا و طموحاتنا و أحلامنا الصغيرة

أنا شخصيا" ما شجعني إنو أبدأ الحاجة دي إني أجتهد و نبدأ نشتغل مع أخواننا و أخواتنا السودانيين على تطوير لغتهم و مهاراتهم إلا الأوضاع الصعبة و المؤلمة ال بقت حولينا ..

فربنا يقوينا كلنا ..

رغم الآلام تستمر المسيرة ..
و رغم المحن و العبئ يستمر عملنا و مثابرتنا و إجتهادنا ..

و الخنوع و السقوط أبدا" ما حل .. لسه و لسه حنعافر 💪

و أبدا" ما نقيف نتعلم يا أخواننا 💪

طيب يا شباب و شابات .. زي ما وريت كل واحد فيكم في الخاص ..

أنا موضوع اللغة الإنجليزية دي سكيتو فترة زمنية طويلة شديد يمكن حوالي ٥ سنوات ..

و الحمدلله وصلت فيو مراحل كويسة شديد .. معظم الناس ال بيلاقيوني بيقولوا لي انت مولود في أمريكا و كذا ههه

وصلت مرحلة إنو لو داير اركب مكنة الولد امريكي و ما سوداني (عملتها كتير! 😂) بقدر .. و لو داير اتكلم بإنجليزي عادي بتكلم ..

المهم أنا مؤخرا" لقيت نفسي جامع معلومات و بيانات كتيرة شديد لحاجات لقطها خلال طوال السنوات دي ..

و بالجد حاجة محترمة و منظمة و ممكن تفيد غيري من الناس ،، ف ليه أخليها عندي؟!!

أنا الحمدلله حاليا" عندي المعرفة بس الصراحة بديت في المشروع ده جديد .. للأمانة .. فحآخد عدد قليل جدا" من الناس و حأبدأ معاهم ك batch أول ..

حنمر على كل الأساسيات ال بتساعد إنك تنطق بصورة كويسة و حأوريك بعد تعرف القواعد دي انو كيف تواصل تتدرب عليها لي قدام براك كيف من غير مساعدة زول .. عشان ما تقيف من تطوير نفسك أبدا" .. و أنا زاتي لحدي هسه ما وقفت من انو اشتغل على تحسين نفسي كل يوم ..

و في الحياة دي حيلاقوك ناس كتار انجليزيتهم ممتازة بس لو سألتهم انت كيف توصلوا للحاجة دي ما حيقدروا يوروك لانو هو أخد اللغة من غير تعب .. أنا حأقدر اوريك ان شاء الله لانو روحي طلعت و انا ضايع ههه .. انا قريت عادي في مدارس حكومية طبعا بس تعبت و اجتهدت و عرفت الطريق بوين ..

طبعا" الحاجة دي حتكون مدفوعة الأجر بقيمة رمزية شديد .. بس عشان نكسب جدية الناس في المشروع ده ..

أنا هسه حاليا قاعد برتب في المحتوى .. و اعتمادا على المحتوى و كميتو حنحدد عدد ساعات معينة و جدول معين و على كده حنحدد المبلغ ..

انا كتبت البوست عشان اقيس اهتمام الناس .. و سبحان الله رسلوا لي ناس كتار شديد عايزين نبدا هسه طوالي ههه .. طيب يا جماعة الصبر شوية هههه

بس لا حنبدا في فترة قريبة جدا جدا ان شاء الله و حأوريكم سواء هنا في الصفحة أو لكل واحد في الخاص ..

و أبدا" أبدا" أبدا" ما حنقيف نتعلم ☝️😁